ការប្រកួតវគ្គជម្រុះតាមតំបន់ Tiger Street Football Festival 2016 បានមកដល់ខេត្តកំពង់ចាមហើយ
8 ឆ្នាំ មុន
ខេត្តកំពង់ចាម ៖ បន្ទាប់ពីការប្រកួតបើកឆាកនៃការប្រកួតបាល់ទាត់ Tiger Street Football Festival 2016 នៅឆ្នេរអូរឈើទាល ក្នុងខេត្តព្រះសីហនុ បានបញ្ចប់ដោយជោគជ័យកាលពីសប្តាហ៍កន្លងទៅ
ខេត្តកំពង់ចាម ៖ បន្ទាប់ពីការប្រកួតបើកឆាកនៃការប្រកួតបាល់ទាត់ Tiger Street Football Festival 2016 នៅឆ្នេរអូរឈើទាល ក្នុងខេត្តព្រះសីហនុ បានបញ្ចប់ដោយជោគជ័យកាលពីសប្តាហ៍កន្លងទៅ ការប្រកួតវគ្គជម្រុះក្នុងកម្មវិធីនេះបានប្រារព្ធធ្វើឡើងនៅខេត្តកំពង់ចាមនៅខាងមុខសាលាគរុកោសល្យខេត្តកំពង់ចាម កាលពីថ្ងៃទី ២០-២១ ខែកុម្ភៈ ដោយមានការចូលរួមពីក្រុមបាល់ទាត់ចំនួន៤៦ក្រុម កីឡាករសរុបចំនួន៣២២នាក់ ដើម្បីប្រកួតដណ្តើមកៅអីសម្រាប់ចូលប្រកួតវគ្គផ្តាច់ព្រ័ត្រក្នុងកម្មវិធី Tiger Street Football Festival 2016 នៅរាជធានីភ្នំពេញ។
ក្រោយពីការប្រកួតយ៉ាងស្វិតស្វាញរយៈពេលពីរថ្ងៃជាប់គ្នា គេបានរកឃើញក្រុមជើងឯកចំនួន៥ក្រុមនៅខេត្តកំពង់ចាម ដែលត្រូវចូលប្រកួតវគ្គផ្តាច់ព្រ័ត្រនាថ្ងៃទី១៣ ខែមីនា នៅរាជធានីភ្នំពេញ មជ្ឈមណ្ឌលកោះពេជ្រ ខាងមុខសាលមហោស្រពដើម្បីឈានទៅដណ្តើមជើងឯក Tiger Street Football Festival 2016 រួមជាមួយទឹកប្រាក់ ១០.០០០ដុល្លារ។ ក្រុមដែលបានឈ្នះការប្រកួតជម្រុះនៅខេត្តកំពង់ចាម រួមមានក្រុម Inter KPC ដែលជាក្រុមជាប់ជ័យលាភីលេខ១ បានទទួលរង្វាន់ជាប្រាក់១.៥០០ដុល្លារ ក្រុម Red Dewil ដែលជាក្រុមជាប់ជ័យលាភីលេខ២ បានទទួលរង្វាន់ជាប្រាក់១.០០០ដុល្លារ ក្រុម M.S Sport ដែលជាក្រុមជាប់ជ័យលាភីលេខ៣ បានទទួលរង្វាន់ជាប្រាក់ ៥០០ដុល្លារ ក្រុមកសិកម្មដែលជាក្រុមជាប់ជ័យលាភីលេខ៤ បានទទួលរង្វាន់ជាប្រាក់២០០ដុល្លារ និងក្រុមជ័យលាភីលេខ៥ គឺក្រុម Hour Sing Sport ។
សម្រាប់ការប្រកួតបាល់ទាត់ Tiger Street Football Festival 2016 នៅខេត្តកំពង់ចាមនេះ យើងទទួលបានអ្នកគាំទ្រចូលរួមយ៉ាងច្រើនកុះករនៅជុំវិញបរិវេណទីលានប្រកួត និងមានអ្នកចូលរួមទស្សនាការប្រគំតន្ត្រីរបស់ស្រាបៀរថៃហ្គ័រជាច្រើនពាន់នាក់ក្នុងរយៈពេល២ថ្ងៃពេញកន្លងទៅនេះ ។
ការប្រកួតជម្រុះក្នុងកម្មវិធី Tiger Street Football Festival 2016 នឹងធ្វើឡើងនៅមណ្ឌលបន្ទាប់ទៀត គឺនៅខេត្តសៀមរាប ខាងមុខសារមន្ទីរអប្សរា គ្យុងយូ នៅថ្ងៃទី ២៧-២៨ ខែកុម្ភៈ ខាងមុខនេះ ។
ដូច្នេះសូមកុំភ្លេចចូលរួមគាំទ្រ និងទស្សនាការប្រកួតជម្រុះនៅខេត្តសៀមរាបឲ្យបានច្រើនកុះករ ជាពិសេសចូលរួមរីករាយសប្បាយទាំងអស់គ្នានូវការប្រគំតន្ត្រីចូលរួមដោយតារាល្បីៗ ដូចជាលោក ខេមរៈ សេរីមន្ត កញ្ញា ឱក សុគន្ធកញ្ញា លោក ខេម កញ្ញា ពេជ្រ សោភា លោក ណុប បាយ៉ារិទ្ធ លោកប៊ុត សីហា ជាដើម ចាប់ពីម៉ោង៧យប់តទៅ ។ ស្តែងចេញនូវភាពអស្ចារ្យដណ្តើមយកក្តីសុបិនអ្នកជាមួយ Tiger Street Football Festival 2016 ៕
ចែករំលែកព័តមាននេះ