FIFA អះអាងថា អ្នកគាំទ្រចង់បានការប្រកួត World Cup រៀងរាល់២ឆ្នាំម្តង
ស្វីស ៖ សហព័ន្ធបាល់ទាត់ពិភព (FIFA) អះអាងថា ផែនការកែទម្រង់ការប្រកួតពានរង្វាន់ World Cup ដើម្បីរៀបចំរៀងរាល់២ឆ្នាំ
ស្វីស ៖ សហព័ន្ធបាល់ទាត់ពិភព (FIFA) អះអាងថា ផែនការកែទម្រង់ការប្រកួតពានរង្វាន់ World Cup ដើម្បីរៀបចំរៀងរាល់២ឆ្នាំ
ស្វីស ៖ សហព័ន្ធបាល់ទាត់ពិភព (FIFA) អះអាងថា ផែនការកែទម្រង់ការប្រកួតពានរង្វាន់ World Cup ដើម្បីរៀបចំរៀងរាល់២ឆ្នាំម្តង ដែលផ្តួចផ្តើមដោយលោក Arsene Wenger អតីតគ្រូបង្វឹកក្រុមកាំភ្លើងធំ Arsenal បច្ចុប្បន្នជាប្រធានផ្នែកអភិវឌ្ឍន៍បាល់ទាត់របស់ FIFA និងជាទីប្រឹក្សាជិតស្និទ្ធរបស់ប្រធាន FIFA លោក Gianni Infantino កំពុងទទួលការគាំទ្រពីសំណាក់អ្នកគាំទ្រនៅទូទាំងពិភពលោក។
FIFA លើកឡើងថា ខ្លួនបានធ្វើការស្ទង់មតិក្នុងចំណោមអ្នកគាំទ្រ ដែលជាផ្នែកមួយនៃការសិក្សាពីលទ្ធភាពផ្លាស់ប្តូរការប្រកួត World Cup រយៈពេល៤ឆ្នាំម្តង ដោយកាត់បន្ថយមករៀបចំឡើង២ឆ្នាំម្តងវិញ។
FIFA ស្ទង់មតិអ្នកឆ្លើយសំនួរចំនួន ២៣,០០០នាក់ នៅក្នុង២៣ប្រទេសទូទាំងសហព័ន្ធទាំង៦តំបន់ ដោយក្នុងចំណោមនោះ ១៥,០០០នាក់ បង្ហាញការគាំទ្រចំពោះផែនការផ្លាស់ប្តូរមួយនេះ។
សេចក្តីថ្លែងការណ៍ចេញដោយ FIFA បន្ថែមថា អ្នកគាំទ្រភាគច្រើនចង់ឃើញការប្រកួត World Cup ផ្នែកបុរសកាន់តែញឹកញាប់ជាងនេះ។ ហើយភាគច្រើននៃប្រេកង់ដែលពេញចិត្តគឺទ្វេដង នៅក្នុងភាពខុសប្លែកគ្នាគួរឱ្យកត់សម្គាល់រវាងអ្វីដែលហៅថា ទីផ្សារប្រពៃណី និងទីផ្សារបាល់ទាត់កំពុងអភិវឌ្ឍន៍។ យុវជនជំនាន់ក្រោយនៅគ្រប់តំបន់បានបើកចំហ និងចាប់អារម្មណ៍លើការផ្លាស់ប្តូរជាងមនុស្សជំនាន់មុន។
សូមរំលឹកថា ផែនការកំណែទម្រង់នេះ ក៏ទទួលបានការមិនពេញចិត្តយ៉ាងខ្លាំងពីសំណាក់សហព័ន្ធបាល់ទាត់ទ្វីបអឺរ៉ុប និងអាមេរិកខាងត្បូង កីឡាករ គ្រូបង្វឹក អ្នកវិភាគ និងអ្នកជំនាញបាល់ទាត់។ ខណៈកាលពីដើមខែកញ្ញា អ្នកគាំទ្រចំនួន៥៨ក្រុមមកពីទូទាំងពិភពលោក បានសម្តែងការប្រឆាំងនៅក្នុងយុទ្ធនាការសម្របសម្រួលដោយអ្នកគាំទ្របាល់ទាត់អឺរ៉ុប។ លើសពីនេះ សម្ព័ន្ធលីគបាល់ទាត់អឺរ៉ុប ដែលរួមបញ្ចូលទាំងក្របខណ្ឌកំពូលអង់គ្លេស Premier League ក៏បានសម្តែងការប្រឆាំងផងដែរ។ ដោយសុទ្ធតែបានលើកឡើងថា នេះមិនមែនជាការអភិវឌ្ឍន៍បាល់ទាត់ពិតប្រាដកនោះទេ៕ (ដកស្រង់ចេញពី Dailymail)
ចែករំលែកព័តមាននេះ