ផ្អាកចរាចរណ៍បណ្តោះអាសន្នលើផ្លូវ១៤៣ ខេត្តកំពង់ស្ពឺ ក្រោយជំនន់ទឹកភ្លៀងហូរបុកមកខ្លាំង
- កំពង់ស្ពឺ
ខេត្តកំពង់ស្ពឺ ៖ លោក ស៊ិន សុន្ធរ៉ា ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ សូមជម្រាបជូនសាធារណជន ឱ្យបាន
ខេត្តកំពង់ស្ពឺ ៖ លោក ស៊ិន សុន្ធរ៉ា ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ សូមជម្រាបជូនសាធារណជន ឱ្យបានជ្រាបថា ផ្លូវវាងត្រង់ចំណុចលូបេតុងទី១ លើកំណាត់ផ្លូវខេត្តលេខ១៤៣ (ជិតវត្តម្រុំខាងត្បូង) ដោយសារស្ថានភាពជំនន់ទឹកភ្លៀងហូរបុកមកខ្លាំង បណ្តាលឱ្យលិចវត្ត សាលារៀន ផ្ទះបងប្អូនប្រជាពលរដ្ឋ ទើបក្រុមការងារបច្ចេកទេសរបស់មន្ទីរ បានកាយផ្ដាច់ផ្លូវវាង ដើម្បីរំដោះទឹកចេញ ស្ថិតក្នុងសង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។
មន្ទីរសាធារណការ និងដឹកជញ្ជូនខេត្តកំពង់ស្ពឺ សូមផ្អាកចរាចរណ៍ចំពោះរថយន្តធុនធំគ្រប់ប្រភេទ ឆ្លងកាត់លើផ្លូវខេត្តលេខ១៤៣នេះ និងអនុញ្ញាតឱ្យធ្វើដំណើរបាននូវទោចក្រយានយន្ត ត្រីចក្រយានយន្ត និងរថយន្តទេសចរណ៍ (ប្រភេទគ្រួសារ) ។
មន្ទីរសាធារណការ និងដឹកជញ្ជូនខេត្ត នឹងចាប់ផ្តើមផ្អាកចរាចរណ៍ចាប់ពីថ្ងៃទី២៦ តុលា ឆ្នាំ២០២១ នេះតទៅ ក្នុងករណីទឹកបានស្រកទៅវិញ ក្រុមការងារបច្ចេកទេស នឹងពិនិត្យតភ្ជាប់ចរាចរណ៍ឡើងវិញ និងមានការជូនដំណឹងសារជាថ្មី ៕
ចែករំលែកព័តមាននេះ