ផ្ទុះធុងហ្គាស ឆក់យកជីវិតជាងឡាន២នាក់ និងម្នាក់ទៀតរបួសធ្ងន់
- កំពត
ខេត្តកំពត ៖ យោងតាមសេចក្តីរាយការណ៍បឋមបានឲ្យដឹងថា កាលពី៦ល្ងាចថ្ងៃទី២២ ខែតុលា ឆ្នាំ២០២១ មានហេតុការណ៍ផ្ទុះធុង
ខេត្តកំពត ៖ យោងតាមសេចក្តីរាយការណ៍បឋមបានឲ្យដឹងថា កាលពី៦ល្ងាចថ្ងៃទី២២ ខែតុលា ឆ្នាំ២០២១ មានហេតុការណ៍ផ្ទុះធុងហ្គាស បណ្តាលឲ្យបាត់បង់ជីវិតជាងជួសជុលរថយន្តចំនួន២នាក់ និងម្នាក់ទៀតរងរបួសធ្ងន់ នៅចំណុចយានដ្ឋានជួសជុលរថយន្តរបស់ឈ្មោះ ហាន់ ឃូន ភេទប្រុស អាយុ៣៦ឆ្នាំ ស្ថិតក្នុងភូមិវត្តពោធិ ឃុំថ្មី ស្រុកទឹកឈូ ខេត្តកំពត ។
ជនរងគ្រោះដែលបាត់បង់អាយុជីវិតទាំង២នាក់ខាងលើ ក្នុងនោះម្នាក់ឈ្មោះ រិន សុខហេង ភេទប្រុស អាយុ១៦ឆ្នាំ រស់នៅភូមិព្រៃឃ្មុំ ឃុំព្រៃឃ្មុំ ស្រុកទឹកឈូ ខេត្តកំពត មុខរបររៀនធ្វើជាងជួសជុលរថយន្ត និងម្នាក់ទៀតឈ្មោះ រិន ហេង បានដឹកបញ្ជូនទៅសង្គ្រោះនៅមន្ទីរពេទ្យភ្នំពេញ តែដល់វេលាម៉ោង៩យប់ ក៏បានបាត់បង់ជីវិតនៅតាមផ្លូវ ដោយសារឈា.មហូរច្រើនពេក ។ ចំណែកឈ្មោះ ហ៊ាន បញ្ញា ភេទប្រុស អាយុ១៧ឆ្នាំ មានស្រុកកំណើតនៅខេត្តកំពង់ស្ពឺ ដែលមកស្នាក់នៅភូមិវត្តពោធិ ឃុំថ្មី ស្រុកទឹកឈូ ខេត្តកំពត មុខរបររៀនធ្វើជាងជួសជុលរថយន្ត បានរងរបួសធ្ងន់ ។
តាមសេចក្តីរាយការណ៍បន្តថា ជនរងគ្រោះសុទ្ធតែជាអ្នកមករៀនធ្វើជាងជួសជុលរថយន្តនៅយានដ្ឋានខាងលើនេះទាំងអស់ ប៉ុន្តែនៅថ្ងៃកើតហេតុម្ចាស់យានដ្ឋានបានបិទទ្វារទៅលេងទីក្រុងភ្នំពេញ ពេលនោះជនរងគ្រោះទាំង៣នាក់ បានយកធុងហ្គាសចាស់ៗ ដែលគេចោលមកដុតលេង ទើបផ្ទុះ បណ្តាលឱ្យមានអ្នកបាត់បង់ជីវិត និងអ្នករងរបួសធ្ងន់បែបនេះ ៕
ចែករំលែកព័តមាននេះ