រាជធានីភ្នំពេញ ៖ ខណៈពេលដែលមនុស្សជាច្រើនកំពុងតែរង់ចាំមើលនូវទូរស័ព្ទសេ៊រីថ្មីរបស់ក្រុមហ៊ុនសាមសុង ប្រព័ន្ធផ្សព្វផ្សាយ អន្តរជាតិជាច្រើនកំពុងតែនិយាយអំពីទូរស័ព្ទស៊េរីថ្មីរបស់សាមសុងទាំងពីរម៉ូដែលដែល
រាជធានីភ្នំពេញ ៖ ខណៈពេលដែលមនុស្សជាច្រើនកំពុងតែរង់ចាំមើលនូវទូរស័ព្ទសេ៊រីថ្មីរបស់ក្រុមហ៊ុនសាមសុង ប្រព័ន្ធផ្សព្វផ្សាយ អន្តរជាតិជាច្រើនកំពុងតែនិយាយអំពីទូរស័ព្ទស៊េរីថ្មីរបស់សាមសុងទាំងពីរម៉ូដែលដែលនឹងបង្ហាញខ្លួននៅថ្ងៃទី២១ កុម្ភៈ នៅក្រុងបាសេឡូណា ប្រទេសអេស្ប៉ាញ ។
យោងតាមគេហទំព័របច្ចេកវិទ្យា GSMarena បានឱ្យដឹងថា ទូរស័ព្ទសាមសុង Galaxy S7 និង S7 edge នឹងត្រូវដាក់បង្ហាញជាផ្លូវការនៅថ្ងៃទី២១ កុម្ភៈ ២០១៦ ក្នុងកម្មវិធីទូរស័ព្ទពិភពលោក ។ ទូរស័ព្ទមួយនេះនឹងមានអង្គចងចាំទំហំ32GB ហើយអ្នកប្រើប្រាស់អាចបន្ថែមអង្គចងចាំបានទៀតផង។
ចំណែកឯគេហទំព័រCnet បាននិយាយថា សាមសុង Galaxy S7 Edge នឹងមានថ្មធំជាងសាមសុង Galaxy S6 Edge រហូតដល់ទៅ៣៨%។ បើនិយាយពីថាមពលថ្មវិញគឺ S7 Edgeមានរហូតដល់ទៅ3.600mAhហើយមានអេក្រង់ទំហំរហូតដល់ទៅ5,5អុីន ខណៈពេលដែលS6 Edge មានថាមពលថ្មត្រឹមតែ2600mAh និងមានអេក្រង់ទំហំត្រឹមតែ5,1អុីនប៉ុណ្ណេាះ។
ស្របពេលជាមួយគ្នានេះដែរ គេហទំព័រ CNN Money បាននិយាយថា ទូរស័ព្ទដៃរបស់ក្រុមហ៊ុនសាមសុងកំពុងតែនាំមុខគេនៅលើពិភពលោក ហើយទូរស័ព្ទដៃប្រមាណជា២២%ដែលកំពុងប្រើនៅក្នុងពិភពលោកនេះ ជារបស់ក្រុមហ៊ុនសាមសុង ។ ទូរស័ព្ទសាមសុងទាំងពីរនេះ នឹងមានដាក់បញ្ចូលនូវបច្ចេកវិទ្យា3D touchដូចទូរស័ព្ទ iPhone 6S ដែលធ្វើឲ្យមានភាពខុសគ្នានៅពេលដែលអ្នកប្រើប្រាស់ចុចលើអេក្រង់របស់ទូរស័ព្ទតិចឬខ្លាំង ។ លើសពីនេះទៀត ទូរស័ព្ទនេះអាចការពារធូលី និងការជ្រាបទឹកជម្រៅរហូតដល់មួយម៉ែត្រ ។ បើនិយាយពីកាមេរ៉ាវិញ វាមិនលៀនចេញដូចពីមុនៗនោះឡើយ ហើយអាចថតរូបបានស្អាតទោះជានៅក្នុងទីកន្លែងងងឹតក៏ដោយ ។
បច្ចុប្បន្ននេះ មានអត្ថបទជិត២០លាននៅលើអុីនធើរណេតដែលកំពុងនិយាយអំពីទូរស័ព្ទស៊េរីថ្មីរបស់សាមសុង ។ ទោះជាយ៉ាងណាក៏ដោយ ការពិតពីទូរស័ព្ទសាមសុង Galaxy S7 និង S7 Edge នឹងត្រូវបង្ហាញនៅថ្ងៃទី២១ កុម្ភៈនេះ ។ នៅក្នុងប្រទេសកម្ពុជា ទូរស័ព្ទទាំងនេះនឹងមានវត្តមានក្នុងពេលឆាប់ៗផងដែរ។ សូមរង់ចាំមើលទាំងអស់គ្នាថា តើទូរស័ព្ទទាំង
ពីរនេះមានអ្វីពិសេសប្លែកខ្លះ។
សម្រាប់ព័ត៌មានបន្ថែមសូមចូលទៅកាន់៖
http://money.cnn.com/2016/02/01/technology/samsung-galaxy-7-rumors/
http://www.cnet.com/news/samsung-galaxy-s7-could-boast-3600mah-battery-fcc-docs-suggest/
http://www.gsmarena.com/rumor_reveals_samsung_galaxy_s7_s7_edge_price-news-16585.php
ចែករំលែកព័តមាននេះ