Australian Open ៖ កីឡាករមិនចាក់វ៉ាក់សាំង នឹងមិនទទួលបានទិដ្ឋាការចូលអូស្ត្រាលី
អូស្ត្រាលី ៖ កីឡាករវាយកូនបាល់ (Tennis) ដែលមិនទាន់បានចាក់វ៉ាក់សាំងប្រឆាំងជំងឺកូវីដ១៩ ទំនងជាមិនទទួលបានទិដ្ឋាការ
អូស្ត្រាលី ៖ កីឡាករវាយកូនបាល់ (Tennis) ដែលមិនទាន់បានចាក់វ៉ាក់សាំងប្រឆាំងជំងឺកូវីដ១៩ ទំនងជាមិនទទួលបានទិដ្ឋាការ
អូស្ត្រាលី ៖ កីឡាករវាយកូនបាល់ (Tennis) ដែលមិនទាន់បានចាក់វ៉ាក់សាំងប្រឆាំងជំងឺកូវីដ១៩ ទំនងជាមិនទទួលបានទិដ្ឋាការចូលប្រទេសអូស្ត្រាលី ដើម្បីការប្រកួតដណ្តើមពានរង្វាន់ Grand Slam កម្មវិធី Australian Open បានឡើយ។ នេះបើតាមការចេញផ្សាយពីសារព័ត៌មាន Sky Sports កាលពីថ្ងៃទី១៩ ខែតុលា។
រដ្ឋមន្ត្រីប្រចាំរដ្ឋ Victoria លោក Daniel Andrews បានបញ្ជាក់ជុំវិញបញ្ហានេះ សម្រាប់ការប្រកួត Australian Open នាឆ្នាំ ២០២២ ខាងមុខ ដែលនឹងធ្វើនៅទីក្រុងមែលប៊នថា «ខ្ញុំមិនគិតថាកីឡាករវាយកូនបាល់ ដែលមិនទាន់ចាក់វ៉ាក់សាំងនឹងអាចទទួលបានទិដ្ឋាការចូលប្រទេសអូស្ត្រាលីនោះទេ។ ហើយបើពួកគេទទួលបានទិដ្ឋាការ ពួកគេក៏នឹងត្រូវធ្វើចត្តាឡីស័ក២សប្តាហ៍ផងដែរ។
លោកបន្តទៀតថា « មេរោគវាមិនបានខ្វល់ពីចំណាត់ថ្នាក់កំពូលកីឡាវាយកូនបាល់ ឬ Grand Slams ប៉ុន្មានដែលដងពួកគេបានឈ្នះនោះទេ គឺមិនពាក់ព័ន្ធទាំងស្រុងតែម្តង។ ដូច្នេះកីឡាករគ្រប់រូបត្រូវតែចាក់វ៉ាក់សាំងដើម្បីការពារខ្លួនឯង និងរក្សាអ្នកដទៃនៅជុំវិញឱ្យមានសុវត្ថិភាព»។
ជាមួយគ្នានោះ រដ្ឋាភិបាលអូស្ត្រាលីក៏នឹងរឹតបន្តឹងវិធានការនេះ សម្រាប់អត្តពលិកកីឡាផ្សេងទៀតផងដែរ ដើម្បីចូលរួមការពារការឆ្លងរីករាលដាលនៃជំងឺកូវីដ១៩។
ការលើកឡើងបែបនេះ កំពុងក្លាយជាមន្ទិលសង្ស័យចំពោះវត្តមានកំពូលកីឡាករ Novak Djokovic ក្នុងកម្មវិធី Australian Open នៅឆ្នាំ ២០២២ ខាងមុខ។ ដោយសារកីឡាករលំដាប់លេខ១ពិភពលោក និងជាអ្នកត្រូវការពារតំណែងជើងឯកវ័យ៣៤ឆ្នាំរូបនេះ នៅតែបន្តប្រឆាំង និងបដិសេធការចាក់វ៉ាក់សាំង។ ហើយថែមទាំងបាននិយាយថា ខ្លួនមិនប្រាកដថាអាចចូលរួម Australian Open ឬយ៉ាងណានោះទេ ដោយសារអាជ្ញាធរកំពុងរឹតត្បិតលើច្បាប់ប្រឆាំងកូវីដ១៩៕
ចែករំលែកព័តមាននេះ