MRF ៖ កសិករត្រូវការជំនួយពីរដ្ឋាភិបាល
ប្រទេសមីយ៉ាន់ម៉ា ៖ គោលនយោបាយដែលកំណត់ដោយរដ្ឋាភិបាលថ្មីរបស់មីយ៉ាន់ម៉ា នឹងកំណត់ជោគវាសនានៃឧស្សាហកម្មស្រូវអង្កររបស់ប្រទេសនេះ ។ នេះបើយោង …
ប្រទេសមីយ៉ាន់ម៉ា ៖ គោលនយោបាយដែលកំណត់ដោយរដ្ឋាភិបាលថ្មីរបស់មីយ៉ាន់ម៉ា នឹងកំណត់ជោគវាសនានៃឧស្សាហកម្មស្រូវអង្កររបស់ប្រទេសនេះ ។ នេះបើយោង …
ប្រទេសមីយ៉ាន់ម៉ា ៖ គោលនយោបាយដែលកំណត់ដោយរដ្ឋាភិបាលថ្មីរបស់មីយ៉ាន់ម៉ា នឹងកំណត់ជោគវាសនានៃឧស្សាហកម្មស្រូវអង្កររបស់ប្រទេសនេះ ។ នេះបើយោងតាមសហព័ន្ធស្រូវអង្ករមីយ៉ាន់ម៉ា (MRF) ។
ផលិតផលកសិកម្ម នឹងត្រូវពឹងផ្អែកស្ទើរតែទាំងស្រុងលើជំនួយរបស់រដ្ឋាភិបាលនាពេលខាងមុខ ។ នេះបើយោងតាមប្រសាសន៍របស់លោក Chit Khine បានថ្លែងក្នុងកិច្ចប្រជុំប្រចាំឆ្នាំនៃសហព័ន្ធស្រូវអង្ករ កាលពីថ្ងៃទី៥ កុម្ភៈ កន្លងមក ។
លោក Chit Khine ថ្លែងទៀតថា ៖ « សហព័ន្ធស្រូវអង្ករបានជំរុញឲ្យរដ្ឋាភិបាលធ្វើសេចក្តីព្រាងច្បាប់ ចាប់តាំងពីសហព័ន្ធបានបង្កើតឡើងកាលពីឆ្នាំ២០០៩មកម្ល៉េះ និងសង្ឃឹមថា រដ្ឋាភិបាលមកពីគណបក្សសម្ព័ន្ធជាតិដើម្បីប្រជាធិបតេយ្យ នឹងអនុម័តលើគោលនយោបាយនេះ » ។
គួររំឭកផងដែរថា មីយ៉ាន់ម៉ាធ្លាប់ត្រូវបានគេចាត់ទុកថា ជាប្រទេសដែលមានស្រូវអង្ករធំជាងគេក្នុងចំណោមបណ្តាប្រទេសក្នុងតំបន់អាស៊ី ។ មិនតែប៉ុណ្ណោះ បច្ចុប្បន្ន មីយ៉ាន់ម៉ាក៏មានសក្តានុពលធ្វើជាអ្នកផលិតស្រូវអង្ករដ៏ធំមួយ ប៉ុន្តែចាំបាច់ត្រូវការវិនិយោគបន្ថែមទៀត ។
លោក Chit Khine បន្តថា ៖ « ពួកយើងត្រូវការកញ្ចប់ថវិកាបន្ថែមទៀតដើម្បីអភិវឌ្ឍវិស័យស្រូវអង្ករនេះ ។ ជាមូលដ្ឋាន បញ្ហាហេដ្ឋារចនាសម្ព័ន្ធមានតែកញ្ចប់ថវិការបស់រដ្ឋាភិបាលប៉ុណ្ណោះដែលអាចជួយដោះស្រាយបាន » ។
កញ្ចប់ថវិកាក្នុងឆ្នាំក្រោយនេះ ត្រូវបានសម្រេចដោយរដ្ឋាភិបាលរួចហើយ ប៉ុន្តែនៅពេលដែលរដ្ឋាភិបាលឡើងកាន់កាប់តំណែងនៅខែមីនាខាងមុខ កញ្ចប់ថវិកានេះគួរតែត្រូវបានបង្កើតឡើង ។ ម្យ៉ាងទៀត ក្រសួងដែលពាក់ព័ន្ធគួរធ្វើកិច្ចសហប្រតិបត្តិការដើម្បីផ្លាស់ប្តូរកញ្ចប់ថវិកានៃវិស័យកសិកម្ម ។
លោក Chit Khine បានបន្ថែមទៀតថា ៖ « ដើម្បីធ្វើពង្រាងច្បាប់គោលនយោបាយស្រូវអង្ករ ពួកយើងត្រូវប្រមូលទិន្នន័យពីតំបន់ដាំដំណាំស្រូវ ទិន្នន័យនៃការប្រើប្រាស់ក្នុងស្រុក និងនាំចេញអង្ករស្រូវផងដែរ ។ ពេលនេះយើងកំពុងតែដុតដៃដុតជើងសិក្សាពីការព្យាករ » ។
ចំណែកអគ្គនាយករងសហព័ន្ធស្រូវអង្ករ លោក Soe Tun said ក៏បានឲ្យដឹងដែរថា ៖ « លោកមិនបានរំពឹងខ្ពស់នោះឡើយ ។ អ្វីដែលសំខាន់ គឺថវិកាដែលគ្រប់គ្រងដោយរដ្ឋាភិបាលចាស់ បានអនុម័តពីកញ្ចប់ថវិកាដែលនឹងត្រូវផ្តល់ឲ្យនៅឆ្នាំនេះ ។ ពួកយើងត្រូវចាំមើលសិនថា តើរដ្ឋាភិបាលថ្មីនឹងព្យាយាមផ្លាស់ប្តូរចំនួននៃកញ្ចប់ថវិកានេះដែរឬអត់ » ។
ប្រសិនបើរដ្ឋាភិបាលថ្មីអនុម័តច្បាប់ថ្មីដែលនឹងជួយដល់វិស័យកសិកម្មនោះ វាជារឿងដែលល្អបំផុត ។ នៅមុនពេលបោះឆ្នោត គណបក្សសម្ព័ន្ធជាតិដើម្បីប្រជាធិបតេយ្យបាននិយាយថា ខ្លួននឹងធ្វើកំណែទម្រង់លើវិស័យកសិកម្មដើម្បីផ្តួចផ្តើមការធ្វើកសិកម្មបែបទំនើប និងផ្តល់ជំនួយដល់កសិករខ្នាតតូចសម្រាប់បង្កើតផលិតកម្មរបស់ពួកគេបន្ថែមទៀត ។
ទោះជាយ៉ាងណា នៅក្នុងកិច្ចប្រជុំសហព័ន្ធស្រូវអង្ករមីយ៉ាន់ម៉ា អគ្គលេខាធិការទូទៅបានមានប្រសាសន៍ថា ៖ « រដ្ឋាភិបាលមិនគួរចំណាយប្រាក់ច្រើនហួសកម្រិតនៅឆ្នាំក្រោយឡើយ ខណៈដែលកញ្ចប់ថវិកាត្រូវបានសម្រេចរួចហើយក្តី ។ ប៉ុន្តែរដ្ឋាភិបាលចាំបាច់ត្រូវតែដំឡើងកញ្ចប់ថវិកានៅឆ្នាំ២០១៨ ខាងមុខ » ។
អគ្គនាយករងសហព័ន្ធស្រូវអង្ករបានថ្លែងក្នុងកិច្ចប្រជុំថា ៖ « មីយ៉ាន់ម៉ាបានពឹងផ្អែកលើការនាំចេញស្រូវអង្ករទៅកាន់ចិនខ្លាំងពេក ដែល ការនាំចេញនេះមិនទាន់ស្របច្បាប់នៅឡើយទេ ពីព្រោះមន្ត្រីខាងប្រទេសចិនមិនទាន់បានចរចាសម្រេចពីចំនួន និងពន្ធ ជាមួយក្រសួងកសិកម្មមីយ៉ាន់ម៉ានៅឡើយទេ » ។
ជាមួយគ្នានេះ នៅពេលកិច្ចពិភាក្សាត្រូវបានបញ្ចប់ ការដឹកជញ្ជូនជាផ្លូវការនឹងត្រូវឆ្លងកាត់ពីម៉ាឡាកា ទៅកាន់កំពង់ផែចិនតែម្តង ។ ក្នុងនោះដែរ ការលក់ស្រូវអង្ករនៅតាមបណ្តោយព្រំដែនចិន និងមីយ៉ាន់ម៉ា មានចំនួន៨៤០.៨០៤តោន ស្មើនឹង៩៣% នៃការនាំចេញសរុប ៕
ចែករំលែកព័តមាននេះ