ជនសង្ស័យ១ក្រុមធ្វើសកម្មភាពក្នុងស្រុកកៀន ស្វាយ ត្រូវតុលាការសម្រេចហើយ
- កណ្តាល
ខេត្តកណ្តាល ៖ លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល នៅល្ងាចថ្ងៃទី២១ ខែតុលា ឆ្នាំ២០២១ បាន
ខេត្តកណ្តាល ៖ លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល នៅល្ងាចថ្ងៃទី២១ ខែតុលា ឆ្នាំ២០២១ បាន
ខេត្តកណ្តាល ៖ លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល នៅល្ងាចថ្ងៃទី២១ ខែតុលា ឆ្នាំ២០២១ បានសម្រេចចេញដីការឃុំខ្លួនក្រុមចោរលួចនៅស្រុកកៀនស្វាយ ដាក់ពន្ធនាគារបណ្តោះអាសន្ន ពីបទ «អំពើលួច» តាមមាត្រា៣៥៣ , ៣៥៦ នៃក្រមព្រហ្មទណ្ឌ ដែលបានប្រព្រឹត្តកាលពីវេលាម៉ោង១២នឹង៣០នាទីយប់រំលងអធ្រាត្រឈានចូលថ្ងៃទី២០ ខែតុលា ឆ្នាំ២០២១ ចំណុចកើតហេតុភូមិពពាលខែ២ ឃុំដីឥដ្ឋ ស្រុកកៀនស្វាយ ខេត្តកណ្ដាល។
ជនរងគ្រោះឈ្មោះប៉ុល សាឡន ហៅញាញ់ ភេទស្រី អាយុ៥៩ឆ្នាំ ជនជាតិខ្មែរ មុខរបរកសិករ មានទីលំនៅភូមិពពាលខែ២ ឃុំដីឥដ្ឋ ស្រុកកៀនស្វាយ ខេត្តកណ្តាល។
ជនត្រូវចោទចំនួន៤នាក់ខាងលើ រួមមាន ១-ឈ្មោះតេង វណ្ណឌី ភេទប្រុស អាយុ២៥ឆ្នាំ មុខរបរមិនពិតប្រាកដ មានទីលំនៅភូមិពពាលខែ២ ឃុំដីឥដ្ឋ ស្រុកកៀនស្វាយ ខេត្តកណ្តាល (ឃាត់ខ្លួន) ២-ឈ្មោះ រ៉េត ដារ៉ុង ហៅមិក ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិពពាលខែ២ ឃុំដីឥដ្ឋ ស្រុកកៀនស្វាយខេត្តកណ្តាល មុខរបរមិនពិតប្រាកដ (ឃាត់ខ្លួន)ធ្លាប់ជាប់ពន្ធនាគារ១លើក ៣-ឈ្មោះភុន ផាន់ណយ ភេទប្រុស អាយុ២៥ឆ្នាំ មានទីលំនៅភូមិពពាលខែ២ ឃុំដីឥដ្ឋ ស្រុកកៀនស្វាយ ខេត្តកណ្តាល មុខរបរមិនពិតប្រាកដ(គេចខ្លួន-ធ្លាប់ជាប់ពន្ធនាគារ២លើក) និង៤-ឈ្មោះខន ចាន់ថន ភេទប្រុស អាយុ២០ឆ្នាំ មានទីលំនៅភូមិស្តៅកន្លែងឃុំដីឥដ្ឋ ស្រុកកៀនស្វាយខេត្តកណ្តាល មុខរបរមិនពិតប្រាកដ (គេចខ្លួន) ។
នគរបាលស្រុកកៀនស្វាយ បានអោយដឹងថា ខណៈពេលជនរងគ្រោះកំពង់សំរានលង់លក់នៅក្នុងផ្ទះ ស្រាប់តែជនសង្ស័យចំនួន៣នាក់ គឺទី១-ឈ្មោះតេង វណ្ណឌី ភេទប្រុស ទី២-ឈ្មោះ ភុន ផាន់ណយ ភេទប្រុស និងទី៣-ឈ្មោះខន ចាន់ថន ភេទប្រុស បានធ្វើសកម្មភាពគាស់ដំបូលផ្ទះលួចចូលទៅក្នុងផ្ទះរបស់ជនរងគ្រោះលួយយកទូរស័ព្ទដៃមួយគ្រឿង ពណ៌ខ្មៅ នឹងអាយផេតមួយគ្រឿងស៊េរីA៨២២ របស់ជនរងគ្រោះ ក្រោយពីធ្វើសកម្មភាពរួច ក្រុមជនសង្ស័យបានគេចខ្លួនបាត់។
តាមប្រភពដដែលបានបន្តថា លុះដល់ថ្ងៃទី២០ ខែតុលា ឆ្នាំ២០២១ វេលាម៉ោង៨នឹង៣០នាទីព្រឹក ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលដីឥដ្ឋ ក្រោយពីទទួលបានពាក្យបណ្តឹងភ្លាមកំលាំងប៉ុស្តិ៍សហការណ៍ជាមួយកំលាំងជំនាញផ្នែកនគរបាលយុត្តិធម៌ស្រុកកៀនស្វាយ។ បានចុះដល់កន្លែងកើតហេតុធ្វើការស្រាវជ្រាវកំណត់មុខសញ្ញា។
លុះដល់វេលាម៉ោង១៧នឹង៤០នាទីថ្ងៃ ខែ ឆ្នាំដដែល ទើបកំលាំងផ្នែកជំនាញនគរបាលយុត្តិធម៌ នឹងកំលាំងនគរបាលប៉ុស្តិ៍ដីឥដ្ឋឃាត់ខ្លួនជនសង្ស័យបានចំនួន២នាក់ខាងលើ យកមកធ្វើការសួរនាំនៅប៉ុស្តិ៍នគរបាលរដ្ឋបាលដីឥដ្ឋ ក្រោយពីសួរនាំនៅចំពោះមុខសមត្ថកិច្ចជនសង្ស័យឈ្មោះតេង វណ្ណឌី ភេទប្រុស បានសារភាពថា ខ្លួនរួមជាមួយ ឈ្មោះខន ចាន់ថន ភេទប្រុស និងឈ្មោះភុន ផាន់ណយ ភេទប្រុស ពិតជាបានធ្វើសកម្មភាពលួចយកទូរស័ព្ទដៃ នឹងអាយផេតរបស់ជនរងគ្រោះពិតប្រាកដមែន។
លុះដល់ម៉ោង៨នឹង០០នាទីថ្ងៃ ខែ ឆ្នាំដដែល ជនសង្ស័យទាំងបីនាក់ខាងលើបានយកអាយផេក០១គ្រឿងពណ៍ទឹកប្រាក់មកលក់អោយឈ្មោះរ៉េត ដារ៉ុង ហៅមិក ភេទប្រុស ក្នុងតំលៃ៦.០០០០រៀល (ប្រាំមួយមឺនរៀល) ។ ចំណែកឈ្មោះរ៉េត ដារ៉ុង ភេទប្រុស បានឆ្លើយសារភាពថា ខ្លួនពិតជាបានទទួលផលចោរកម្ម ទិញអាយផេតពីជនទាំងបីនាក់ខាងលើពិតប្រាកដមែន។ ហើយជននេះក៏បានឆ្លើយសារភាពទៀតថា ចំពោះសម្ភារៈដូចជា ដាវកៃឆ្នៃ កាំបិ.ត កណ្ដៀ.វ នឹងកាំភ្លើ.ងស្នប់ជារបស់ខ្លួនពិតប្រាកដមែន ៕
ចែករំលែកព័តមាននេះ