ខេត្តកណ្តាល ៖ មានហេតុការណ៍គ្រោះថ្នាក់ចរាចរណ៍ដ៏គួរឱ្យរន្ធត់បំផុត ខណៈរថយន្តម៉ាកឡិចស៊ីសគ្រឿង បានបើកធ្លាក់ទូក.ដព្រែកអុងប៉ាង បណ្តាលឱ្យមនុស្សស្លាប់រហូតដល់៧នាក់ (ប្រុស៥ ស្រី២) និង៤នាក់ទៀតរងរបួស កាលពីវេលាម៉ោង០៧ និង១៥យប់ថ្ងៃទី០៣ មេសា ២០១៦ ស្ថិតនៅចំណុចកំពង់ចម្លងអុងប៉ាង ត្រើយខាងកើតទន្លេបាសាក់ ក្នុងភូមិបារ៉ែនលើ ឃុំស្វាយប្រទាល ស្រុកស្អាង ។
ប្រភពឱ្យដឹងថា ជនរងគ្រោះដែលស្លាប់ទាំង៥នាក់ ១-ឈ្មោះវឿង ភេទប្រុស អាយុ៣៥ឆ្នាំ ២-ឈ្មោះសឿន សុវណ្ណារិទ្ធ អាយុ៧ឆ្នាំ ៣-ឈ្មោះគឿន សុវណ្ណារាជ ភេទប្រុស អាយុ៤ឆ្នាំ ៤-ឈ្មោះរ៉ាក់ ឆៃណារ៉ា ភេទប្រុស អាយុ១២ឆ្នាំ ៥-ឈ្មោះវឿន គឹមឡាង ភេទស្រី អាយុ១៣ឆ្នាំ ៦-ឈ្មោះចាន់ ថនរចនា ភេទស្រី អាយុ៨ឆ្នាំ និង៧-ឈ្មោះខន ឡេន ភេទស្រី អាយុ៣៥ឆ្នាំ ។ ចំណែកអ្នកនៅរស់ ១-ឈ្មោះផ្តុំ ចាន់ថន ភេទប្រុស អាយុ៣៦ឆ្នាំ ២-ឈ្មោះខន ប្រាំង ភេទស្រី អាយុ២៨ឆ្នាំ ៣-ឈ្មោះវឿ គឹមហុង ភេទស្រី អាយុ៣ឆ្នាំ និង៤-ជាតៃកុងឈ្មោះសាក់ សារ៉ាក់ អាយុ៣៣ឆ្នាំ ជាជាងម៉ូតូ មានទីលំនៅក្នុងភូមិព្រែកហូ សង្កាត់ព្រែកហូ ក្រុងតាខ្មៅ ។
ប្រភពបន្តថា មុនពេលកើតហេតុ រថយន្តមួយគ្រឿងដែលដឹកមនុស្សសរុប១១នាក់នេះ គឺបានធ្វើដំណើរចេញពីសង្កត់ផ្នូរនៅផ្សារព្រែកតាជន ស្ថិតក្នុងភូមិខ្ពបលើ ឃុំខ្ពប ដោយអ្នកបើកត្រូវគេដឹងថា បានផឹកគ្រឿងស្រវឹងអស់២កំប៉ុង លុះមកដល់ចំណុចកើតហេតុ ខណៈពេលបើកចុះទូក.ដអុងប៉ាង ដោយសារជាន់ហ្គែរខ្លាំងលើសល្បឿនដើម្បីឡើងលើកំណល់ ស្រាប់តែធ្លាក់ទឹកតែម្តង ហើអ្នកក៏សង្វាតចេញតាមទ្វារកញ្ចប់បើកស្រាប់រួចផុតពីស្លាប់ ចំណែកក្មេង-ចាស់៧នាក់នៅក្នុងរថយន្តបានឈ្លក់ទឹកស្លាប់ទាំងអស់ ។
ចែករំលែកព័តមាននេះ