ដើម្បីបានជាគតិក្នុងផ្លូវដ៏ត្រឹមត្រូវ បុគ្គលគប្បីយកគំនិតទាំង៧នេះមកធ្វើការពិចារណារអប់រំខ្លួនឯង កុំឲ្យភ្លេចខ្លួនឯងថាជាអ្វី ? មកពីណា ? ហើយដើម្បីអ្វី ? គតិទាំង៧នោះគឺៈ ១-…
ដើម្បីបានជាគតិក្នុងផ្លូវដ៏ត្រឹមត្រូវ បុគ្គលគប្បីយកគំនិតទាំង៧នេះមកធ្វើការពិចារណារអប់រំខ្លួនឯង កុំឲ្យភ្លេចខ្លួនឯងថាជាអ្វី ? មកពីណា ? ហើយដើម្បីអ្វី ? គតិទាំង៧នោះគឺៈ
១- នៅពេលបក្សីមានជីវិត ពួកវាស៊ីសត្វល្អិតជាអាហារ ប៉ុន្តែពេលវាងា.ប់ វាក៏ត្រូវសត្វល្អិតស៊ីជាអាហារវិញដូចគ្នា។
២- ដើមឈើមួយដើមអាចយកទៅធ្វើឈើគូសបានរាប់លានដើម ប៉ុន្តែឈើគូសតែមួយដើមក៏អាចដុតដើមឈើក្នុងព្រៃរាប់លានដើមដូចគ្នា។
៣- ចូរកុំមើលរំលងមនុស្សដែលតូចទាបជាងអ្នក ដោយសារគិតថាខ្លួនឯងធំខ្ពស់នោះ ។
៤- កុំគិតថាយើងរឹងមាំគ្មានថ្ងៃឈឺថ្កាត់ ដោយសារអាយុនៅតិច ត្បិតរណ្ដៅបញ្ចុះសពមិនមែនមានសម្រាប់តែមនុស្សចាស់នោះទេ ប៉ុន្តែគឺសម្រាប់មនុស្សស្លា.ប់ទូទៅ ។
៥- កុំគិតថាខ្ញុំមានហើយចាយលុយដូចក្រដាសនោះ ព្រោះថ្ងៃណាមួយសូម្បីលុយតែ១ម៉ឺនរៀលអាចមានតម្លៃខ្លាំងណាស់នៅពេលអ្នកធ្លាក់ខ្លួនមែនទែន ។
៦- ត្រូវដឹងថាក្នុងជីវិតនេះគ្មានអ្វីស្ថិតស្ថេរទេ ធំក៏អាចក្លាយជាតូច មានក៏អាចក្លាយជាក្រ រឹងមាំក៏អាចប្រែជាទ្រុឌទ្រោមបាន បើហ៊ានតែប្រមាទ ។
៧-គ្មាននរណារស់បានអមតៈនោះទេ ដូច្នេះត្រូវចាំទុកថា កុំភ្លេចខ្លួន កុំឈ្លក់វង្វេងខ្លួនឯង ហើយរឹតតែសំខាន់គឺហាមប្រមាទជាមួយជីវិតតទៅទៀត ។
គតិលោកទាំងប្រាំពីរចំណុចនេះ ជនណាបានពិចារណាច្បាស់ហើយ ជននោះនឹងបានជាគតិ ឈ្វេងយល់អំពីការណ៍ពិតនៃដំណើរជីវិតមិនខាន ៕ សាន សារិន
ចែករំលែកព័តមាននេះ