បណ្តាអ្នកស្រាវជ្រាវបាននិយាយថា ការទទួលទានសាន់វិចធ្វើពីសាច់ត្រីធូណា អាចជួយការពារការងងឹតភ្នែកក្នុងវ័យចាស់ ។
តាមការសិក្សារបស់សាកលវិទ្យាល័យHarvard បានរកឃើញថា ការទទួលទានសាច់ត្រីជាប្រចាំដែលក្នុងនោះមានត្រីធូណាដាក់កំប៉ុងក៏ដូចជាអាហារដទៃទៀតដែលសំបូរអាស៊ីដខ្លាញ់អូមេហ្កា៣ អាចកាត់បន្ថយអត្រាប្រឈមនឹងជំងឺងងឹតភ្នែកដោយអាយុបាន៤២ភាគរយ ។វាជាបញ្ហាដ៏សាមញ្ញបំផុត ដែលមនុស្សមានអាយុចាប់ពី៥០ឆ្នាំឡើងទៅប្រឈមនឹងការមើលមិនឃើញ ។
លទ្ធផលនៃការសិក្សាខាងនេះ កើតចេញពីការធ្វើពិសោធន៍ទៅលើស្រ្តីចំនួន៣៨.០០០នាក់។ អ្នកដឹកនាំការសិក្សាវេជ្ជបណ្ឌិត វីលៀម គ្រីសស្ទេនបាននិយាយថា ៖«អត្រាប្រឈមដ៏តិចតួចចំពោះការងងឹតភ្នែកកើតមានឡើងដោយសារតែការទទួលទានសាច់ត្រីធូណាច្រកកំប៉ុងនិងប្រភេទសាច់ត្រីដទៃទៀត »។
បើទោះបីជា ត្រីធូណាច្រកកំប៉ុងមិនមានប្រសិទ្ធភាពស្មើនឹងត្រីធូណាស្រស់ក៏ដោយ តែការរកឃើញពេលនេះគឺពិតជាមានសារសំខាន់ ដ្បិតអាហារសាន់វិចពេញនិយមនៅក្នុងបណ្តាប្រទេសជាច្រើន៕
ចែករំលែកព័តមាននេះ