ខេត្តស្វាយរៀង ៖ នៅល្ងាចថ្ងៃទី២០ ខែកញ្ញា ឆ្នាំ២០២១នេះ រដ្ឋបាលខេត្តស្វាយរៀងបានបង្ហាញអត្តសញ្ញាណអ្នកវិជ្ជមានកូវីដ-១៩ ចំនួន២នាក់ ហើយបានចេញសេចក្តីជូនដំណឹង និងសូមអំពាវនាវដល់បងប្អូនប្រជាពលរដ្ឋ អាជីវករ ដែលធ្លាប់ពាក់ព័ន្ធ ជាមួយបុរសឈ្មោះ វ៉ា ប៊ុនឈឿន អាយុ៣១ឆ្នាំ មុខរបរមន្ត្រីឥណទាន រស់នៅភូមិចុងអូរ ឃុំកំពង់ត្រាច ស្រុករមាសហែក។ -គ្រឹះស្ថានមីក្រូហិរញ្ញវត្ថុ ប្រាសាក់ សាខាស្រុករំដួល គិតចាប់ពីថ្ងៃទី០៤ ខែកញ្ញា ឆ្នាំ២០២១ -ស្ត្រីឈ្មោះ ប្រុញ សោភណ្ឌ័ អាយុ៣១ឆ្នាំ មុខរបរជាមន្ត្រីឥណទានរស់នៅភូមិចុងអូរ ឃុំកំពង់ត្រាច ស្រុករមាសហែក។
គ្រឹះស្ថានមីក្រូហិរញ្ញវត្ថុប្រាសាក់សាខារមាសហែក គិតចាប់ពីថ្ងៃទី០៤ ខែកញ្ញា ឆ្នាំ២០២១។ ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ-១៩ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ខេត្ត តាមរយៈលេខទូរស័ព្ទ 088 783 6666 ឬ 097 503 4567 ដើម្បីមានវិធានការណ៍បន្ត។ សម្រាប់អ្នកដែលមានរោគសញ្ញាសូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕ ដោយ ៖ វ៉ាន់ ប៊ុនធឿន
ចែករំលែកព័តមាននេះ