រាជធានីភ្នំពេញ ៖ យោងតាមគេហទំព័រហ្វេសប៊ុកផ្ទាល់ខ្លួនរបស់លោក លី ច័ន្ទតុលា ប្រធានគណៈមេធាវី នៃព្រះរាជ្ញាណាចក្រកម្ពុជា បានបង្ហោះដោយមានខ្លឹមសារទាំងស្រុងថា ៖ ការត្រៀមរៀបចំមហាសន្និបាតគណៈមេធាវីលើក…
រាជធានីភ្នំពេញ ៖ យោងតាមគេហទំព័រហ្វេសប៊ុកផ្ទាល់ខ្លួនរបស់លោក លី ច័ន្ទតុលា ប្រធានគណៈមេធាវី នៃព្រះរាជ្ញាណាចក្រកម្ពុជា បានបង្ហោះដោយមានខ្លឹមសារទាំងស្រុងថា ៖ ការត្រៀមរៀបចំមហាសន្និបាតគណៈមេធាវីលើក ទី២៦ និងការបោះឆ្នោតជ្រើសរើសក្រុមប្រឹក្សាគណៈមេធាវីអាណត្តិទី១០ ត្រូវបានរៀបចំរួចរាល់ហើយ សម្រាប់បងប្អូនសហភាតានិងគណៈអធិបតី ។
ព្រឹកស្អែកនេះ (ថ្ងៃទី១៦ ខែតុលា) ចាប់ពីម៉ោង៧និង៣០នាទីតទៅ សូមបងប្អូនសហភាតាចូលរួមកម្មវិធីបើកមហាសន្និបាត តាមប្រព័ន្ធ Zoom meeting តាមតំណភ្ជាប់ (Link) ដែលក្រុមការងារស្រង់វត្តមានផ្ញើជូនបងប្អូនតាមក្រុមអត្តលេខរបស់បងប្អូន។
សូមបងប្អូនសហភាតា ចូលរួមឲ្យបានទាំងអស់គ្នា ទោះបីជាបងប្អូនបានផ្ទេរសិទ្ធិ ឬមានធុរៈយ៉ាងណាក៏ ដោយ ពីព្រោះការចូលរួមតាមប្រព័ន្ធ Zoomនេះ មិនពិបាកទេ បងប្អូនអាចចូលរួមតាមកុំព្យូទ័រ ឬ ទូរស័ព្ទដៃក៏បាន ទោះបីជាបងប្អូននៅទីណាក៏ដោយ ។
ចាប់ពីថ្ងៃត្រង់ នៃថ្ងៃទី១៦ តុលា និងថ្ងៃទី១៧ តុលា សូមបងប្អូនសហភាតា មកបោះឆ្នោតជ្រើសរើសក្រុមប្រឹក្សាអាណត្តិទី១០ ដោយផ្ទាល់នៅទីស្នាក់ការគណៈមេធាវី ។
សូមបងប្អូនសហភាតាកុំព្រួយបារម្ភ ពីព្រោះគណៈមេធាវីបានចាត់វិធានការនានា ស្រប តាមការណែនាំរបស់រាជរដ្ឋាភិបាល និង ក្រសួងសុខាភិបាលរួចស្រេចហើយ។ ជួបគ្នានៅថ្ងៃស្អែកបងប្អូនសហភាតាទាំងអស់ ៕
ចែករំលែកព័តមាននេះ