ពេលវេលាបានរំលងទៅលឿនមែន មិនទាន់បានប៉ុន្មានផង លោកឃុំ ប៉ុណ្ណាដែត និង យក់ ឋិតរដ្ឋា បានកូនពេញកំលោះ រៀមច្បងក្នុងគ្រួសារដែលមានវ័យ១៤ឆ្នាំ រាងខ្ពស់ជាងប៉ាម៉ាក់បាត់។ គ្រប់គ្នាភ្ញាក់ផ្អើលនៅពេលមើលឃើញថា
រាជធានីភ្នំពេញ ៖ ពេលវេលាបានរំលងទៅលឿនមែន មិនទាន់បានប៉ុន្មានផង លោកឃុំ ប៉ុណ្ណាដែត និង យក់ ឋិតរដ្ឋា បានកូនពេញកំលោះ រៀមច្បងក្នុងគ្រួសារដែលមានវ័យ១៤ឆ្នាំ រាងខ្ពស់ជាងប៉ាម៉ាក់បាត់។ គ្រប់គ្នាភ្ញាក់ផ្អើលនៅពេលមើលឃើញថា កូនច្បងតារាទាំង២នេះ មុខមាត់ដូចឪពុក ហើយសង្ហាណាស់ ទឹកមុខស្រស់ រាក់ទាក់ បើសិនជាមកអុកលុកក្នុងវិស័យសិល្បៈដែរនោះ ពិតជាមិនអន់នោះទេ។
កាលពីពេលកន្លងទៅនេះ គឺជាថ្ងៃខួបកំណើតរបស់កំលោះ ឃុំ លីដូ កូនប្រុសដ៏សង្ហាររបស់គ្រួសារតារាចំរៀងដ៏ល្បី គឺអ្នកនាង យក់ ឋិតរដ្ឋា និងលោកឃុំ ប៉ុណ្ណាដែត ។
ហើយអ្វីដែលសំខាន់នោះ គឺលោកប៉ាដ៏សង្ហារ បានពោលវាចាប៉ុន្មានម៉ាត់ជូនពរដល់កូនប្រុសរបស់ខ្លួនក្នុងថ្ងៃខួបកំណើត លោកអ្នកបានអានហើយ នឹងលួចញញឹមជាមិនខាន ដោយលោកពោលថា «ឃុំ រដ្ឋាណាលីដូ Khum Lido ឆ្នាំនេះកូនអាយុ១៤ឆ្នាំហើយ កូនចេះគិតច្រើនជាមុនហើយ រយៈពេលប៉ុន្មានឆ្នាំចុងក្រោយនេះ ប៉ាមិនពិបាកក្នុងការទូន្មានកូនច្រើនដូចកាលកូននៅតូចទេ មិនមែនមាននយ័ថា ប៉ាមិនស្រលាញ់ និងយកចិត្តទុកដាក់ជាមួយកូនទេ តែប៉ាចង់អោយកូនចេះរស់ដោយខ្លួនឯង សំរេចចិត្តដោយខ្លួនឯង ធ្វើការងារដោយខ្លួនឯង ដោយមិនពឹងលើមនុស្សជុំវិញខ្លួន នេះជាវិញ្ញាសារមួយដែលប៉ាត្រូវដាក់ទៅអោយកូនដោះស្រាយ ប៉ាតែងតែបង្រៀនអោយកូនចេះធ្វើគ្រប់បែបយ៉ាង មិនថាការងារធ្ងន់ស្រាល តូចធំ កូនត្រូវតែចេះ ហើយធ្វើវាអោយបាន ព្រោះវាជាមេរៀននៃជីវិតដែលមនុស្សគ្រប់ត្រូវតែចេះ ពោលគឺកូនត្រូវចេះធ្វើពីការងារតូចទៅមុនទើបយើងអាចសំរេចការងារធំបាននៅពេលក្រោយ »។
ជាចុងក្រោយប៉ា សូមជូនពរកូនមានសុខភាពល្អ រៀនពូកែ រៀបចំខ្លួនអោយក្លាយជាមនុស្សល្អក្នុងសង្គម យកចំណេះដឹងមកបំរើគ្រួសារ និងសង្គមជាតិយើង ។ រីករាយថ្ងៃខួបកំណើតកូនប្រុសសម្លាញ់ចិត្តប៉ា ។
គួរបញ្ជាក់ថា លោកឃុំ ប៉ុណ្ណាដែត និងអ្នកនាង យក់ ឋិនរដ្ឋា មានកូន៣នាក់ ក្នុងនោះ ប្រុស២នាក់ និងស្រីម្នាក់ ហើយស្វាមីរបស់ យក់ ឋិតរដ្ឋា បានដកថយពីសិល្បៈទាំងមហាជននៅតែចង់អោយលោកបន្តវិថីចាស់ដដែល។ ចំណែកអ្នកនាង យក់ ឋិនរដ្ឋា នៅតែបន្តអាជីពសិល្បៈ ហើយឈរលើភាពលេចធ្លោដដែល ហើយថ្មីៗនេះ បទចម្រៀងរបស់អ្នកនាង១បទ កំពុងតែល្បីល្បាញនោះ គឹមានចំណងជើងថា «ហត់ឃ្វាលចិត្តបង»។
ចែករំលែកព័តមាននេះ