រាជធានីភ្នំពេញ ៖ ស្មាតហ្វូនស៊េរីថ្មីរបស់ Huaweiដែលទើបបើកសម្ពោធលក់នៅតំបន់អាស៊ីអាគ្នេយ៍ កាលពីចុងខែមករា កន្លងទៅនៅទីក្រុងបាងកក ប្រទេសថៃ ហើយវាជាស្មាតហ្វូនដែលមានបច្ចេកវិទ្យាខ្ពស់ នោះគឺស្មាតហ្វូន Huawei Mate 8 ។
រាជធានីភ្នំពេញ ៖ ស្មាតហ្វូនស៊េរីថ្មីរបស់ Huaweiដែលទើបបើកសម្ពោធលក់នៅតំបន់អាស៊ីអាគ្នេយ៍ កាលពីចុងខែមករា កន្លងទៅនៅទីក្រុងបាងកក ប្រទេសថៃ ហើយវាជាស្មាតហ្វូនដែលមានបច្ចេកវិទ្យាខ្ពស់ នោះគឺស្មាតហ្វូន Huawei Mate 8 ។ ស្មាតហ្វូនស៊េរីថ្មីរបស់ Huawei ត្រូវបានអាជីវករ និងតំណាងចែកចាយទូរស័ព្ទនៅកម្ពុជារំពឹងថានឹងទទួលបានការគាំទ្រច្រើនពីសំណាក់អ្នកប្រើប្រាស់នៅក្នុងប្រទេសកម្ពុជា ។
អ្នកស្រី អាន ឆែ តំណាងចែកចាយទូរស័ព្ទHuaweiមួយរូបនៅកម្ពុជាបានឱ្យដឹងថា ឆ្នាំនេះទូរស័ព្ទស្មាតហ្វូនម៉ូដែលHuaweiប្រាកដជាលក់ដាច់ជាងឆ្នាំមុន ដោយសារតែសព្វថ្ងៃនេះ ម៉ូដែល Huawei មានការពេញនិយមប្រើប្រាស់នៅក្នុងប្រទេសកម្ពុជា ជាពិសេសនោះម៉ូដែលនេះមានតម្លៃសមរម្យដែលអតិថិជនភាគច្រើនអាចមានលទ្ធភាពទិញប្រើប្រាស់បាន។ មិនតែប៉ុណ្ណោះ Huaweiក៏បានបញ្ចេញស្មាតហ្វូនស៊េរីដែលធ្វើឱ្យអ្នកប្រើប្រាស់កាន់តែចាប់អារម្មណ៍ទៅលើបច្ចេកវិទ្យាថ្មីៗនេះដែរ ។
អ្នកស្រីបន្តថា ចំពោះម៉ូដែលរបស់ស្មាតហ្វូនHuaweiដែលទើបចេញថ្មី Huawei Mate8 កាន់តែអស្ចារ្យ មានរាងស្អាត បច្ចេកវិទ្យាទំនើប កាមេរ៉ាច្បាស់ល្អ និងមានកម្មវិធីច្រើនសម្រាប់ឱ្យអ្នកប្រើប្រាស់អាចយកកម្មវិធីណាដែលខ្លួនចង់លេង ឬកម្មវិធី Download នានាជាដើម ។
ចំណែកអ្នកនាង ស៊ីង លីន តំណាងចែកចាយទូរស័ព្ទ Huawei នៅកម្ពុជា ក៏បានឱ្យដឹងដែរថា ស្មាតហ្វូនស៊េរីថ្មីរបស់Huawei គឺពិតជាល្អ អាចប្រើខ្ចៅដៃស្កែនសម្រាប់ដោះសោ និងមានកម្មវិធីច្រើនកាន់តែងាយស្រួលប្រើប្រាស់ ជាពិសេសនោះស្មាតហ្វូនស៊េរីថ្មីរបស់ Huawei នេះមានតម្លៃសមរម្យផងដែរដែលអតិថិជនភាគច្រើនមានលទ្ធភាពទិញប្រើប្រាស់បាន ។
អ្នកនាង ខៀវ សានសាណា ពិធីការិនីទូរទស្សន៍ MyTV ដែលជាអ្នកគាំទ្រស្មាតហ្វូន Huaweiម្នាក់បានឱ្យដឹងថា ទូរស័ព្ទស្មាតហ្វូន ម៉ូដែល Huawei គឺពិតជាស្រួលប្រើ ជាពិសេសHuawei Mate 8 ដែលទើបចេញថ្មីនេះ មានរូបរាងស្ដើង ស្រាល ងាយស្រួលកាន់ ។ អ្នកនាងថា៖«ខ្ញុំនឹងផ្លាស់ប្តូរពីស្មាតហ្វូន Huawei ម៉ូដែលP8 មកប្រើម៉ូដែលHuawei Mate8 វិញ»។
គួរបញ្ជាក់ថា នៅក្នុងឆ្នាំ២០១៥កន្លងទៅនេះ ក្រុមហ៊ុន Huawei រកប្រាក់ចំណូលកើនឡើងជាងឆ្នាំ២០១៤ប្រមាណ៧០ភាគរយ ដែលជាតួលេខមួយខ្ពស់ និងចាត់ទុកថាជាឯតទគ្គកម្មរបស់ Huawei និងរកបានប្រាក់ចំណេញជិត២០ប៊ីលានដុល្លារអាមេរិក ក្នុងឆ្នាំ២០១៥ ។ មិនតែប៉ុណ្ណោះ Huawei នៅតែខិតខំផលិតស្មាតហ្វូនស៊េរីថ្មីៗជាបន្តបន្ទាប់ទៀតដើម្បីបម្រើសេចក្តីត្រូវការរបស់អ្នកប្រើប្រាស់ក៏ដូចជាការប្រកួតប្រជែងបច្ចេកវិទ្យាថ្មីទូទាំងសាកលលោក៕
ចែករំលែកព័តមាននេះ