បទសម្ភាសន៍កាលពីឆ្នាំមុនរបស់ Nikkei Asian ជាមួយនាយកប្រតិបត្តិរបស់ក្រុមហ៊ុនSamsonite លោក Ramesh Tainwala បានមានប្រសាសន៍ថា ក្រុមហ៊ុនរបស់លោកមើលឃើញជាវិជ្ជមាននូវកំណើនអជីវកម្មនៅអាស៊ី ពិសេសគឺនៅប៉ែកអាស៊ីអាគ្នេយ៍។
នេះគឺជាដំណឹងល្អមួយសម្រាប់ប្រជាជនកម្ពុជាដែលតែងតែចូលចិត្តធ្វើដំណើរច្រើនមិនថា ជាលក្ខណៈកម្សាន្ត ឬក៏បំពេញភារកិច្ចការងារ ដោយក្រុមហ៊ុន Samsonite បានចុះកិច្ចព្រមព្រៀងមួយរវាងការិយាល័យដើម និងការិយាល័យរបស់ Samsonite នៅប្រទេសសិង្ហបុរី ផ្តល់សិទ្ធិផ្តាច់មុខឱ្យក្រុមហ៊ុន Campore Group (Cambodia) មានការចែកចាយផលិតផលស្លាកសញ្ញាSamsonite នេះនៅប្រទេសកម្ពុជា។
ក្រុមហ៊ុន Campore Group (Cambodia) Ltd គឺជាក្រុមហ៊ុនចែកចាយ ដោយផ្តោតទៅលើផលិតផលដែលមានស្លាកសញ្ញាពិតប្រាកដ និងជាម៉ាកដែលមានគុណភាព។
ក្រុមការងាររបស់ Khmer Load/ កោះសន្តិភាព បានជួបសម្ភាសន៍ផ្ទាល់ជាមួយលោកប្រធានចាត់ការទូរទៅនៃក្រុមហ៊ុន Campore Group (Cambodia) លោក Kevin Tang ដែលអញ្ជើញមកពីប្រទេសសិង្ហបុរី។ លោកគឺជាអ្នកដែលមានបទពិសោធន៍ និងការយល់ដឹងច្រើនក្នុងការធ្វើដំណើរ ដោយរូបលោកផ្ទាល់ក៏ធ្លាប់បានធ្វើដំណើរទៅប្រទេសមួយចំនួនក្នុងពិភពលោកផងដែរ។
តើលោកមកធ្វើការនៅប្រទេសកម្ពុជារយៈពេលយូរប៉ុណ្ណាដែរ?
Campore Group (Cambodia) បានចាប់ដំណើរការកាលពីខែមិថុនា ឆ្នាំ២០១៣។ ហើយក្រុមហ៊ុនក៏បានជ្រើសយកខ្ញុំមកដឹកនាំ ដើម្បីឱ្យក្រុមហ៊ុនដំណើរការទៅមុខឱ្យកាន់តែប្រសើរ។ ខ្ញុំធ្វើការនៅ Campore Group (Cambodia) បាន៣ឆ្នាំហើយ បើទោះបីជាខ្ញុំជាជនបរទេសតែម្នាក់ឯងនៅក្នុងក្រុមហ៊ុន តែក្រុមការងារនៅក្នុងក្រុមហ៊ុនសុទ្ធតែជាជនជាតិខ្មែរដែលមានសមត្ថភាព។ ពួកយើងមានទំនាក់ទំនងល្អជាមួយគ្នា បំពេញការងារយ៉ាងសកម្ម និងស្វាហាប់ជាមួយគ្នាទាំងអស់នេះ បានផ្តល់បទពិសោធន៍ល្អមួយដល់ខ្ញុំនៅប្រទេសកម្ពុជា។
តើប្រភេទផលិតផលស្លាកសញ្ញាពិតបែបណាដែលក្រុមហ៊ុនជ្រើសយកនាំចូលមកចែកចាយនៅប្រទេសកម្ពុជា?
ពួកយើងផ្តោតទៅលើផលិតផលដែលមានស្លាកសញ្ញាពិតប្រាកដ និងជាម៉ាកដែលមានគុណភាព ម៉ាកដែលពួកយើងនាំចូលមានដូចជា Samsonite American Tourister Tactical 5.11 The North Face និងម៉ាក Victorinox ។ ផលិតផលដែលយើងនាំចូលជាប្រភេទវ៉ាលីស កាបូបស្ពាយ សម្លៀកបំពាក់ ស្បែកជើង ជាលក្ខណៈបែបធ្វើដំណើរបំពេញភារកិច្ចការងារ ធ្វើដំណើរកម្សាន្តផ្សងព្រេង និងបែបទាហានប៉ូលិសជាដើម។
ហេតុអ្វីបានជាអ្នកផ្តោតខ្លាំងទៅលើវាលីស និងសម្ភារសម្រាប់ធ្វើដំណើរ?
ពួកយើងជឿជាក់ថា លើយុទ្ធសាស្ត្រនៃការអភិវឌ្ឍន៍នៅប្រទេសកម្ពុជានឹងមានកំណើននៃការធ្វើដំណើរកាន់តែច្រើនសម្រាប់ប្រជាជនកម្ពុជា ទាំងការធ្វើដំណើរបែបទេសចរណ៍ និងការធ្វើដំណើរដើម្បីបំពេញភារកិច្ចការងារ។ រាល់ពេលដែលខ្ញុំធ្វើដំណើរទៅប្រទេសសិង្ហបុរី ខ្ញុំឃើញភាគច្រើនមានមនុស្សពេញៗក្នុងយន្តហោះ ហើយអ្នករួមធ្វើដំណើរភាគច្រើនជាជនជាតិកម្ពុជា ។ នេះក៏ព្រោះតែប្រទេសកម្ពុជាមានការអភិវឌ្ឍន៍ សមត្ថភាពចំណេះដឹង និងប្រាក់ចំណូលរបស់ប្រជាជនក៏ច្រើនជាងមុន ដូចនេះហើយទើបការធ្វើដំណើរក្លាយជាការពេញនិយម។
តើហេតុអ្វីក៏ក្រុមហ៊ុនCampore Group (Cambodia) ជ្រើសរើសក្រុមហ៊ុនSamsoniteធ្វើជាដៃគូរ?
ជាធម្មតាពួកយើងនាំចូលតែផលិតផលដែលមានគុណភាពល្អ និងតាក់តែងម៉ូដតាមចំណូលចិត្តរបស់ប្រជាជនកម្ពុជា។ ក្រុមហ៊ុន Samsonite ជាក្រុមហ៊ុនផលិតវាលីសដែលរឹងម៉ាំ និងមានគុណភាព ហើយមានបែងចែកម៉ាកពីរបីទៀត ដូចជា American Tourister Lipault និង Kamiliant ដែលម៉ាកនីមួយៗតម្រូវតាមជីវភាព តម្រូវការ និងចំណូលចិត្តរបស់អតិថិជនទូទាំងសកលលោក។ ការនាំចូលម៉ាកទាំងនេះ មកកាន់ប្រទេសកម្ពុជា ពួកយើងអាចផ្តល់ការពេញចិត្តដល់អតិថិជនគ្រប់ជាន់ថ្នាក់។ អ្នកធ្វើដំណើរមួយចំនួនដែលគាត់ហ៊ានចំណាយលើវាលីសដែលមានផ្លាកសញ្ញា Samsonite ពិតប្រាកដ អាចទទួលបានការធានារ៉ាប់រងទូទាំងពិភពលោក។
តើពួកយើងអាចទិញសម្ភារធ្វើដំណើរម៉ាក Samsonite ដែលមានស្លាកសញ្ញាពិតប្រាកដបានហាងណាដែរ?
ផលិតផលម៉ាក Samsonite ដែលមានស្លាកសញ្ញាពិត គឺមានដាក់តាំងលក់នៅហាង Central Mall – Phnom Penh ដែលមានទីតាំងនៅកាច់ជ្រុងខាងលិចផ្សារធំថ្មី និងដៃគូរចែកចាយពីរទៀតដូចជា ហាង DAH ដែលមានទីតាំងនៅតាមណ្តោយមហាវិថីព្រះសីហនុ និងហាងAmerican Brand ដែលមានទីតាំងនៅតាមបណ្តោយមហាវិថីកម្ពុជាក្រោម។
តើហេតុអ្វីបានជាលោកចូលចិត្តការធ្វើដំណើរ?
ការធ្វើដំណើរ គឺវាធ្វើឱ្យយើងរំភើប ហើយបានផ្តល់ឦឱ្យយើងនៅបទពិសោធន៍ជាច្រើន ដូចពាក្យស្លោកមួយ «ការធ្វើដំណើរផ្លាស់ប្តូរអ្នកពីមនុស្សសូវចេះនិយាយក្លាយជាអ្នកដែលពូកែនិយាយ»។
ចែករំលែកព័តមាននេះ