ស្រាបៀរ Heineken® ដែលជាស្រាបៀរគុណភាពលេខមួយលំដាប់ថ្នាក់អន្តរជាតិ ដោយសហការជាមួយនឹងបារនិងភោជនីយដ្ឋាន Villa Oeno ដែលមានទីតាំងសិ្ថតនៅលើដងវិថី240 បានរៀបចំកម្មវិធីប្រគំតន្ត្រីហ្សាក និងសូលនៅចុងសប្តាហ៍កាលពីថ្ងៃទី25 ដល់ថ្ងៃទី27 ខែមីនា ឆ្នាំ2016 ដែលបានទាក់ទាញភ្ញៀវជាច្រើនកុះករដូចជាជនបរទេសអ្នកប្រកបអាជីពវិជ្ជាជីវៈ ពាណិជ្ជករ និងអ្នកគាំទ្រនិយមស្រាបៀរ Heineken ។
តារាចម្រៀងអន្ដរជាតិល្បីឈ្មោះ Linda Lee Hopkins បានអញ្ជើញមកចូលរួមជាពិសេសក្នុងកម្មវិធីនេះដែលមានការចូលរួមសម្តែងផងដែរពីអ្នកលេងត្រែល្បីឈ្មោះក្នុងពិភពលោកគឺលោក Steve Cannon អ្នកវាយស្គរល្បីឈ្មោះគឺលោក Lewis Pragasam អ្នកលេងហ្សាក់សូហ្វូនគឺលោក Euan Grayអ្នកលេងត្រុំប៉ែត គឺលោក Alexandre Scarpati និង លោក Philippe Javelle ដែលរស់នៅក្នុងទីក្រុងភ្នំពេញ ។
កម្មវិធីប្រគំតន្ត្រីហ្សាក់ពិសេសនេះ បានចាប់ផ្តើមផ្តល់ជូនការកម្សាន្តចាប់ពីម៉ោង8យប់ជារៀងរាល់រាត្រី ដោយចាប់ប្រគំតន្ត្រីផ្ទាល់រយៈពេលមួយម៉ោងកន្លះពីម៉ោង9យប់តទៅ ។
ក្រុមហ៊ុនស្រាបៀរHeineken បានណែនាំពីស្រាបៀរHeineken Draught Extra Cold នៅក្នុងបណ្តាហាងមួយចំនួនក្នុងរាជធានីភ្នំពេញកាលពីខែមករា ឆ្នាំ2016 និងក៏បានផ្សព្វផ្សាយស្រាបៀរពិសេសនេះផងដែរនៅក្នុងកម្មវិធីនេះដែលបុគ្គលិកភោជនីយដ្ឋាន Villa Oeno យល់ដឹងពីគុណភាពនៃស្រាបៀរនេះ ត្រូវប្រើបច្ចេកទេសចម្រាញ់ពិសេសដើម្បីផលិតស្រាបៀរ Heineken Draught Extra Cold ត្រជាក់ធ្វើឱ្យមានអារម្មណ៍ស្រស់ស្រាយ មានរសជាតិស្រទន់ និងឈ្ងុយឆ្ងាញ់ ។
ក្រុមហ៊ុនHeineken បានសាងកេរ្តិ៍ឈ្មោះអន្ដរជាតិតាមរយៈការគាំទ្រដល់ព្រឹត្តិការណ៍ប្រគំតន្ត្រីទំនើបនៅក្នុងប្រទេសកម្ពុជារួមបញ្ចូលទាំងកម្មវិធីឆ្លងឆ្នាំថ្មីនៅ Eclipse Bar នៅលើអគារ Phnom Penh Tower និងកម្មវិធីតន្ត្រីក្នុងបន្ទប់បៃតងHeineken Green Room នៅក្លិប Epic កាលពីខែមុន ។
ស្រាបៀរ Heineken ជាស្របៀរមានគុណភាពខ្ពស់រសជាតិស្រទន់ ឈ្ងុយឆ្ងាញ់ បានក្លាយជាស្រាបៀរឈានមុខគេលើទីផ្សារនៅជុំវិញពិភពលោកដែលមានលក់ក្នុងបណ្តាប្រទេសចំនួនជាង199 និងត្រូវបានចាត់ទុកជាម៉ាកសញ្ញាស្រាបៀរអន្តរជាតិពេញនិយមបំផុតនៅក្នុងប្រទេសកម្ពុជា ៕
ចែករំលែកព័តមាននេះ