ឆ្នាំ១១២៦
-ព្រះចៅអធិរាជចិនហ៊ូយហ្សុង ដែលជា ស្ដេចទី៨នៃរជ្ជកាលសុង បានដាក់រាជ្យឱ្យទៅ បុត្រារបស់ព្រះអង្គព្រះនាមហ្សាវ ហួន ហើយ ពេលឡើងគ្រងរាជ្យមានព្រះនាមថា ព្រះចៅ អធិរាជគីនហ្សុង ។ ស្ដេចហ៊ូយហ្សុងជាស្ដេ ចដែលបានផ្សព្វផ្សាយលទ្ធិតាវឱ្យមានការរីកលូតលាស់ ព្រះអង្គមានសមត្ថភាពខាងគំនូរ កំណាព្យ តន្ដ្រី ដែលគេរកឃើញគំនូររបស់ ព្រះអង្គមានចំនួន៦.០០០ផ្ទាំង ។
ឆ្នាំ១៥៣៥
-លោកហ្វ្រង់ស៊ីស្កូ ពីហ្សារ៉ូ ជាអ្នកផ្សង ព្រេងអេស្ប៉ាញ បានរកឃើញទីក្រុងលីម៉ា ដែលជាទីក្រុងបច្ចុប្បន្នរបស់ប្រទេសប៉េរូ ។
ឆ្នាំ១៥៩១
-ស្ដេចSomde Phra Naresuan Ma-harat នៃប្រទេសសៀម បានសម្លាប់ព្រះរាជ ទាយាទនៃប្រទេសភូមាព្រះអង្គម្ចាស់មីន ជីតស្រា ដោយការប្រយុទ្ធតែ២ព្រះអង្គតទល់ ដោយគង់លើខ្នងដំរី ។ ក្រោយមកប្រទេស ថៃបានយកថ្ងៃនេះជាថ្ងៃខួបនៃកងទ័ពរបស់ ព្រះរាជា ។
ឆ្នាំ១៧៧៨
-លោកជេម ឃូក ជនជាតិអង់គ្លេសបាន ក្លាយជាជនជាតិអឺរ៉ុបទី១ ដែលបានរកឃើញ កោះហាវ៉ៃ ហើយគាត់ដាក់ឈ្មោះថា “កោះ សាំងវិច” ។ បច្ចុប្បន្ន កោះនេះជារដ្ឋទី៥០ របស់សហរដ្ឋអាមេរិកដែលបានដាក់បញ្ចូល នៅឆ្នាំ១៩៥៩ ។
ឆ្នាំ១៨៧១
-វីលហេម បានប្រកាសខ្លួនជាស្ដេចទី១ នៃប្រទេសអាល្លឺម៉ង់ ហើយការប្រកាសរបស់ ព្រះអង្គបាននាំឱ្យបញ្ចប់សង្គ្រាមរវាង ប្រទេសបារាំង និងអាល្លឺម៉ង់ ។ ក្នុងរយៈ ពេលសង្គ្រាមនៃប្រទេសទាំង២ ខាងប្រទេស បារាំងមានទ័ពទាំងអស់១.២០០.០០០នាក់ ហើយបានស្លាប់៤៤.៧៨១នាក់ និងរបួស ៨៩.៧៣២នាក់ ។ ចំណែកខាងអាល្លឺម៉ង់
មានកំលាំងទ័ព៩០៩.៩៥១នាក់ ស្លាប់ ១៣៨.៨៧១នាក់ របួស១៤៣.០០០នាក់ និងត្រូវបានចាប់ខ្លួន៤៧៤.៤១៤នាក់ ។
ឆ្នាំ១៨៩៦
-ម៉ាស៊ីនឆ្លុះដោយប្រើកាំរស្មីអ៊ិចត្រូវ បានគេដាក់តាំងពិព័រណ៍ជាលើកទី១ ។
ឆ្នាំ១៩១១
-លោកអឺហ្សែន អ៊ីលី ដែលជាអ្នកកែច្នៃ យន្ដហោះជាតិអាមេរិក បានចុះចតយន្ដហោះ នៅលើនាវា USS Pennsylavania នៅ សមុទ្រសាន់ហ្វ្រាន់ស៊ីស្កូ ហើយនេះជាការ ចុះចតយន្ដហោះនៅលើនាវាជាលើកទី១ ។ លោកអឺហ្សែន អ៊ីលី បានក្លាយជាអ្នកកែច្នៃ យន្ដហោះទីមួយដែលអាចឱ្យយន្ដហោះចុះ ឡើងនៅលើនាវាបាន ។
ឆ្នាំ១៩១៥
-ប្រទេសជប៉ុនបានដាក់ចេញការទាមទារ ២១ចំណុចទៅឱ្យប្រទេសចិន ដើម្បីពង្រីក អំណាចរបស់ខ្លួននៅលើតំបន់អាស៊ីខាង
កើត ។ ការទាមទារជាគោលគំនិតរបស់ ព្រះចៅអធិរាជជប៉ុន តែគ្រប់គ្រងដោយ នាយករដ្ឋមន្ដ្រីជប៉ុនលោកអូគូម៉ា ស៊ីហ្កេន នូហ៊ូ ព្រោះខ្លួនមានឥទ្ធិពលទៅលើប្រទេស ភាគខាងត្បូង និងម៉ាន់ជូរី ក្រោមស្នាដៃឈ្នះ សង្គ្រាម២លើក ។ លើកទី១ សង្គ្រាមរវាង ស្ដេចគីងរបស់ចិន និងស្ដេចម៉ីអ៊ិយិរបស់ជប៉ុន ដើម្បីដណ្ដើមការត្រួតត្រាលើកូរ៉េ ហើយ លើកទី២ឈ្នះសង្គ្រាមរវាងរុស្ស៊ីនិងជប៉ុន លើការគ្រប់គ្រងប្រទេសកូរ៉េ និងតំបន់ម៉ាន់ ជូរី ។
សំណើទាមទារ២១ចំណុចនេះបានគំរាម ថា បើប្រទេសចិនមិនព្រមទទួល នឹងកើត មានវិបត្ដិធ្ងន់ធ្ងរ ។ សំណើ២១ចំណុចបាន ចែកចេញជា៥ក្រុមសំខាន់ៗមាន ទី១-ទទួល បាន ខេត្ដសានដេង ហើយមានអំណាច ឬ ឥទ្ធិពលលើផ្លូវដែករបស់ចិន និងខេត្ដធំៗ របស់ចិន ។ ទី២-មានឥទ្ធិពលលើតំបន់ ម៉ាន់ជូរី ហើយការវិនិយោគរបស់ជប៉ុន គឺជា រឿងសំខាន់ ។ ទី៣-ឱ្យជប៉ុនគ្រប់គ្រងកន្លែង យករ៉ែ ហានយីពីង ។ ទី៤-ហាមប្រទេស ចិនប្រគល់កោះ ឬឆ្នេរណាមួយធ្វើជាសម្ប ទានលើពួកបរទេស លើកលែងតែប្រទេស ជប៉ុន ។ ទី៥-តែងតាំងទីប្រឹក្សាជប៉ុនឱ្យ មាននៅក្នុងរដ្ឋាភិបាលកណ្ដាលចិន ឬរដ្ឋបាល ចិន និងកងកំលាំងប៉ូលិសចិន ព្រមទាំងអនុ ញាតឱ្យអ្នកផ្សព្វផ្សាយសាសនាព្រះពុទ្ធ របស់ជប៉ុនមាននៅលើទឹកដីចិន ។ ក្រុមទី៥ ដែលជាសំណើរបស់ជប៉ុនមានការប្រឆាំង ជំទាស់យ៉ាងខ្លាំងនាំឱ្យជប៉ុនទុកជារឿង សំងាត់ ។
ឆ្នាំ១៩១៩
-កិច្ចប្រជុំសន្ដិភាពទីក្រុងប៉ារីសនៅ ប្រទេសបារាំង ដោយមានប្រទេសចំនួន៣០ ចូលរួម ។ កិច្ចប្រជុំនេះដើម្បីដាក់លក្ខខណ្ឌ សន្ដិភាពទៅលើប្រទេសអាល្លឺម៉ង់ពីសំណាក់កងកំលាំងសម្ព័ន្ធមិត្ដដែលឈ្នះសង្គ្រាមលោកលើកទី១ ។
ឆ្នាំ១៩៤៤
-កងទ័ពសហភាពសូវៀត បានរំដោះទី ក្រុងលេនីនក្រាដ ចេញពីការគ្រប់គ្រងរបស់ កងទ័ពណាហ្ស៊ីអាល្លឺម៉ង់ដែលគ្រប់គ្រង អស់រយៈពេល៣ឆ្នាំ ។
ឆ្នាំ១៩៤៥
-កងទ័ពក្រហមរបស់សហភាពសូវៀត បានរំដោះទីក្រុងប៊ុយដាប៉េស្ដ ទាន់ពេលវេលា ពីគំរោងការសម្លាប់ជនជាតិជ្វីហ្វទាំងអស់ ក្នុងទីក្រុងនោះ ។ កងទ័ពក្រហមសហភាព សូវៀត ជួយបានមនុស្ស៧០.០០០នាក់ក្នុង ចំណោម២០០.០០០នាក់ ។
ឆ្នាំ១៩៥៥
-ក្នុងអំឡុងសង្គ្រាមស៊ីវិលនៅប្រទេស ចិន មានការប្រយុទ្ធគ្នានៅលើកោះយីចាង សាន ជាមូលដ្ឋានចុងក្រោយរបស់កងទ័ពបដិ វត្ដន៍ជាតិ ដែលនៅមានកំលាំងតែ១.០០០ នាក់ ចំណែកខាងកុម្មុយនីស្ដមានកំលាំងទ័ព ៥០០០នាក់ យន្ដហោះចំបាំង១៨៤គ្រឿង នាវា១៣៧គ្រឿង ។ ជាលទ្ធផលខាងកងទ័ព បដិវត្ដន៍ជាតិស្លាប់៥៦៧នាក់ ក្រៅពីនេះត្រូវ ចាប់ខ្លួន ចំណែកខាងកុម្មុយនីស្ដស្លាប់៣៩៣ នាក់ របួស ១.០២៤នាក់ ។
ឆ្នាំ២០០០
-មានដុំអាចម៍ផ្កាយថ្មីបានធ្លាក់មកលើ បឹងតាហ្គីស នៃប្រទេសកាណាដា ។ ដុំអាចម៍ ផ្កាយថ្មីនេះ មុនពេលធ្លាក់មកលើផែនដីមាន ទំងន់ប្រហែល៥៦តោន តែពេលមកដល់ផែន ដីគេរកឃើញតែទំងន់១,៣តោន ។
ឆ្នាំ២០០២
-សង្គ្រាមស៊ីវិលនៅសៀរ៉ាឡេអូន ត្រូវ បានប្រកាសជាផ្លូវការថា បានបញ្ចប់ ។ សង្គ្រាមនេះ មានរយៈពេល១១ឆ្នាំបណ្ដាល ឱ្យស្លាប់មនុស្ស១០០.០០០នាក់ និង២លាន នាក់បាត់បង់ជំរក៕
ចែករំលែកព័តមាននេះ