រាជធានីភ្នំពេញ ៖ គ្រូបង្រៀននៅអនុវិទ្យាល័យ «ទួលវណ្ណារាម» ម្នាក់ កាលពីរសៀលថ្ងៃទី២៩ កញ្ញា ឆ្នាំ២០២១ ត្រូវបានកម្លាំងសមត្ថកិច្ចនគរបាលការិយាល័យព្រហ្មទ័ណ្ឌកម្រិតស្រាលរាជធានីចាប់ខ្លួនបញ្ជូនទៅតុលាការ ពាក់ព័ន្ធករណីប្រើអំពើហិង្សាវាយសិស្សបណ្ដាលឱ្យរងរបួស ។
ជនសង្ស័យមាន ឈ្មោះ ញ៉ាញ់ ឌីកាណូ ភេទប្រុស អាយុ៥៥ឆ្នាំ ជាជាគ្រូបង្រៀននៅអនុវិទ្យាល័យ«ទួលវណ្ណារាម» មានទីលំនៅ ផ្ទះលេខ១៨៨ ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ ។ តាមសមត្ថកិច្ចឲ្យដឹងថា ការចាប់បញ្ជូនខ្លួនគ្រូបង្រៀន ញ៉ាញ់ ឌីកាណូ បញ្ជូនទៅតុលាការនោះ គឺសមត្ថកិច្ចអនុវត្តតាមដីកាបង្គាប់ឲ្យចាប់ខ្លួនចុះថ្ងៃទី ៣១ឧសភា ឆ្នាំ២០២១ របស់លោក សំ ប៊ុនពៅ ចៅក្រមស៊ើបសួរសាលាដំបូងរាជធានីភ្នំពេញ ដែលបានចោទប្រកាន់ពីបទ.ហឹង្សាដោយចេតនាមានស្ថានទម្ងន់ ទោស ទាក់ទងប្រព្រឹត្តអំពើហឹង្សាលើសិស្សនៅចំណុចអនុទ្យាល័ យទួលវណ្ណារាម ភូមិទួលសង្កែ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ កាលពីថ្ងៃទី៣១ ខែកក្ដដា ឆ្នាំ២០១៩ ។
ពេលសមត្ថកិច្ចបញ្ជូនលោក ញ៉ាញ់ កាឌីណូ ទៅដល់តុលាការ សំណុំរឿងនោះ បានស្ថិតនៅចៅក្រមស៊ើបសួរដដែល ដោយលោកចៅក្រមបានបើកការសាកសួរ តែប៉ុន្មានម៉ោង ដែលគេតែងនិយាយថា (មួយដង្ហើមចង្រឹត) ក៏ត្រូវបញ្ចប់ និងបានដាក់ជនសង្ស័យឲ្យស្ថិតក្រោមការត្រួតពិនិត្យតាមផ្លូវតុលាការ រួចអនុញ្ញាតឲ្យគ្រូបង្រៀនរូបនោះមានសេរីភាពបានវិលទៅជួបជុំប្រពន្ធកូនវិញ ៕
ចែករំលែកព័តមាននេះ