ដើម្បីទប់ស្កាត់ការចម្លងជំងឺកូវីដ១៩ក្នុងសហគមន៍ ក្រោយពិធីបុណ្យភ្ជុំបិណ្ឌត្រូវបានបញ្ចប់ រដ្ឋបាលខេត្តមណ្ឌលគិរី បានដាក់ចេញវិធានការបន្ទាន់លើគ្រប់ស្ថាប័ន ជាពិសេសលោកគ្រូអ្នកគ្រូដែលត្រូវចូលបង្រៀនវិញ ដោយ
ខេត្តមណ្ឌលគិរី ៖ ដើម្បីទប់ស្កាត់ការចម្លងជំងឺកូវីដ១៩ក្នុងសហគមន៍ ក្រោយពិធីបុណ្យភ្ជុំបិណ្ឌត្រូវបានបញ្ចប់ រដ្ឋបាលខេត្តមណ្ឌលគិរី បានដាក់ចេញវិធានការបន្ទាន់លើគ្រប់ស្ថាប័ន ជាពិសេសលោកគ្រូអ្នកគ្រូដែលត្រូវចូលបង្រៀនវិញ ដោយលើកទឹកចិត្តឲ្យធ្វើតេស្តរហ័សជាបឋម ក្នុងករណីរកឃើញវិជ្ជមានក្នុងកម្រិតស្រាលអនុញ្ញាតសម្រាកព្យាបាលនៅផ្ទះ។
លោក សាយ ម៉េងគីម អភិបាលខេត្តមណ្ឌលគិរី (ស្តីទី) បានឲ្យដឹងនៅរសៀលថ្ងៃទី០៩ ខែតុលា ឆ្នាំ២០២១ នេះថា ក្នុងឱកាសពិធីបុណ្យភ្ជុំបិណ្ឌកន្លងទៅនេះ ខេត្តមណ្ឌលគិរី បានទទួលភ្ញៀវទេសចរសរុប ២៣,៣២៣នាក់ ឡើងលើក៨០% បើធៀបឆ្នាំ២០២០។ ក្នុងអំឡុងពេលនេះស្ថានភាពសន្តិសុខសុវត្ថិភាពក្នុងមូលដ្ឋាន មានរបៀបល្អ ទោះបីមានចំនួនអ្នកទេសចរកើនច្រើនក្នុងបរិបទកូវីដ១៩ ក៏ដោយ។
លោក សាយ ម៉េងគីម បន្តថា តាមបណ្តាផ្ទះសំណាក់ សណ្ឋាគារ រមណីយដ្ឋាននានា គឺអាជ្ញាធរគ្រប់លំដាប់ថ្នាក់ ជាពិសេសអាជ្ញាធរក្រុងសែនមនោរម្យ បានអនុវត្តវិធានការផ្សព្វផ្សាយរបស់រដ្ឋបាលខេត្ត វិធានការអប់រំសុខាភិបាល នៅតាមគ្រប់ទីកន្លែងដែលមានមនុស្សច្រើន។
ជុំវិញវិធានការទប់ស្កាត់ការចម្លងជំងឺកូវីដ១៩ ជាពិសេសប្រភេទបម្លែងថ្មី ដែលតា ក្នុងសហគមន៍ក្រោយពិធីបុណ្យភ្ជុំបិណ្ឌត្រូវបានបញ្ចាប់ រដ្ឋបាលខេត្តមណ្ឌលគិរី បានចេញសេចក្តីណែនាំទប់ស្កាត់ការឆ្លងជំងឺកូវីដ១៩ នៅពេលមានការវិលត្រលប់របស់បងប្អូនប្រជាពលរដ្ឋ កម្មករកម្មការិនី គ្រូបង្រៀន ពីស្រុកកំណើតក្នុងថ្ងៃឈប់សម្រាក។
រដ្ឋបាលខេត្តបានណែនាំដល់គ្រូបង្រៀនក្នុងស្ថាប័នរដ្ឋ ត្រូវអនុវត្តធ្វើរហ័ស ក្នុងករណីរកឃើញវិជ្ជមាន ហើយគ្មានរោគសញ្ញាត្រូវអនុញ្ញាតឲ្យគាត់សម្រាកព្យាបាលនៅតាមផ្ទះ និងជូនដំណឹងទៅអាជ្ញាធរមូលដ្ឋាន ។ ក្នុងករណីអ្នកវិជ្ជមានហើយមានរោគសញ្ញាគួរឲ្យកត់សម្គាល់ ត្រូវធ្វើតេស្តបញ្ជាក់ដោយម៉ាស៊ីនPCR និងត្រូវបញ្ជូនទៅសម្រាកព្យាបាលនៅមន្ទីរពេទ្យ។
ចំណែកគ្រូបង្រៀននៅតាមស្ថាប័នឯកជន រដ្ឋបាលខេត្តបានលើកទឹកចិត្តឲ្យម្ចាស់សាលារៀនឯកជនទាំងនោះ ត្រូវចាត់ចែងដោយខ្លួនឯង និងមានការទទួលខុសត្រូវខ្ពស់ ។ ដោយឡែកកម្មករនិយោជិក និយោជក នៅតាមបណ្តាររោងចក្រសហគ្រាស និងក្រុមហ៊ុននានា គឺខេត្តលើកទឹកចិត្តឲ្យគាត់អនុវត្តធ្វើតេស្តរហ័ស ដោយទទួលខុសត្រូវដោយខ្លួនឯង និងសហការជាមួយអាជ្ញាធរពាក់ព័ន្ធ ជាពិសេសមន្ទីរសុខាភិបាល៕
ចែករំលែកព័តមាននេះ