ខេត្តកំពង់ស្ពឺ ៖ គ្រោះថ្នាក់ចរាចរណ៍រថយន្តបុកបន្ដកន្ទុយគ្នា ៣គ្រឿងនៅចំណុចគីឡូម៉ែត្រលេខ ៨២_៨៣ បានកើតឡើង បណ្តាលឱ្យគៀបមនុស្សនៅក្នុងរថយន្ត ។ យ៉ាងណាមិញ ក្រោយប្រតិបត្តិការយ៉ាងក្តៅគគុក សមត្ថកិច្ចបានគាស់យកសពអ្នកបើកបរបានហើយ ។ នេះបើយោងតាមការប្រកាសរបស់ស្នងការដ្ឋាននគរបាលខេត្តកំពង់ស្ពឺ ។
ស្នងការដ្ឋាននគរបាលខេត្តកំពង់ស្ពឺបានបន្តថា ករណីគ្រោះថ្នាក់ចរាចរណ៍រវាងរថយន្តបុករថយន្ត កាលពីទាបភ្លឺថ្ងៃអាទិត្យទី១០ ខែតុលា ឆ្នាំ២០២១ វេលាម៉ោង៤និង៣០នាទី នៅលើផ្លូវជាតិលេខ៤ ចន្លោះគ.ម ៨២-៨៣ ភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
មុនពេលកើតហេតុមាន រថយន្តមួយគ្រឿងម៉ាក STERLING ក្បាលពណ៌ស ស្លាកលេខភ្នំពេញ 3D-0716 សណ្តោងរ៉ឺម៉ក មានស្លាកលេខភ្នំពេញ 4A-8954 អ្នកបើកបរមិនស្គាល់ឈ្មោះ និងអត្ដសញ្ញាណ រថយន្តបើកបរមកពីទិសខាងលិចទៅទិសខាងកើត លុះមកដល់ចំណុចខាងលើ បានរេចង្កូតទៅផ្នែកខាងឆ្វេងដៃចូលទៅគន្លងផ្លូវនៃចំណែករថយន្ដ រួចបុករថយន្តមួយគ្រឿងម៉ាក FREIGHTNER ស្លាកលេខភ្នំពេញ 3A-1278 សណ្តោងរ៉ឺម៉ក មានស្លាកលេខព្រះសីហនុ 4A-1651 (រថយន្តដឹកថ្ម ) បើកបរដោយឈ្មោះ ញ៉ាញ់ សារិ ភេទប្រុស អាយុ២៩ឆ្នាំ រស់នៅភូមិកុមារពេទ្យ ឃុំអូរ ស្រុកភ្នំស្រួច ខេត្តកំពង់ស្ពឺ (ស្លា.ប់) ដែលបើកបរបញ្រា្ចសទិសគ្នា ស្របពេលនោះមានរថយន្តមួយគ្រឿងទៀតម៉ាក HUNGHE ក្បាលពណ៌ស ស្លាកលេខភ្នំពេញ ក-4823 ភព3 សណ្តោងរ៉ឺម៉កប្រេង ស្លាកលេខភ្នំពេញ 4A-7879បើក មកពីទិសខាងកើតទៅលិចបានជ្រុលទៅបុករថយន្តដែលកំពុងជួបគ្រោះថ្នាក់ ។ហេតុការណ៍ខាងលើ គឺរថយន្ដដែលសណ្ដោងកុងតឺណ័ក្រឡាប់ដាច់ទូរកុងតឺណ័ធ្លាក់មកប៉ះជាមួយ និងរថយន្តដឹកថ្ម រីឯរថយន្ដដឹកប្រេងបុកពីក្រោយរថយន្ដដឹកថ្ម បណ្ដាលឱ្យកៀបជាប់សពបុរសម្នាក់នៅក្នុងឡាន ។
បច្ចុប្បន្នវត្ថតាង ត្រូវបាននគរបាលស្ទួចយកមករក្សារទុកបណ្ដោះអាសន្ន នៅអធិការដ្ឋានស្រុកភ្នំស្រួច ដើម្បីចាត់ការកសាងសំណុំរឿងតាមនិតិវិធីបន្ដ ៕
ចែករំលែកព័តមាននេះ