រាជធានីភ្នំពេញ ៖ ថ្ងៃទី៧ មេសា ២០១៦ នៅថ្ងៃទី២៣ ខែមីនា គណៈកម្មការមូលបត្រកម្ពុជា (SECC) បានផ្តល់ការអនុម័តសំខាន់របស់ខ្លួនសម្រាប់ Phnom Penh SEZ ដើម្បីប្រកាសខ្លួនជាសាធារណៈ ។ ឥឡូវសួនឧស្សាហកម្មនាំមុខគេ និងជាតំបន់សេដ្ឋកិច្ចពិសេសរបស់ប្រទេសកម្ពុជា គឺស្ថិតនៅលើដំណើរការចុះបញ្ជី ។ ដើម្បីបានរាយឈ្មោះជា PPSP ក្រុមហ៊ុនមានវ័យ១០ ឆ្នាំនេះកំពុងស្ថិតលើផ្លូវក្លាយជាតំបន់ឧស្សាហកម្មធំដំបូងដែលត្រូវបានចុះឈ្មោះ និងជាក្រុមហ៊ុនមួយក្នុងចំណោមក្រុមហ៊ុនពីរបី ដែលបានចុះឈ្មោះលើផ្សារហ៊ុនកម្ពុជា ។
លោកស្រី Carie Phou លេខាធិការក្រុមហ៊ុន និងជានាយកបង្ហាញរបស់ Phnom Penh SEZ PLCបានពន្យល់ថា «ការសម្រេចចិត្តនេះ មានការខិតខំប្រឹងប្រែងយ៉ាងខ្លាំងនៅក្នុងដំណើរការរយៈពេលយូរ ដើម្បីការប្រកាសជាសាធារណៈនោះ ឥឡូវនេះ យើងបានបញ្ចប់ការកំណត់ពេលវេលាជាមួយ SECC ហើយយើងរីករាយក្នុងការប្រកាសរយៈពេលនៃការប៊ុកបៀលឌីងចាប់ពីថ្ងៃទី១៨ដល់ថ្ងៃទី២២ មេសា ២០១៦» ។ «វាគឺជាព្រឹត្តិការណ៍គួរឱ្យសប្បាយរីករាយបំផុតសម្រាប់ក្រុមហ៊ុនរបស់យើង និងជាឱកាសសម្រាប់សាធារណៈចូលរួមជាមួយពួកយើងនៅក្នុងការសម្ពោធIPO ជាផ្លូវការនេះ» ។
ព្រឹត្តិការណ៍ជាសាធារណៈនឹងកើតឡើងនៅថ្ងៃទី២០ មេសា ២០១៦ នៅសណ្ឋាគារ Raffles Hotel Le Royal ចាប់ពីម៉ោង៩ព្រឹកដល់ម៉ោង១២ថ្ងៃត្រង់ ដែលមានការអញ្ជើញចូលរួមដោយលោកជំទាវឧកញ៉ា លីម ឈីវហួរ អគ្គនាយក Phnom Penh SEZ PLC អមដំណើរដោយលោក Hiroshi Uematsu ជានាយកប្រតិបត្តិ និងលោក Fong Nee Wai ជាប្រធានផ្នែកហិរញ្ញវត្ថុ។
ពិធីសម្ពោធបើក IPO របស់ក្រុមហ៊ុន Phnom Penh SEZ PLC នឹងប្រព្រឹត្តទៅនាថ្ងៃទី២០ មេសា នៅសណ្ឋាគារRaffles Le Royal ។
ភ្ញៀវដែលត្រូវបានអញ្ជើញទៅចូលរួមក្នុងព្រឹត្តិការណ៍នេះ នឹងត្រូវបានជូនដំណឹងអំពីដំណើរការលម្អិតនៃការបោះផ្សាយលក់មូលបត្រជាសាធារណៈដំបូង ផែនការអភិវឌ្ឍនាពេលអនាគតនៃតំបន់សេដ្ឋកិច្ចឈានមុខគេរបស់កម្ពុជា និងឱកាសវិនិយោគបន្ទាប់ពីការចុះបញ្ជីនៅពេលខាងមុខនៅលើផ្សារមូលបត្រកម្ពុជា។ បណ្តាក្រុមហ៊ុនធានាទិញមូលបត្រដែលមានជំនាញវិជ្ជាជីវៈ នឹងរង់ចាំឆ្លើយតបនឹងចម្ងល់របស់លោកអ្នកនៅក្នុងថ្ងៃកម្មវិធី និងដើម្បីចុះឈ្មោះ និងផ្តល់នូវសេវាដែលមានជំនាញវិជ្ជាជីវៈដល់វិនិយោគិនដែលមានបំណងធ្វើការវិនិយោគទៅក្នុងក្រុមហ៊ុន ។
Phnom Penh SEZ PLC មានគោលបំណង ដើម្បីផ្តល់ជូនរហូតដល់ទៅ១១,៦លានហ៊ុននៅលើផ្សារហ៊ុនកម្ពុជា (CSX) ដែលតំណាងឱ្យ២០ភាគរយនៃភាគហ៊ុនបានចេញពង្រីក។
លោក Fong Nee Wai ប្រធានផ្នែកហិរញ្ញវត្ថុបានឱ្យដឹងថា៖ «សម្រាប់គម្រោងដំបូង យើងរក្សាបាននូវចំនួនហ៊ុនដែលយើងនឹងដាក់បង្ហាញ។ ជួរតម្លៃត្រូវបានកំណត់សម្រាប់ប៊ុកបៀលឌីងគឺពី០,០៧ដុល្លារទៅ១ដុល្លារ ក្នុងមួយហ៊ុនថ្មី។ មូលធនទីផ្សារសរុបរបស់ Phnom Penh SEZ PLC នឹងមានប្រមាណ40,5 ទៅ57,88 លានដុល្លារ»។
ជាមួយនឹងប្រត្តិបត្តិការ៧៦ក្រុមហ៊ុននៅក្នុងតំបន់នាពេលបច្ចុប្បន្ននេះ និងទីផ្សារមានលក្ខខណ្ឌអំណោយផលក្រុមហ៊ុន គឺស្ថិតនៅលើផ្លូវកសាងកិត្តិនាមបន្ថែម និងពង្រីកភាពជាដៃគូ និងម្ចាស់ភាគហ៊ុនរបស់ខ្លួន និងទំនាក់ទំនងភាពជាដៃគូទទួលបានជោគជ័យ ។ ជាពិសេស គម្រោងអភិវឌ្ឍន៍នៅក្រុងប៉ោយប៉ែតក្បែរព្រំដែនថៃមានបំណងផ្ដល់ដីផលិតជីដល់បណ្តាក្រុមហ៊ុនដែលមានការចាប់អារម្មណ៍ ។
សាធារណជនដែលមានចំណាប់អារម្មណ៍អាចចុះឈ្មោះសម្រាប់ចូលរួមព្រឹត្តិការណ៍សម្ពោធ IPO នៅលើគេហទំព័រ www.ppsez.com ៕
ចែករំលែកព័តមាននេះ