រាជធានីភ្នំពេញ ៖ យុវជនម្នាក់មាន ស្មារតីមិននឹងន ដោយសារតែធ្លាប់ប្រើប្រាស់ គ្រឿងញៀនបានរត់ចេញពីមជ្ឈមណ្ឌល ឱកាសខ្ញុំទាំងខ្លួនប្រាណអាក្រាតញញីញញ័រ កាត់មុខមនុស្សម្នាជាច្រើនបង្កឱ្យមានការ ភ្ញាក់ផ្អើល ហើយភ្លាមៗនោះ យុវជនញៀន ថ្នាំ បានរត់ទៅឡើងដើមត្នោតសម្ងំនៅលើ ចុងមិនព្រមចុះ លុះត្រាតែក្រុមគ្រួសារមក ដល់លួងលោម ទើបគេព្រមចុះ ។
ហេតុការណ៍នេះបានកើតឡើងកាលពី វេលាម៉ោង៤និង៣០នាទីរសៀលថ្ងៃទី៧ កក្កដា ឆ្នាំ២០១០ នៅភូមិសំរោងទាវ សង្កាត់ ក្រាំងធ្នង់ ខណ្ឌដង្កោ ។ យុវជនមានស្មារតី មិននឹងនដែលបណ្ដាលមកពីញៀនថ្នាំនេះ ឈ្មោះឈន សៀងហៃ អាយុ២០ឆ្នាំ ស្នាក់ នៅភូមិប៉ប្រក សង្កាត់កាកាប ខណ្ឌដង្កោ ត្រូវបានក្រុមគ្រួសារ យកទៅបន្សាបថ្នាំនៅមជ្ឈមណ្ឌលឱកាសខ្ញុំ អស់រយៈពេល៣ខែ ស្រាប់តែញញីញញ័របែបនេះតែម្ដង ។
ពេលយុវជនឈ្មោះឈន សៀងហៃ ឡើង ដើមត្នោតពួនសម្ងំលើចុងនោះ ប្រជាពលរដ្ឋ បានចោមរោមមើលអ៊ូ និងអង្វរហៅគេឱ្យ ចុះ…រហូតដល់គ្រូៗបង្វឹកនៅមជ្ឈមណ្ឌល ឱកាសខ្ញុំដែលស្ថិតនៅភូមិសំរោង សង្កាត់ ឃ្មួញ ខណ្ឌសែនសុខ មកដល់ហៅគេ (ឈន សៀងហៃ) ឱ្យចុះវិញយ៉ាងណាក៏ដោយ ក៏គេ មិនចុះដែរ ។
ឈន សៀងហៃ បានកាច់ផ្កាត្នោតគប់ ទៅលើគ្រូៗទាំងនោះ ហើយសម្ដែងអាការ ស្អប់ និងស្រែកជេរផងដែរ ហើយស្រែកប្រាប់ គេឯងថា សូមជួយទៅហៅក្រុមគ្រួសារសាច់ ញាតិរបស់គេមកទីនេះ ទើបគេព្រមចុះ ។ គ្រូៗបង្វឹកនៅមជ្ឈមណ្ឌលឱកាសខ្ញុំអស់ តម្រិះក៏ត្រឡប់ទៅវិញ ហើយបន្ដិចក្រោយ មក ក៏ឃើញក្រុមគ្រួសាររបស់ឈន សៀង ហៃ មកដល់ និងបានហៅគេឱ្យចុះមកក្រោម វិញ ដោយសុវត្ថិភាព រួចហើយស្លៀកពាក់ ខោអាវយកត្រឡប់ទៅកាន់លំនៅឋានវិញ៕
ចែករំលែកព័តមាននេះ