រាជធានីភ្នំពេញ ៖ ស្ត្រីម្នាក់មានវិបត្តិក្នុងគ្រួសារ ដោយសារតែប្តី លួចមានស្រីថ្មី តូចចិត្តខ្លាំងពេក ក៏សម្រេចចិត្ត លេបថ្នាំងងុយដេក អស់២បន្ទះ រួចហើយជិះម៉ូតូកង់បី…
រាជធានីភ្នំពេញ ៖ ស្ត្រីម្នាក់មានវិបត្តិក្នុងគ្រួសារ ដោយសារតែប្តី លួចមានស្រីថ្មី តូចចិត្តខ្លាំងពេក ក៏សម្រេចចិត្ត លេបថ្នាំងងុយដេក អស់២បន្ទះ រួចហើយជិះម៉ូតូកង់បី មកលោតទឹកនៅលើស្ពានជ្រោយចង្វារទាំងយប់ តែដោយសារងងុយគេងខ្លាំងពេក ទើបសម្រេចចិត្តទៅដេកនៅរង្វង់មូលតាព្រហ្មសិន លុះព្រឹកភ្ញាក់ឡើង ទើបដើរឡើងស្ពានជ្រោយចង្វារ បម្រុងលោតទឹកសម្លាប់ខ្លួន តែមិនបានសម្រេចត្រូវបានអ្នកដំណើរនាំគ្នាឃាត់ទាន់ ។
ការប៉ុនប៉ងធ្វើអត្តឃាតនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៨និង៤០នាទីព្រឹក ថ្ងៃទី០៤ ខែតុលា ឆ្នាំ២០២១ នៅលើស្ពានជ្រោយចង្វារថ្មី ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ស្ត្រីដែលមានវិបត្តិរូបនោះ ឈ្មោះ លីម សុភ័ក្ត ភេទស្រី អាយុ៣៩ឆ្នាំ ស្នាក់នៅភូមិចែងមែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
តាមសាក្សី បានអោយដឹងថា នៅមុនពេលកើតហេតុ គេឃើញនារីរូបនោះបានធ្វើដំណើរឡើងស្ពាន ក្នុងទិសដៅពីកើតទៅលិច ។ ពេលជិតដល់កណ្តាលស្ពានតោងបង្កាន់ដៃស្ពាន ប្រុងលោតទឹក ហើយអ្នកដំណើរនាំគ្នាឃាត់ប្រគល់អោយនគរបាល តែម្តង ។
តាមស្ត្រីរូបនោះ បានប្រាប់ថា គាត់មានវិបត្តិផ្លូវចិត្តគ្រាំគ្រាចិត្តខ្លាំងណាស់ មិនចង់រស់នៅនោះទេ ដោយសារតែប្តីភិតក្បត់ទៅលួចមានស្រីក្មេង ។ ដោយទ្រាំឈឺចិត្តមិនបានខ្លួន បានគិតខ្លី ដោយទិញថ្នាំងងុយដេកលេបសម្លា.ប់ ខ្លួនអស់២បន្ទះ រួចហៅម៉ូតូកង់៣ ជិះធ្វើដំណើរទៅលោតទឹកសម្លា.ប់ខ្លួន ពីលើស្ពានជ្រោយ ។
នៅពេលធ្វើដំណើរទៅដល់លើស្ពាន ប៉ុន្តែងងុយដេកខ្លាំងពេក ក៏បានទៅឈប់នៅរង្វង់មូលតាព្រហ្ម ដេក ១យប់សិន ។ លុះព្រឹកឡើងភ្ញាក់ពីដេក ក៏បានដើរឡើងស្ពានទៅលោតទឹកសម្លា.ប់ខ្លួន តែនាងហាក់ដូចជាពុំដាច់ចិត្ត នៅឈរលើស្ពាន ហើយត្រូវបានអ្នកដំណើរឃើញ ក៏បានឃាត់សួរនាំទើបដឹងថា នាងប្រុងគិតខ្លី ។
ក្រោយពេលកើតហេតុកម្លាំងសមត្ថកិច្ចមូលដ្ឋាន បានចុះមកដល់កន្លែងកើតហេតុ រួចនាំស្ត្រីរងគ្រោះទៅប៉ុស្តិ៍នគរបាលរដ្ឋបាលជ្រោយចង្វារ បន្ទាប់ពីសួរនាំ នគរបាលក៏បានធ្វើការអប់រំ កុំអោយគិតខ្លី រួចក៏បានទាក់ទងក្រុមគ្រួសារអោយមកទទួលយកត្រឡប់ទៅផ្ទះវិញ ៕
ចែករំលែកព័តមាននេះ