ខេត្តព្រះសីហនុ ៖ ព្រឹត្តិការណ៍ Tiger Street Football Festival 2016 បានវិលត្រឡប់មកកម្ពុជាហើយ ក្នុងរដូវកាលទីបួននេះ។ ការប្រកួតវគ្គជម្រុះតាមតំបន់បានចាប់បើកការប្រកួតជាលើកដំបូងនៅឆ្នេរអូរឈើទាល ខេត្តព្រះសីហនុ
ខេត្តព្រះសីហនុ ៖ ព្រឹត្តិការណ៍ Tiger Street Football Festival 2016 បានវិលត្រឡប់មកកម្ពុជាហើយ ក្នុងរដូវកាលទីបួននេះ។ ការប្រកួតវគ្គជម្រុះតាមតំបន់បានចាប់បើកការប្រកួតជាលើកដំបូងនៅឆ្នេរអូរឈើទាល ខេត្តព្រះសីហនុ កាលពីថ្ងៃទី១៣ ដល់១៤ កុម្ភៈនេះ ដោយមានការចូលរួមពីក្រុមបាល់ទាត់ចំនួន៤៦ក្រុម សរុបកីឡាករ៣២២នាក់ ដើម្បីប្រកួតដណ្តើមកៅអីសម្រាប់ចូលប្រកួតវគ្គផ្តាច់ព្រ័ត្រក្នុងកម្មវិធី Tiger Street Football Festival 2016 នៅរាជធានីភ្នំពេញ។
ក្រោយពីការប្រកួតយ៉ាងស្វិតស្វាញរយៈពេលពីរថ្ងៃជាប់គ្នា គេបានរកឃើញក្រុមជើងឯក ចំនួន5ក្រុមនៅខេត្តព្រះសីហនុ ដែលត្រូវចូលប្រកួតវគ្គផ្តាច់ព្រ័ត្រនាថ្ងៃទី១៣ មីនា នៅរាជធានីភ្នំពេញ មជ្ឈមណ្ឌលកោះពេជ្រខាងមុខសាលមហោស្រព ដើម្បីឈានទៅដណ្តើមជើងឯករួមជាមួយទឹកប្រាក់10.000ដុល្លារ ។ ក្រុមដែលបានឈ្នះការប្រកួតជម្រុះនៅខេត្តព្រះសីហនុ រួមមានក្រុមយុវជនស្នងការដ្ឋាននគរបាលខេត្តព្រះសីហនុ A ដែលជាក្រុមជាប់ជ័យលាភីលេខ១ បានទទួលរង្វាន់ជាប្រាក់1.500ដុល្លារ, ក្រុម Villa Vedici ដែលជាក្រុមជាប់ជ័យលាភីលេខ២ បានទទួលរង្វាន់ជាប្រាក់1.000ដុល្លារ, ក្រុម HURRICANE ដែលជាក្រុមជាប់ជ័យលាភីលេខ៣ បានទទួលរង្វាន់ជាប្រាក់500ដុល្លារ និងក្រុមកំពង់ផែស្វយ័ត A ដែលជាក្រុមជាប់ជ័យលាភីលេខ៤ បានទទួលរង្វាន់ជាប្រាក់200ដុល្លារ។ និងក្រុមជ័យលាភីលេខ ៥ គឺ Vatanak Vichea School A ។
ក្រៅពីនេះ មានសកម្មភាពសប្បាយរីករាយជាច្រើននៅលើទីលាន និងក្រៅទីលានដូចជាការសម្តែងក្បាច់រាំពីក្រុមនារីរាំដ៏ស្រស់ស្អាត កន្លែងលេងហ្គេមកម្សាន្ត ការដាក់តាំងលក់សម្ភារទាក់ទងនឹងកីឡា មានលក់ជូនពិសេសសម្រាប់ការជាវផលិតផលស្រាបៀរ Tiger មានការប្រគំតន្ត្រីចូលរួមសម្តែងដោយតារាល្បីៗដូចជា កញ្ញា ឱក សុគន្ធកញ្ញា, ខេម, ពេជ្រសោភា, ណុប បញ្ញារិទ្ធ, អ៊ីវ៉ា, ទេព បូព្រឹក្ស, នី រតនា និងវង្ស ដារ៉ារតនា ហើយនឹងមានកម្មវិធីពិសេសជាច្រើនទៀត ដែលញុំាងឱ្យព្រឹត្តិការណ៍នេះ កាន់តែជក់ចិត្ត និងដក់ជាប់អារម្មណ៍ដល់អ្នកទស្សនា។
សម្រាប់ការបើកប្រកួតបាល់ទាត់ Tiger Street Football Festival 2016 នៅឆ្នេរអូរឈើទាល ខេត្តព្រះសីហនុ នេះ យើងទទួលបានអ្នកគាំទ្រចួលរួមយ៉ាងច្រើនកុះករនៅជុំវិញបរិវេណទីលានប្រកួត និងមានអ្នកចូលរួមទស្សនាការប្រគំតន្ត្រីរបស់ស្រាបៀរថៃហ្គ័រជាច្រើនពាន់នាក់ក្នុងរយៈពេល២ថ្ងៃពេញកន្លងទៅនេះ។
ការប្រកួតជម្រុះក្នុងកម្មវិធី Tiger Street Football Festival នឹងធ្វើឡើងនៅមណ្ឌលបន្ទាប់ទៀត គឺនៅខេត្តកំពង់ចាម ថ្ងៃទី២០-២១ មីនា ខាងមុខសាលាគរុកោសល្យខេត្ត។
ដូច្នេះសូមកុំភ្លេចចូលរួមទស្សនាការប្រកួតជម្រុះនៅខេត្តកំពង់ចាមឲ្យបានច្រើនកុះករ។
ស្តែងចេញនូវភាពអស្ចារ្យ ដណ្តើមយកក្តីសុបិន្តអ្នកជាមួយ Tiger Street Football Festival 2016 ៕
ចែករំលែកព័តមាននេះ