រាជធានីភ្នំពេញ ៖ យុវជនមួយក្រុម មានស្រីមានប្រុសបានចូលរាំលេងកម្សាន្តក្នុង វ៉ាវឌីស្កូក្លិប តែបានបាត់សំបុត្រម៉ូតូ ក៏ត្រូវសន្តិសុខមិនឱ្យយកម៉ូតូចេញ លុះពេលរកឃើញសំបុត្រម៉ូតូវិញ បែរជាសន្តិសុខនៅតែមិនព្រមឱ្យយកម៉ូតូចេញទៀត ដែលហេតុការណ៍នេះ
រាជធានីភ្នំពេញ ៖ យុវជនមួយក្រុមមានស្រីមានប្រុសបានចូលរាំលេងកម្សាន្តក្នុង វ៉ាវឌីស្កូក្លិប តែបានបាត់សំបុត្រម៉ូតូ ក៏ត្រូវសន្តិសុខមិនឱ្យយកម៉ូតូចេញ លុះពេលរកឃើញសំបុត្រម៉ូតូវិញ បែរជាសន្តិសុខនៅតែមិនព្រមឱ្យយកម៉ូតូចេញទៀត ដែលហេតុការណ៍នេះបានកើតឡើង កាលពីវេលាម៉ោង៣ទៀបភ្លឺថ្ងៃទី៤ មេសា ២០១៦ ស្ថិតក្នុងក្លឹបដែលនៅតាមបណ្តោយផ្លូវជាតិលេខ៣ ក្នុងសង្កាត់ចោមចៅ ខណ្ឌពោធិ៍សែនជ័យ ។
ម្ចាស់ម៉ូតូឈ្មោះប៉ូ ង៉ុយ អាយុ២៤ឆ្នាំ ធ្វើការរោងចក្រនៅក្នុងតំបន់សេដ្ឋកិច្ចពិសេស មានទីលំនៅម្តុំជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ជិះម៉ូតូម៉ាកហុងដាសេ១០០ ពណ៌ និងស្លាកលេខមិនចាំ ។
បើតាមសម្តីរៀបរាប់របស់ជនរងគ្រោះឱ្យដឹងថា មុនពេលកើតហេតុ រូបគេរួមទាំងមិត្តភក្តិសរុប៩នាក់ មានស្រី២នាក់ ប្រុស៧នាក់ បានបបួលគ្នាចូលរាំលេងកម្សាន្តក្នុងក្លិបខាងលើ ពេលរាំអស់ចិត្តហើយ ក៏នាំគ្នាមកវិញ តែចៃដន្យពេលដែលទៅដល់កន្លែងផ្ញើម៉ូតូ រកសំបុត្រមិនឃើញ ក៏ត្រូវសន្តិសុខប្រាប់ថា បើបាត់សំបុត្រម៉ូតូ ត្រូវចាំរហូតដល់អស់មនុស្សទើបឱ្យចេញ ។
យុវជនខាងលើ បានអង្គុយចាំរហូតដល់អស់មនុស្ស ក៏នៅតែសន្តិសុខមិនព្រមឱ្យចេញដដែលដោយនិយាយថា ចាំល្ងាចស្អែក ចាំមកយកម៉ូតូនោះវិញ ធ្វើឱ្យខ្លួន និងក្រុមខ្លួនមិនព្រម ព្រោះម៉ូតូត្រូវការជិះធ្វើការ គាប់ជួនបានជួបថៅកែក្លិប ហើយថៅកែក្លិបនោះឱ្យធ្វើលិខិតផ្តិតមេដៃទៅ និងបានម៉ូតូវិញហើយ ។ កំពុងតែជជែកគ្នា ស្រាប់តែយុវជនរូបនោះ រកសំបុត្រឃើញវិញ ដោយសំបុត្រម៉ូតូនោះកប់ជាប់និងប្រាក់ដែលដាក់ក្នុងកាបូប ។
ទោះបីជារកសំបុត្រឃើញវិញក៏ដោយ ក៏សន្តិសុខមិនឱ្យយកម៉ូតូចេញដែរ នៅតែនិយាយដដែលថា ចាំស្អែកចាំមកយក រួចក៏ទាញទ្វារបិទចាក់សោទៅ ។ ប្រភពដដែលបន្តទៀតថា ខ្លួនមិនទុកចិត្តក្លិបទេ ព្រោះថា បើស្អែកបាត់ម៉ូតូទៅ តើក្លិបទទួលខុសត្រូវទេ ហើយបើគេរកសំបុត្រឃើញហើយ ម្តេចមិនឱ្យគេយកម៉ូតូចេញ ឬមួយចង់គាបស៊ីយកម៉ូតូគេទទេៗ ។ ក្រោយពេលកើតហេតុជ នរងគ្រោះបានទៅផ្ទះយកឯកសារមកដាក់ពាក្យបណ្តឹងនៅប៉ុស្តិ៍ចោមចៅ ដើម្បីឱ្យសម្ថកិច្ចជួយដោះស្រាយ ៕
ចែករំលែកព័តមាននេះ