រាជធានីភ្នំពេញ ៖ ភ្នាក់ងាររៀបចំការប្រណាំយានយាន្តកម្ពុជាហៅកាត់ថាKARA បានសហការជាមួយសហព័ន្ធកីឡាយានយាន្តកម្ពុជា នឹងរៀបចំព្រឹត្តិការណ៍ដ៏អស្ចារ្យ ដែលមិនធ្លាប់មានៃប្រណាំម៉ូតូ«KARA CUP RAC E 2016» រយៈពេល២ថ្ងៃ ។
លោក សរ សុជាតិ អគ្គលេខាធិការសហព័ន្ធកីឡាយានយន្ដកម្ពុជា បានថ្លែងក្នុងសន្និសីទសារព័ត៌មានស្ដីពីការត្រៀមរៀបចំព្រឹត្តិការណ៍ KARA Cup Race-2016 កាលពីថ្ងៃទី១៩ កុម្ភៈ ថា នេះជាលើកដំបូងហើយ ដែលសហព័ន្ធ និងភ្នាក់ងាររៀបចំប្រណាំងយានយន្ដកម្ពុជា ឬហៅកាត់ថា KARA បានសហការគ្នាបង្កើតព្រឹត្តិការណ៍លក្ខណៈអន្ដរជាតិនេះឡើង ដើម្បីបង្កើនភាពទាក់ទាញ និងផ្សព្វផ្សាយពីសក្ដានុពលនៃកីឡាយានយន្ដកម្ពុជា ។
អគ្គលេខាធិការសហព័ន្ធរូបនេះ បានបញ្ជាក់ថា KARA Cup Race គឺជាព្រឹត្តិការណ៍ប្រណាំង ម៉ូតូលើវាលរាប ដែលបណ្ដាប្រទេស រីកចម្រើនលើពិភពលោកបាន រៀបចំជាយូរមកហើយ ។ អាស្រ័យហេតុនេះ ទើបសហព័ន្ធសម្រេចចិត្ត រៀបចំឲ្យមានក្នុង ប្រទេសកម្ពុជា ដើម្បីបង្កើតឲ្យមានការ ប្រណាំងយានយន្ដកាន់ តែសំបូរបែប និងយល់ដឹងពី បច្ចេកទេសបើកបរ ក៏ដូចជាបច្ចេកទេស ប្រើប្រាស់យានយន្ដ ព្រមទាំងជាការ បង្រួបបង្រួមអ្នកស្នេហា វិស័យកីឡាប្រណាំងយានយន្ដ ទូទាំងប្រទេសផងដែរ ។
ចំណែកលោក ហូ សិទ្ធីគុណ តំណាងភ្នាក់ងាររៀបចំ ប្រណាំងយានយន្ដកម្ពុជា បានលើកឡើងថា ថ្វីត្បិតនេះជាលើកដំបូង នៃការរៀបចំព្រឹត្តិការណ៍ KARA Cup Race ប៉ុន្ដែលោកមានជំនឿចិត្តថា នឹងទទួលបានជោគជ័យ ព្រោះលោកសំអាងលើ ទីតាំងនៃការប្រកួត ស្របជាមួយភាព រីកចម្រើននៃវិស័យ កីឡាយានយន្ដកម្ពុជា ។
ការប្រណាំងម៉ូតូមានរយៈ២ថ្ងៃ គឺថ្ងៃទី២៦-២៧ មីនា នៅទីលានមុខសាលមហោស្របកោះពេជ្រ និងមានម៉ូតូច្រើនប្រភេទចូល
រួមដូចជា ម៉ូតូកែច្នៃ ដែលមានកម្លាំងក្រោម១៣៥CC, ម៉ូតូប្រភេទប្រើអំប្រីយ៉ា មានកម្លាំង១២៥CC ១៣៥CC ប្រភេទម៉ូតូប្រើចង្គឹះលេខមានកម្លាំង១១០CC-១២៥CC ប្រភេទម៉ូតូប្រើលេខអូតូ មានកម្លាំង១២៥CC និងប្រភេទម៉ូតូលេខអូតូមានកម្លាំង១១០CC- ១១៥CC ។
ចែករំលែកព័តមាននេះ