លុបបឹង=មហាសេដ្ឋី?
រាជធានីភ្នំពេញកាលពី៥ទសវត្សមុននេះ កណ្តាលក្រុងទីណាក៏បឹងដែរ ។ ចេញផុតពីផ្សារធំថ្មីសុទ្ធតែបឹង…ដូចជាបឹងរាំង បឹងព្រលិត ធ្លាយមកបឹងកេងកង…ជាពិសេសវត្តកោះ ពីអតីតកាលជាបឹងមានជម្រៅពី៧ម៉ែត្រទៅ១០ម៉ែត្រ
រាជធានីភ្នំពេញកាលពី៥ទសវត្សមុននេះ កណ្តាលក្រុងទីណាក៏បឹងដែរ ។ ចេញផុតពីផ្សារធំថ្មីសុទ្ធតែបឹង…ដូចជាបឹងរាំង បឹងព្រលិត ធ្លាយមកបឹងកេងកង…ជាពិសេសវត្តកោះ ពីអតីតកាលជាបឹងមានជម្រៅពី៧ម៉ែត្រទៅ១០ម៉ែត្រ ។
បឹងកណ្តាលក្រុង បូមដីបំពេញក្នុងឆ្នាំ១៩៥៥ ប៉ុណ្ណោះ ។ សុទ្ធតែបឹង…អូរ…អូរឫស្សី…ពេញទីក្រុងបែបនេះ បើមិនចាក់ដីលុប មានកន្លែងឯណារស់នៅបាន ? ក្លាយជាទីក្រុងកើតដែរទេ ? អ្នកក្ររត់ចេញអស់…មានផ្លូវក្រឡាឈើត្រង់ ដែលទីក្រុងនៃប្រទេសជិតខាងអត់មានផ្លូវខ្វាត់ខ្វែង ជាក្រឡាអុកដូចភ្នំពេញទេ ។ មិនបាច់រ៉ាយរ៉ាប់វែងទេ…ចេញផុតពីវត្តភ្នំ សុទ្ធតែបឹង សុទ្ធតែអូរ ប្រឡាយ…ធ្លាយដល់ស្ទឹង…ហៅស្ទឹងមានជ័យ ។ល។
មានដីទួលមួយហៅ ទួលព្រះស្រី ជាទីតាំងបញ្ចុះសព…ដែលគេហៅទួលកប់ខ្មោច…បច្ចុប្បន្នជាបុរីកីឡា…ឈូសខ្មោចចោលអស់…អ្នកណាកាយទាន់ក៏កាយទៅ…
ក្រោយពេលលុបបឹង…លុបអូរពេញអស់ទៅ…លេចឡើងសុទ្ធតែអ្នកមាន…ផ្ទះថ្មតូចធំ ខ្ពស់ទាប ព្រោងព្រាត…ឯអ្នកក្រីក្រអត់លទ្ធភាព រត់រកជាយក្រុង…ឲ្យតែមានដី…មានទួល…រស់នៅតាមលទ្ធភាពរៀងៗខ្លួន…រហូតមានពាក្យស្លោកចារទុកថា «ចិនដេញខ្មែរ ខ្មែរដេញខ្មោច» រហូតដល់សព្វថ្ងៃ ។
ពីសម័យមុន…ខុសពីសម័យរីកចំរើន…អ្នកក្រីក្រវេចបង្វេចដឹកដៃកូនចៅចេញទៅរកកន្លែងរស់នៅឲ្យផុតពីគេដេញ…ព្រោះអត់មានលទ្ធភាពសង់ផ្ទះតាមដីឡូតិ៍ដូចអ្នកមាន ។
សម័យមុនមនុស្សតិច…អ្នកចេះក៏តិច…ម្លោះហើយអ្នកក្រ…អ្នកល្ងង់…គ្មានវាចានឹងថ្លែងឲ្យអស់បានឡើយ…មកដល់សម័យនេះ…សម័យចង់ទៅ
រស់នៅឋានព្រះច័ន្ទសម័យរីកចំរើន…សម័យមហាសេដ្ឋីរាប់មិនអស់…សម័យឋានសួគ៌លោកកិយ…សម័យឋានសួគ៌នៅជិតបង្កើយ…ការចាក់ដីលុបបឹង…លុបស្ទឹង…លុបព្រែកដែលនៅសល់…មិនអាចចៀសផុត…មិនអាចមានឥទ្ធិពលណាមួយទប់ដំណើរទៅមុខរបស់សង្គមបានទេ…។ល។
បឹងទំពុន…បឹងជើងឯក…ប្រឡាយទឹកស្អុយ…ក្រោយពេលលុបជិត…អ្នកដែលលុបក្លាយជាមហាសេដ្ឋីអស់ទៅហើយ…ចាក់ពេញបណ្តើរ…លក់បណ្តើរ…ប្រសិនលក់ទាំងអស់ប៉ាន់ប្រមាណបាន៣ពាន់៥រយលានដុល្លារ…អ្នកឯកទេសវាយតម្លៃខ្សឹបប្រាប់ម្សិលមិញ ៕
អាឡេវ
ចែករំលែកព័តមាននេះ