ខេត្តកំពង់ចាម ៖ ព្រឹត្តិការណ៍ដ៏កក្រើក តន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ២០១៦បានធ្វើដំណើរមកដល់ខេត្តកំពង់ចាម ហើយដោយបានប្រារព្ធធ្វើនៅបឹងស្នាយ ជាប់ធនាគារអេស៊ីលីដា កាលពីថ្ងៃទី១ដល់២ មេសា ឆ្នាំ២០១៦។
នេះគឺជាខេត្តទី៣ហើយដែលស្រាបៀរ អាន់ឆ័របានរៀបចំកម្មវិធីតន្ត្រីបាល់ទះឆ្នេរខ្សាច់ ។ កម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រនៅមណ្ឌលខេត្តបាត់ដំបង និងខេត្តសៀមរាបបានបញ្ចប់យ៉ាងជោគជ័យគួរឲ្យកត់សម្គាល់កាលពីសប្តាហ៍កន្លងទៅ ដោយមានការចូលរួមយ៉ាងច្រើនកុះករពីក្រុមបាល់ទះជាច្រើនក្រុម និងភ្ញៀវជាតិ ភ្ញៀវអន្តរជាតិបានចូលទស្សនាកម្មវិធីនេះ ។ ចំពោះមណ្ឌលខេត្តកំពង់ចាមនេះវិញ កម្មវិធីពិសេសរបស់ស្រាបៀរអាន់ឆ័របានទាក់ទាញភ្ញៀវទេសចរក្នុងស្រុក និងក្រៅស្រុកជាច្រើនចូលទស្សនាការប្រកួតវគ្គជម្រុះបាល់ទះឆ្នេរខ្សាច់ និងចូលរួមកម្មវិធីជាច្រើនដែលបានរៀបចំឡើងយ៉ាងពិសេសដោយស្រាបៀរអាន់ឆ័រ ដូចជាលេងល្បែងកម្សាន្តដើម្បីឈ្នះរង្វាន់ ជាវសម្ភារកីឡាក្នុងតម្លៃពិសេស ថតរូបទុកអនុស្សាវរីយ៍ និងមានកម្មវិធីកម្សាន្តច្រើនបែបទៀត ។ នៅពេលល្ងាច ពួកគេបានរីករាយជាវស្រាបៀរអាន់ឆ័រ ដោយមានការបញ្ចុះតម្លៃ រួមទាំងការប្រគំតន្ត្រីដែលចូលរួមពីសំណាក់តារាចម្រៀងល្បីៗប្រចាំព្រះរាជាណាចក្រកម្ពុជាធ្វើឲ្យកក្រើកដល់ខេត្តកំពង់ចាមពីររាត្រីជាប់គ្នាជាមួយវត្តមាន ឆន សុវណា្ណរាជ សុគន្ធ នីសា សុខ ពិសី ពេជ្រសោភា និងតារាចម្រៀងកំពុងពេញនិយមជាច្រើនរូបទៀត ។
សម្រាប់ការប្រកួតនៅមណ្ឌលកំពង់ចាមរយៈពេលពីរថ្ងៃជាប់គ្នាដែលមានការចូលរួមពីក្រុមបាល់ទះចំនួន៣២ក្រុមដើម្បីប្រកួតដណ្តើមកៅអីសម្រាប់ចូលប្រកួតវគ្គផ្តាច់ព្រ័ត្រនៅឆ្នេរអូរឈើទាល ខេត្តព្រះសីហនុ គេបានរកឃើញក្រុមខ្លាំងចំនួនបួនក្រុមដែលត្រូវចូលប្រកួតវគ្គផ្តាច់ព្រ័ត្រនាថ្ងៃទី១៥ ខែមេសា នៅខេត្តព្រះសីហនុ រួមមានក្រុមម្ចាស់ជ័យលាភីលេខ១ប្រចាំខេត្តសៀមរាប បានទៅក្រុមយុវជនបុសខ្នុរ ទទួលបានប្រាក់រង្វាន់១.០០០ដុល្លារ និងមេដាយមាស ជ័យលាភីលេខ២បានទៅក្រុម Blue Sky FC ទទួលបានប្រាក់រង្វាន់៥០០ដុល្លារ និងមេដាយប្រាក់ ជ័យលាភីលេខ៣បានទៅក្រុមឥន្ទ្រីខ្មៅ ទទួលបានប្រាក់រង្វាន់៣០០ដុល្លារ និងមេដាយសំរឹទ្ធ និងជ័យលាភីលេខ៣ស្ទួនបានទៅក្រុមយុវជនកំពង់ចាមA ទទួលបានប្រាក់រង្វាន់៣០០ដុល្លារនិងមេដាយសំរឹទ្ធ ។
កម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ២០១៦ នឹងធ្វើឡើងនៅខេត្តចុងក្រោយមួយទៀតគឺ ខេត្តព្រះសីហនុ នៅឆ្នេរអូរឈើទាល ពីថ្ងៃទី១៣-១៥ មេសា ២០១៦ ។
ដូច្នេះសូមកុំភ្លេចចូលរួមទស្សនាកម្មវិធីពិសេសនេះនៅខេត្តព្រះសីហនុឱ្យបានច្រើនកុះករ ។
ព័ត៌មានបន្ថែមអំពីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ២០១៦សូមចូលទៅកាន់ទំព័រហ្វេសប៊ុករបស់ស្រាបៀរអាន់ឆ័រ https://www.facebook.com/AnchorBeerKH/ ឬទំនាក់ទំនងតាមរយៈទូរស័ព្ទលេខ 077 777 928/ 012 798 504/ 081 888 779។
ចែករំលែកព័តមាននេះ