ដ្បិតតែឈ្នះ! តែលោក Keisuke Honda មិនសប្បាយចិត្តនឹងទម្រង់លេងរបស់ក្រុមកម្ពុជា
- ភ្នំពេញ
រាជធានីភ្នំពេញ ៖ បន្ទាប់ពីប្រើទម្រង់លេងថ្មី ហើយទទួលជោគជ័យលើទីលានក្រៅប្រទេស លោក Keisuke Honda អ្នកចាត់ការ
រាជធានីភ្នំពេញ ៖ បន្ទាប់ពីប្រើទម្រង់លេងថ្មី ហើយទទួលជោគជ័យលើទីលានក្រៅប្រទេស លោក Keisuke Honda អ្នកចាត់ការ
រាជធានីភ្នំពេញ ៖ បន្ទាប់ពីប្រើទម្រង់លេងថ្មី ហើយទទួលជោគជ័យលើទីលានក្រៅប្រទេស លោក Keisuke Honda អ្នកចាត់ការទូទៅក្រុមជម្រើសជាតិកម្ពុជា និងជាគ្រូបង្វឹកក្រុមម្នាក់ ហាក់មិនបង្ហាញនូវមោទភាពនោះទេ បើទោះជាទម្រង់លេងថ្មីដែលបានអនុវត្តអាចជួយអោយក្រុមកម្ពុជាទប់បាល់ពីគូប្រកួតបានល្អ ពោលគឺអាចបិទតារាងរបស់ខ្លួនបានរឹងមាំ ហើយអាចវាយលុកគូប្រកួតបានខ្លាំង។ លោកប្រកាសថាត្រូវតែបន្តកែទម្រង់លេងថ្មីមួយនេះបន្ថែមទៀត សម្រាប់ការប្រកួតក្រោយៗ ដើម្បីបង្កើនឱកាស និងប្រសិទ្ធិភាពអោយកាន់តែល្អថែមទៀត ក្រោយពីឈ្នះក្រុម។ នៅលើផេករបស់គណៈកម្មការរៀបចំព្រឹត្តិការណ៍ស៊ីហ្គេម លោកបានបង្ហាញអារម្មណ៍ខកចិត្ត នឹងទម្រង់លេងរបស់ក្រុមក្នុងការប្រកួតជាមួយកោះហ្គាំ នៃវគ្គជម្រុះពានរង្វាន់ AFC Asian Cup China 2023 ជើងទី១ កាលពីយប់មិញ ទោះបីកម្ពុជាបានយកឈ្នះក្រុមកោះរបស់សហរដ្ឋអាមេរិកនេះក៏ដោយ។ គួររំលឹកថា អបអរសាទរ! ក្រុមជម្រើសជាតិកម្ពុជាឈ្នះក្រុមហ្គាំ
អ្នកចាត់ការទូទៅក្រុមគោព្រៃកម្ពុជាខាងលើ បានបញ្ជាក់ថា «ខ្ញុំគួរតែសប្បាយចិត្ត ព្រោះយើងឈ្នះ តែខ្ញុំបែរជាខកចិត្តទៅវិញ ព្រោះទម្រង់លេងយើង គឺមិនល្អដូចពេលយើងលេងជាមួយក្រុមខ្លាំងៗ ទោះពេលនោះយើងចាញ់មែន តែខ្ញុំសប្បាយចិត្តជាង ព្រោះ យើងមានទម្រង់លេងប្រសើរជាងនេះ»។
អតីតសមាជិកក្រុមជម្រើសជាតិជប៉ុនដដែល សង្កត់ធ្ងន់ថា «បើយើងរីករាយជាមួយលទ្ធផលនេះ ជាមួយទម្រង់លេងបែបនេះ តើ ពេលណា ទើបយើងអាចលេងឈ្នះក្រុមខ្លាំងៗ ក្នុងតំបន់ដូចជាវៀតណាម ឬថៃបាននោះ?»។
លោកបន្ដថា «ការអភិវឌ្ឍន៍កាយសម្បទា និងបច្ចេកទេសជាចំណុចដែលកីឡាករភាគច្រើនផ្ដោតលើក៏ដូចគ្នា យើងត្រូវពង្រឹងផ្នែកទាំងនោះ ប៉ុន្ដែអ្វីដែលពិសេសជាងនោះ យើងត្រូវយល់ដឹងពីការប្រើប្រាស់តាក់តិច (Tactic) ដែលជាកត្ដាដែលធ្វើឲ្យក្រុមយើង អាចប្រកួតប្រជែងក្រុមខ្លាំងៗបាន»។
ការលើកឡើងរបស់សមាជិកក្លឹប FK Suduva នៃលីគកំពូលប្រទេសលីទុយអានីនេះ បន្ទាប់ពីក្រុមជម្រើសជាតិកម្ពុជា បានយកឈ្នះកោះហ្គាំ ១-០ ក្នុងជំនួបជើងទី១ នៅប្រទេសបារ៉ែន កាលពីយប់រំលងអធ្រាត្រឈានចូលថ្ងៃអាទិត្យនេះ គ្រាដែលកម្ពុជាត្រូវជួបកោះហ្គាំ ម្ដងទៀត នៅជើងទី២ នារាត្រីថ្ងៃទី១២ ខែតុលា សប្ដាហ៍ក្រោយ ដើម្បីកាត់សេចក្ដីរកក្រុមខ្លាំង ឡើងវគ្គចែកពូលជុំទី៣ នៃ ពានរង្វាន់បាល់ទាត់ជើងឯកទ្វីបអាស៊ីនេះ៕
ចែករំលែកព័តមាននេះ