រាជធានីភ្នំពេញ ៖តើលោកអ្នកបានទស្សនាវីដេអូខ្លីរបស់សាមសុងហើយឬនៅ ? វីដេអខ្លីដែលបង្ហាញបុរសម្នាក់ពាក់ Gear VRសំឡឹងមើលទៅប្រអប់ពន្លឺពណ៌ខៀវធ្វើអោយអ្នកទស្សនាមានចម្ងល់និងចង់ដឹងថាតើមានអ្វីនៅក្នុងប្រអប់សំងាត់មួយនោះ ?
ចាប់តាំងពីថ្ងៃទី 31 ខែ មករា ដែលវីដេអូនេះចេញផ្សាយរហូតមកដល់ពេលនេះមានរយៈពេលត្រឹមតែ 2 សប្តាហ៍ប៉ុណ្ណោះ ប៉ុន្តែទទួលបានអ្នកទស្សនារហូតដល់ទៅជាង2លាននាក់ និងមាន Commentរហូតដល់ទៅជិត2ពាន់នាក់ ។ មានអ្នកខ្លះនិយាយថា «ឱព្រះអើយ! សាមសុងជំនាន់ក្រោយគឺជាប្រអប់ជ្រុង (3 cube) » ហើយអ្នកខ្លះទៀតនិយាយថា «ការបែកធ្លាយ វីដេអូរបស់សាមសុង37ពិតជាធ្វើអោយខ្ញុំចាប់អារម្មណ៍ខ្លាំងណាស់គ្រាន់តែឈុតទីមួយសោះ ខ្ញុំមានអារម្មណ៍រំភើបដល់ម្លឹងទៅហើយ»។ នេះគ្រាន់តែព័ត៌មាននៅក្នុងYouTube របស់សាមសុងតែប៉ុណ្ណោះ ។ រហូតមកដល់ពេលនេះមានគេហទំព័រនៅក្នុងពិភពលោកវិញបានចេញផ្សាយព័ត៌មាននិងបង្ហាញវីដេអូនេះរហូតដល់ទៅ 490,000 និងមានអ្នកចូលអាននិងទស្សនាជាច្រើនអ្នក ។
ចំណែកឯនៅក្នុងគេហទំព័រ VidShaker វិញបានបង្ហាញវីដេអូខ្លីរបស់សាមសុងនេះដែរ មានអ្នកចូលទស្សនារហូតដល់ទៅជិត 2លាននាក់ និងអ្នកចុច LIKE រាប់ពាន់នាក់ ។
បើចង់ដឹងថា តើនឹងមានអ្វីនៅក្នុងប្រអប់សំងាត់មួយនេះសូមរង់ចាំទស្សនាទាំងអស់គ្នា នៅថ្ងៃទី21 ខែ កុម្ភៈ នៅក្នុងព្រឹត្តិការណ៍សន្និបាតទូរស័ព្ទពិភពលោកឆ្នាំ 2016 នៅឯប្រទេស អេស្ប៉ាញ ក្នុងទីក្រុងបាសេឡូ (Barcelona) ៕
ចែករំលែកព័តមាននេះ