អនិច្ចា! កម្លាំងទាំង៣ និងអាជ្ញាធរស្វែងរកក្មេងស្រីម្នាក់អស់១យប់ទើបរកនាងឃើញ
- បន្ទាយមានជ័យ
ប្រធានគណៈបញ្ជាការឯកភាពក្រុងសិរីសោភ័ណ ដឹកនាំដោយអភិបាលក្រុងសិរីសោភ័ណ មានការចូលពីកងកលាំងទាំង៣ប្រភេទ ក្នុងនោះ
ខេត្តបន្ទាយមានជ័យ ៖ ប្រធានគណៈបញ្ជាការឯកភាពក្រុងសិរីសោភ័ណ ដឹកនាំដោយអភិបាលក្រុងសិរីសោភ័ណ មានការចូលពីកងកលាំងទាំង៣ប្រភេទ ក្នុងនោះលោកឧត្តមសេនីយ៍ត្រី ជឹម ប៊ុន អាន មេបញ្ជាការតំបន់ប្រតិបត្តិការសឹករងខេត្ត លោកវរសេនីយ៍ឯក ស៊ី អធិការនគរបាលក្រុងសិរីសោភ័ណ លោកវរសេនីយ៍ត្រី យ៉ាន់ សុវណ្ណ មេបញ្ជាការកងរាជអាវុធហត្ថក្រុងសិរីសោភ័ណ និងកម្លាំងចំរុះជាច្រើននាក់ទៀតបាននាំគ្នារុករកស.ពក្មេងស្រីរងគ្រោះម្នាក់បានលង់ទឹកស្ទឹង ក្នុងចំណោមក្មេងស្រីចំនួន៤នាក់ ដែលបាននាំគ្នាទៅលេងទឹក ហើយក៏ត្រូវទឹកហូរគួចយកទៅបាត់។
រឿងរ៉ាវខាងលើនេះ បានកើតឡើងបង្កឲ្យមានការភ្ញាក់ផ្អើលនៅវេលាម៉ោង៣រសៀល ថ្ងៃទី៦ ខែតុលា ឆ្នាំ២០២១ នៅចំណុចខាងលិចសាលាឆាន់ កន្លែងចាក់ដីថ្មី ស្ថិតក្នុងភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
បើតាមលោកហ៊ឹល រ៉ាយ៉ាអភិបាលក្រុងសិរីសោភ័ណ បានឲ្យដឹងថា ក្មេងស្រីរងគ្រោះមានឈ្មោះ រ៉េត សុខនាង អាយុ១១ឆ្នាំ មានឪពុកឈ្មោះ រ៉េត សាវុធ ជាកម្មករសព្វថ្ងៃ ធ្វើការនៅប្រទេសថៃ និងម្តាយ ឈ្មោះ ភាច សុភាព កើតកូវីដ១៩ ហើយកំពុងព្យាបាលនៅមណ្ឌលចត្តាឡីស័កចំការតាដោក ស្រុកមង្គលបូរី ចំណែកស.ពក្មេងស្រីរងគ្រោះគឺរស់នៅជាមួយជីដូនឈ្មោះ ម៉ៅ ខន អាយុ៦០ឆ្នាំ និងជីតាឈ្មោះ មាឃ សុខុមអាយុ៦៥ឆ្នាំ រស់នៅក្រោយវត្តស្វាយចាស់ ហៅវត្តចមសុទ្ធាវាស ស្ថិតក្នុងភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
លោកអភិបាលក្រុងបានឲ្យដឹងបន្តទៀតថា តាមការអះអាងរបស់ក្មេងៗដែលមកលេងទឹកជាមួយក្មេងស្រីរងគ្រោះបាននិយាយថា នៅវេលាម៉ោង៣រសៀលថ្ងៃកើតហេតុនោះ ក្រុមខ្លួន រួមទាំងក្មេងស្រីរងគ្រោះគឺមានចំនួន៥នាក់ សុទ្ធតែស្រីៗអាយុជាង១០ឆ្នាំទាំងអស់ បាននាំគ្នាមកលេងទឹកនៅចំណុចចាក់ដីថ្មី ។ ហើយមុននឹងបាត់ខ្លួនម្នាក់ ពួកគេទាំង៥បានកាន់ដៃគ្នាបណ្តែតខ្លួនមកកំពង់ទឹកជាប់មាត់ស្ទឹងមានប្រវ៉ែង ដែលមានចម្ងាយពីកន្លែងចាក់ដីថ្មីដែលពួកគេលែងនោះប្រហែល៥០ម៉ែត្រ ។
ប្រភពដដែលបន្តថា ខណៈពេលនោះទឹកបានហូរគួចយ៉ាងខ្លាំង ហើយពេលនោះបណ្តែតខ្លួនមិនទាន់ដល់កំពង់ទឹកផង ក្មេងស្រីដែលបាត់ខ្លួននោះអស់ដៃអស់ជើង ក៏លែងដៃគ្នាហែលឡើងលើគោករៀងៗខ្លួនបាន៤នាក់ ចំណែកក្មេងស្រីឈ្មោះ រ៉េត សុខ នោះ នាងក៏ត្រូវទឹកគួចយកទៅបាត់តែម្តង។
ក្រោយពីទទួលបានព័ត៌មានខាងលើនេះភ្លាម លោកក៏បានចុះមកពិនិត្យមើល និងមានការចូលរួមពីកងកម្លាំងទាំង៣ប្រភេទ ដើម្បីចូលរួមរុករកស្វែងរកស.ពក្មេងស្រីរងគ្រោះ ដោយប្រើប្រាស់កាណូតមានម៉ាស៊ីនជាច្រើនគ្រឿង។ លុះរហូតមកទល់ថ្ងៃទី០៧ ខែតុលា ឆ្នាំ២០២១ វេលាម៉ោង០៣រសៀលនេះ ទើបកម្លាំងចម្រុះបានរកស.ពក្មេងស្រីរងគ្រោះឃើញអណ្តែត នៅក្នុងភូមិចក សង្កាត់ព្រះពន្លា ចម្ងាយពីកន្លែងកើតហេតុប្រហែល០៣គីឡូម៉ែត្រ ៕
ចែករំលែកព័តមាននេះ