ខេត្តព្រះសីហនុ ៖ ឈ្មួញលោភលន់នៅតែព្យាយាមចាក់ដីលុបដើមកោងកាង និងដើមកាញឹម ដែលជាជំរកបន្តពូជជិវៈចម្រុះ ជាច្រើនហិកតាស្ថិតនៅក្នុងភូមិលេខ៦សង្កាត់លេខ៤ក្រុងព្រះសីហនុបង្ករឲ្យព្រៃ លិចទឹកទាំងនោះកំពុងប្រឈមនឹងការវិនាសហិនហោច ខណៈពេលរថយន្តធុនធំជាច្រើនគ្រឿងដឹកដីយកទៅចាក់លុបយ៉ាងសកម្ម។ ដោយការចាក់ដីលុបព្រែកលិចទឹកបែបនេះ ត្រូវបានគេអះអាងថា នេះជាការអនុវត្តន៍តាមគោលការរបស់អាជ្ញាធរខេត្តក្នុងការស្តារអូរធម្មជាតិ ដែលកំពុងគោករាក់ដើម្បីរំដោះទឹកភ្លៀងជនលិចក្នុងរដូវវស្សា។
លោក ញ៉ាញ ស៊ីថន ដែលជាម្ចាស់រថយន្តដឹកដីនិងគ្រឿងចក្រ(អាប៊ុល) បាននិយាយប្រាប់ឲ្យដឹងថា ការចាក់ដីលុបព្រែលិចទឹកបែបនេះវាជានិតីវិធីក្នុងស្តារអូរខាងលើតែ ប៉ុណ្ណោះ ពីព្រោះដើម្បីនាំយកគ្រឿងចក្រចូលទៅការដីអូរបាន មានតែធ្វើបែបនេះទេគឺត្រូវចាក់លុបដីព្រៃ លិចទឹកអស់ រូចហើយចាំធ្វើការជីកស្តារដីអូរតាមក្រោយនិងតាមទំហំដីអូរដែលបានកំណត់។ លោក ញ៉ាញ ស៊ីថន បានធ្វើការបញ្ជាក់យ៉ាងច្បាស់ថាការចាក់ដីលុបព្រែបែបនេះមានច្បាប់អនុញ្ញាតត្រឹមត្រូវ ពីសាលាខេត្ត។
លោក នេន ចំរើន នាយខណ្ឌរដ្ឋបាលជលផលខេត្តព្រះសីហនុបានប្រាប់ឲ្យដឹងថា សកម្មភាព ចាក់ដីលុបព្រៃលិចទឹកនិងឈូសឆាយ បំផ្លាញព្រៃលិចទឹកខាងលើនេះ ត្រូវបានមន្ត្រីក្រុមការងាររបស់លោក ចុះទៅធ្វើការហាមឃាត់រូចហើយមិនអនុញ្ញាតឲ្យចាក់លុបព្រៃលិចទឹកបន្តទៀតទេ។ដោយការហាម ឃាត់នេះ ធ្វើឡើងបន្ទាប់ពីមើលឃើញថាក្រុមអ្នកទទូលបន្ទុកស្តារដីអូរខាងលើ អនុវត្តន៍ផ្ទុយពីរខ្លឹមសារ ណែនាំរបស់សាលាខេត្តព្រះសីហនុ ពីព្រោះសាលាខេត្តតម្រូវឲ្យធ្វើការស្តារអូរមិនមែនអនុញ្ញាតឲ្យចាក់ ដីលុបនិងបំផ្លាញព្រៃលិចទឹកនោះទេ។
ការចុះធ្វើការហាមឃាត់សកម្មភាបចាក់ដីលុបអូរខាងលើនេះមន្ត្រីជលផល បានធ្វើការ ចាប់ឃាត់រថយន្តដឹកដីចំនូន២គ្រឿងនិងអាប៊ុលឈូសឆាយដីចំនូន២គ្រឿង ផង ដែរទុកជាវត្តុតាង ដើម្បីបំពេញនិតីវិធី ។ លោក នេន ចំរើន បានបន្តទៀតថាជុំវិញបញ្ហានេះ លោក នឹងធ្វើរបាយការណ៍លម្អិតដាក់ជូនទៅថ្នាក់ដឹកនាំខេត្តឲ្យបានជ្រាប ដើម្បីមានវិធានការតាមផ្លូវច្បាប់ ហើយចំពោះ ដីដែលប្លង់កម្មសិទ្ធិស្ថិតនៅចំណុចនោះទាំងអស់បើពិនិត្យឃើញថាធ្វើរំលោភលើដីព្រៃ លិចទឹក លោក នឹងរៀបចំឯកសារពាក់ពន្ធ័ប្តឹងទៅសាលាដំបូងខេត្តព្រះសីហនុសុំលុបបណ្ណ័កម្មសិទ្ធិ ទាំងនោះចោលឲ្យអស់ ក្នុងគោលដៅប្រមូលយកព្រៃលិចទឹកទាំងនោះមកថែរក្សាទុកជាសម្បត្តិរដ្ឋវិញ ឲ្យខានតែបាន។
ដោយឡែកសម្រាប់លោក មុត សុធារិទ្ធ ប្រធានមន្ទីរបរិស្ថានខេត្តព្រះសីហនុបានធ្វើការ បញ្ជាក់ថា ការស្តារអូរបែបបំផ្លាញព្រៃលិចទឹកដូចនេះវាជារឿងមិនត្រឹមត្រូវនោះទេពីព្រោះបច្ចេកទេស ក្នុងការស្តារអូរ គេអាចជ្រើសរើសនៅវិធីផ្សេងៗ ដែលមិនបង្កផលប៉ះពាល់ដល់ព្រៃលិចទឹក និង ជីវៈចម្រុះដែលកំពុង កកើតមាននៅក្នុងព្រៃលិចទឹក ដូចជាប្រើប្រាស់សាឡង់ឬ ម៉ាស៊ីនបូម ដីល្បាប់ ភក់ជាដើម ដូចនេះសូមឲ្យអ្នកដែលពាក់ពន្ធ័ក្នុងស្តារអូរនេះពិនិត្យឡើងវិញធ្វើយ៉ាងណាជៀសឲ្យផុត ការបំផ្លាញព្រៃលិចទឹកតទៅទៀត។ជាមួយគ្នានេះក៏មានប្រជាពលរដ្ឋជាច្រើន ដែលរស់នៅតំបន់នោះ បានធ្វើការរិះគន់ថាដីព្រៃលិចទឹកតំបន់នេះតាំងពីដើមមកមិនដែលផ្តល់ការស្ទះ នៅចរន្តទឹកហូរនោះទេជាពិសេសគឺរដូវរស្សារដែលមានភ្លៀងធ្លាក់ពីព្រោះវិសាលភាពព្រៃលិចទឹកនេះមានទំហំ ធំទូលាយអាចទទូលនៅលំហូទឹក ពីគ្រប់ទិសទីនាំយកទៅចាក់ចូលសមុទ្រ ដូចនេះអាជ្ញាធរ ខេត្តគួរពិនិត្យមើលឡើងវិញនិងបញ្ឈប់ ការស្តារអូរ និងចាក់ដីលុបព្រៃលិចទឹកតំបន់នេះតទៅទៀត ដោយទុកឲ្យអូរនេះនៅបែបធម្មជាតិដូចដើមវិញ ប្រយោជន៍ដើម្បីការពារធនធានធម្មជាតិព្រៃលិចទឹក ដែលមានស្រាប់ រក្សាទុកជាសម្បត្តិរដ្ឋវិញ ។
តែបើបន្តឲ្យមានការស្តារអូរតទៅទៀត ច្បាស់ជាវិនាស ហើយ ពីព្រោះនេះជាវិធីសាស្ត្ររបស់ជនខិលខូចក្នុងការរំលោភយក ដីព្រៃលិចទឹក និងដូរចំណីអូរតែ ប៉ុណ្ណោះ ។ សូមបញ្ជាក់ផងដែរថា ទីតាំងចាក់ដីបំផ្លាញធនធានធម្មជាតិនេះ ត្រូវបានសមត្ថកិច្ចជំនាញរដ្ឋបាលជលផលខេត្តព្រះសីហនុ ធ្វើការផ្អាកសកម្មភាពជាលើកទី២ បន្ទាប់ពីក្រុមហ៊ុនមួយនេះព្យាយាម លបលួចចាក់ដីលប់ព្រៃលិចទឹក ក្រោមឡេះស្តារព្រែកធម្មជាតិ៕
ចែករំលែកព័តមាននេះ