ស្របពេលដែលតារាកំប្លែងនាង ខ្ញុង បានលើកដៃស្នើសុំជំនួយពីមហាជន ក្រោយផុងខ្លួនដោយបំណុលនះ តារាសម្តែង និងពិធីករលោក អ៊ឹម ជីវ៉ា បានទម្លាយនូវមូលហេតុមួយចំនួនដែលធ្វើអោយតារាក្មេងៗមិនមានជីវភាពធូរធា និងកាន់តែធ្លាក់ខ្លួន
រាជធានីភ្នំពេញ ៖ ស្របពេលដែលតារាកំប្លែងនាង ខ្ញុង បានលើកដៃស្នើសុំជំនួយពីមហាជន ក្រោយផុងខ្លួនដោយបំណុលនះ តារាសម្តែង និងពិធីករលោក អ៊ឹម ជីវ៉ា បានទម្លាយនូវមូលហេតុមួយចំនួនដែលធ្វើអោយតារាក្មេងៗមិនមានជីវភាពធូរធា និងកាន់តែធ្លាក់ខ្លួន។
មូលហេតុទាំងនោះ ត្រូវបានលោក អ៊ឹម ជីវ៉ា លើកឡើងថា មូលហេតុតារាក្មេងៗឥឡូវខ្លះមិនមានជីវភាពធូរធា និងកាន់តែធ្លាក់ខ្លួន គឺបណ្តាលមកពីសម្ភារៈនិយមហួសមាឌ មានន័យថា នៅផ្ទះជួលតែទិញឡាន៤ទៅ១០ម៉ឺន ដោយសំអាងថារកលុយបាន។ ទូរស័ព្ទទំនើបៗ ខោអាវ ហូបចុកចូលកន្លែងប្រេនៗ ទាំងខ្លួននៅផ្ទះជួល។ មានលុយមិនហ៊ានបង់រំលោះផ្ទះ ឬទិញផ្ទះ សុខចិត្តយកលុយទិញរបស់ទំនើបៗ ហើយនៅផ្ទះជួល។ រកលុយបាន 100$ ចាយ 100$ រកលុយបានមិនចេះសន្សំ រកលុយបានដើរហ៊ឺហា ផឹកស៊ីមិត្តភក្តិដើលេងរហូត អ្នកខ្លះអាងតែខ្លួនល្បីមិនខំរក គិតតែដើខ្ចីលុយគេ ។
លោកបន្តថា តារាមួយចំនួនខ្លះ ធ្លាក់ខ្លួនលេងគ្រឿង.ញៀន ហើយតារាមួយចំនួនខ្លះទៀតពេលមានលុយលេងល្បែង ចូលកាស៊ីណូ .ល.នឹង.ល. នេះជាមូលហេតុខ្លះៗ។
យ៉ាងណាបើលោក អ៊ឹម ជីវ៉ា ថា ទន្ទឹមនឹងបញ្ហាខាងលើនេះ ក៏មានតារាក្មេងៗមួយចំនួនដែលពួកគាត់មានគំនិត ចេះច្នៃប្រឌិតខ្ពស់ ពេលរកបានចេះទុកដាក់ប្រកបមុខរបរ ឬចេះសន្សំមិនចាយលុយខ្ចះខ្ចាយ ហើយមានការងារធ្វើ និងចេះបង្កើតការងារខ្លួនឯងនេះក៏ជាចំនុចល្អរបស់តារាខ្លះដែលគាត់ចេះកែប្រែជីវភាពខ្លួនគាត់ពីក្រអោយក្លាយជាអ្នកមានជីវភាពធូរធា ។
លោក អ៊ឹម ជីវ៉ា បន្ថែមទៀតថា នៅមានសិល្បករជាច្រើនដែលកំពុងខ្វះខាតពិតប្រាកដ ខ្វះខាតដោយសារជំងឺគ្មានថវិការព្យាបាល និងក្រីក្រខ្វះខាតផ្នែកជីវភាព ដោយសារពួកគាត់កាន់តែចាស់រកប្រាក់ចំណូលមិនបាន។
លោកបញ្ជាក់ថា សិល្បៈជើងចាស់១ចំនួនក៏មានសប្បុរសជនជួយ សិល្បៈជើងចាស់គាត់ស្ទើរតែគ្មានលុយទិញថ្នាំលេបផង មួយថ្ងៃៗមិនតិចជា ៥ ទៅ ១០នាក់ទេ ដែលខល ឬឆាតមកខ្ញុំបាទ អ៊ឹម ជីវ៉ា អោយជួយពួកគាត់ផង ! អ្វីដែលខ្ញុំជួយគឺជួយទៅតាមលទ្ធភាព ឬបានត្រឹមតែបង្ហោះអោយគេឃើញ តែបើអោយខ្ញុំអំពាវនាវសុំអំណោយជំនួសគាត់ គឺខ្ញុំមិនអាចធ្វើកើតទេ ដោយសារអ្នកខ្លះពេលយើងជួយគឺគេថាយើងធ្វើដើម្បីផលប្រយោជន៍ ឬធ្វើដើម្បី Like & share ! ។
លោកថា សង្គមមួយនេះ ធ្វើយ៉ាងណាក៏មិនអាចតម្រូវចិត្តមនុស្សទាំងនោះបានទេ មានតែបង្ហោះអោយគេឃើញ បើសប្បុសជនណាអាណិត គឺយកលេខគាត់ ហើយទៅជួយគាត់ផ្ទាល់ទៅ គឺខ្ញុំមិនទទួលជំនួយពីបងប្អូនទេ៕
ចែករំលែកព័តមាននេះ