ខេត្តព្រះវិហារ ៖ ជនរងគ្រោះឈ្មោះគី គីម ភេទប្រុស អាយុ២៩ឆ្នាំ ជាកសិករ រស់នៅភូមិឈូក ឃុំត្បែងពីរ ស្រុកគូលែន ខេត្តព្រះវិហារ ត្រូវជនមិនស្គាល់មុខពួនស្ទាក់បាញ់សម្លាប់នៅក្នុងភូមិ កាលពីវេលាម៉ោងប្រមាណជាង០៩ និង៣០នាទីយប់ថ្ងៃទី១៣ កុម្ភៈ២០១៦ នេះ ដោយត្រូវគេសង្ស័យជារឿងគំនុំ ។
មន្ត្រីនគរបាលនៅកន្លែងកើតហេតុបានឱ្យដឹងថា ក្រោយហេតុការណ៍បាញ់សម្លាប់បុរសខាងលើភ្លាម ជនសង្ស័យក៏បានរត់គេចខ្លួនបាត់ស្រមោល ។ សមត្ថកិច្ចសន្និដ្ឋានថា ករណីនេះ មិនមែនជាករណីប្លន់សម្លាប់នោះទេ វាអាចកើតចេញពីគំនុំគុំគួនគ្នា ។
មកដល់ពេលនេះ សមត្ថកិច្ចមិនទាន់បានបញ្ជាក់ពីអត្តសញ្ញាណជនរងគ្រោះឱ្យអ្នកសារព័ត៌មានដឹងច្បាស់លាស់នៅឡើយទេ ដោយសមត្ថកិច្ចកំពុងបើកការណ៍ស៊ើបអង្កេតលើករណីនេះ ដើម្បីស្វែងរកចាប់ខ្លួនជនដៃដល់មកផ្តន្ទាទោសតាមផ្លូវច្បាប់ ។
ចែករំលែកព័តមាននេះ