ខេត្តកណ្តាល ៖ ជនសង្ស័យម្នាក់ជាមុខសញ្ញាលួចយ៉ាងសកម្ម និងត្រូវបានអ្នកភូមិហៅឈ្មោះថា «អាកន្ធាយ» មេចោរលួចមាន់ និងក្ងាន អ្នកភូមិជាច្រើនលើកមកហើយ ទើបថ្ងៃអស់លក្ខណ៍ត្រូវនគរបាលចាប់ឃាត់ខ្លួនវាយខ្នោះតែម្តង…
ខេត្តកណ្តាល ៖ ជនសង្ស័យម្នាក់ជាមុខសញ្ញាលួចយ៉ាងសកម្ម និងត្រូវបានអ្នកភូមិហៅឈ្មោះថា «អាកន្ធាយ» មេចោរលួចមាន់ និងក្ងាន អ្នកភូមិជាច្រើនលើកមកហើយ ទើបថ្ងៃអស់លក្ខណ៍ត្រូវនគរបាលចាប់ឃាត់ខ្លួនវាយខ្នោះតែម្តង ។ ហេតុការណ៍នេះ បានកើតឡើងនៅថ្ងៃទី២៧ ខែតុលា វេលាម៉ោង១៣ និង៥០នាទី ស្ថិតនៅភូមិរាំងដេក២ ឃុំគគីរធំ ស្រុកកៀនស្វាយ ខេត្តកណ្តាល។
នគរបាលស្រុកកៀនស្វាយបានអោយដឹងថា ជនរងគ្រោះឈ្មោះ ឯក សុឃឿន ភេទស្រី អាយុ៤៨ឆ្នាំ ជនជាតិខ្មែរជាកសិករ មានទីលំនៅភូមិរាំងដេក២ ឃុំគគីរធំ ស្រុកកៀនស្វាយ ខេត្តកណ្តាល ។ ជនសង្ស័យឈ្មោះ ធូ រ៉ា (ហៅអាកន្ធាយ) ភេទប្រុស អាយុ២២ឆ្នាំ ជនជាតិខ្មែរ មុខរបពិតប្រាកដ មានទីលំនៅភូមិ រាំងដេក ឃុំគគីរធំ ស្រុកកៀនស្វាយ ខេត្តកណ្ដាល(ឃាត់ខ្លួន.ធ្លាប់ជាប់ពន្ធនាគារ)។
នគរបាលបញ្ជាក់ថា ជនសង្ស័យបានជិះកង់ចេញពីផ្ទះម្នាក់ឯងសំដៅទៅភូមិរាំងដេក២ ឃុំគគីរធំ ស្រុកកៀនស្វាយ ខេត្តកណ្ដាល ពេលជិះកង់ដល់ចំណុចមុខផ្ទះរបស់ឈ្មោះឯក សុឃឿន ភេទស្រី អាយុ៤៨ឆ្នាំ ជនជាតិខ្មែរ មុខរបរកសិករ មានទីលំនៅភូមិរាំងដេក២ ឃុំគគីរធំ ស្រុកកៀនស្វាយ ខេត្តកណ្ដាល ។ ជនសង្ស័យក៏បានឈប់កង់ហើយយកដាវដែកកែច្នៃ ដែលសៀតនៅនឹងតួ
កង់កាត់ស្បៃមុងចងជាប់របងទ្វារបងផ្ទះរបស់ជនរងគ្រោះចូលទៅចាប់លួចយកសត្វមាន់មេមួយក្បាល ដែលជនរងគ្រោះក្រុងក្នុងអង្រុតក្រោយផ្ទះពេលលួចសត្វមាន់រួចហើយ ជនសង្ស័យក៏ច្រកមាន់ដាក់ក្នុងទៃ(បាវ)ពណ៌ខៀវ ហើយជិះកង់ជិះត្រឡប់មកផ្ទះ
វិញ។
លុះពេលជិះបានចម្ងាយប្រហែល៣០០ម៉ែត្រ ស្រាប់តែឃើញសត្វក្ងានបួនទៅប្រាំក្បាល នៅក្នុងរបងដីឡូតិ៍របស់គេមិនស្គាល់ឈ្មោះ ភ្លាមនោះជនសង្ស័យក៏ឈប់កង់ ផ្លោះរបងចូលលួចចាប់សត្វក្ងានរបស់គេចំនួនមួយក្បាលទម្ងន់បីគីឡូក្រាម ចងជើងដាក់ក្នុងទៃ(បាវ) ពណ៌ខៀវ ជាមួយសត្វមាន់ រួចជិះកង់មកផ្ទះរបស់ខ្លួន។
លុះដល់ម៉ោង១៤ និង២០នាទី ជនរងគ្រោះ បានមកដាក់ពាក្យបណ្ដឹង ក្រោយពីទទួលបានបណ្ដឹងពីជនរងគ្រោះភ្លាមកំលាំងនគរបាលប៉ុស្តិ៍គគីរធំបានចុះដល់កន្លែងកើតហេតុ ឃាត់ខ្លួនជនសង្ស័យយកមកប៉ុស្តិ៍ដើម្បីសួរនាំ ។ នៅចំពោះមុខសមត្ថកិច្ចជនសង្ស័យបានឆ្លើយសារភាពថា «ខ្លួនពិតជាបានប្រព្រឹត្តអំពើលួចដូចខាងលើពិតប្រាកដមែន នឹងធ្លាប់លួចសត្វមាន់ សត្វទារបស់ប្រជាពលរដ្ឋក្នុងឃុំគគីរធំជាច្រើនលើកមកហើយ នឹងធ្លាប់ជាប់ពន្ធនាគារព្រៃសម្ដងរួចមកហើយដែល»។
បច្ចប្បន្ន ជនសង្ស័យរួមជាមួយវត្ថុតាងបញ្ចូនមកកាន់អធិការដ្ឋាននគរបាលស្រុកកៀនស្វាយដើម្បីបន្តនីតិវិធីច្បាប់។
ចែករំលែកព័តមាននេះ