សុខ សុវណ្ណ ឈ្នះពានជើងឯកនៅប៉ុស្ដិ៍លេខ៥
រាជធានីភ្នំពេញ ៖ ការប្រកួតយ៉ាងកក្រើកកាលពីល្ងាចថ្ងៃសៅរ៍ទី១៣ កុម្ភៈ ត្រូវបានបញ្ចប់ដោយមានការចាប់អារម្មណ៍បំផុត ដោយកីឡាករសុខ សុវណ្ណ បានក្លាយជាអ្នកឈ្នះ…
រាជធានីភ្នំពេញ ៖ ការប្រកួតយ៉ាងកក្រើកកាលពីល្ងាចថ្ងៃសៅរ៍ទី១៣ កុម្ភៈ ត្រូវបានបញ្ចប់ដោយមានការចាប់អារម្មណ៍បំផុត ដោយកីឡាករសុខ សុវណ្ណ បានក្លាយជាអ្នកឈ្នះ…
រាជធានីភ្នំពេញ ៖ ការប្រកួតយ៉ាងកក្រើកកាលពីល្ងាចថ្ងៃសៅរ៍ទី១៣ កុម្ភៈ ត្រូវបានបញ្ចប់ដោយមានការចាប់អារម្មណ៍បំផុត ដោយកីឡាករសុខ សុវណ្ណ បានក្លាយជាអ្នកឈ្នះពានជើងឯកនៅក្នុងព្រឹត្តិការណ៍កំពូលអធិរាជរបស់ក្រុមហ៊ុនស៊ីម៉ង់ត៍អូដ្ឋនៅប៉ុស្ដិ៍លេខ៥។ នេះជាការប្រកួតមួយដែលត្រូវគេកត់សម្គាល់ថាកីឡាករ៤រូប ទាំងអ្នកដណ្ដើមយកលេខ១ និងលេខ៣ ប្រឹងប្រែងបំផុតនៅលើសង្វៀន ។
ចាត់ទុកថា ជាលើកទី២ ដែលកីឡាករសុខ សុវណ្ណ មកពីសមាគមកីឡាប្រដាល់ក្រសួងការពារជាតិ បានគ្រងតំណែងជើងឯករបស់ព្រឹត្តិការណ៍អធិរាជស៊ីម៉ងត៍អូដ្ឋក្នុងប្រភេទទម្ងន់៦០គីឡូក្រាមវគ្គ២ ដែលជ័យជម្នះនេះក៏ជាលើកទី២របស់គេផងដែរ បន្ទាប់ពីពាក់កណ្ដាលឆ្នាំ២០១៥គេបានទទួលជើងឯកម្ដងហើយនៅលើសង្វៀន ។ ក្នុងពេលប្រកាសថាឈ្នះពិន្ទុទៅលើកីឡាករ សេក គឹមរួន មកពីក្លិបអង្គរមានជ័យ ខេត្តសៀមរាប កីឡាកររូបនេះលោតកញ្ឆេងចុះឡើងៗពេញរេញ ដោយសារតែជ័យជម្នះលើកនេះ គឺក្រៅពីទទួលបានកិត្តិយស និងប្រាក់រង្វាន់នាំមុខគេហើយ សុខ សុវណ្ណ ក៏នឹងត្រូវតំណាងឲ្យប៉ុស្ដិ៍លេខ៥ ដើម្បីឡើងទៅប្រកួតជាមួយកីឡាករថៃនៅក្នុងប្រទេសថៃផងដែរ ។
លោក សេង កដិកា អ្នករៀបចំការប្រដាល់ប្រចាំនៅប៉ុស្ដិ៍លេខ៥បានអះអាងថា កីឡាករ សុខ សុវណ្ណ នឹងត្រូវបញ្ជូនក្នុងនាមជាតំណាងកម្ពុជាឬប៉ុស្ដិ៍លេខ៥ ទៅប្រកួតជាមួយកីឡាករបរទេសនៅក្នុងប្រទេសថៃក្នុងនាមជាម្ចាស់ជើងឯកម្នាក់។ ប៉ុស្ដិ៍លេខ៥ ក៏នឹងអញ្ជើញកីឡាករថៃឲ្យមកប្រកួតជាមួយកីឡាកររូបនេះ នៅក្នុងប្រទេសកម្ពុជាដូចគ្នា ដើម្បីលើកកម្ពស់កីឡាករជើងឯកឲ្យមានកេរ្តិ៍ឈ្មោះ និងបានក្លាយជាកីឡាករល្បីឈ្មោះនៅក្នុងចង្កោមអ្នកស្នេហាការប្រដាល់ ។ លោកថា សុខ សុវណ្ណ ក្រោយពីគ្រងតំណែងជើងឯករបស់ក្រុមហ៊ុនស៊ីម៉ង់អូដ្ឋត៍កាលពីថ្ងៃទី១៣ កុម្ភៈនោះ លទ្ធភាពតំណាងឲ្យប៉ុស្ដិ៍លេខ៥ដើម្បីប្រកួតជាមួយកីឡាករបរទេសទាំងក្នុងសង្វៀនប៉ុស្ដិ៍លេខ៥ និងនៅក្នុងប្រទេសថៃរបស់គេនឹងកើតមានច្រើន បន្ទាប់ពីបានគ្រងតំណែងជើងឯកនេះទៅ។ យ៉ាងណាក៏ដោយលោកទទូចឲ្យសុខ សុវណ្ណ ប្រឹងប្រែងហ្វឹកហាត់កុំឲ្យធ្លាក់ដៃដើម្បីក្លាយខ្លួនជាធនធានសម្រាប់ព្រឹត្តិការណ៍ស៊ីហ្គេមក្នុងឆ្នាំ២០២៣ផង និងដើម្បីឲ្យអ្នកគាំទ្រជាប់ចិត្តនឹងការគាំទ្រផង ។
បន្ទាប់ពីឆ្លងកាត់ការប្រកួតយ៉ាងស្វិតស្វាញ កីឡាករម៉ន ចាន់ដារ៉ា មកពីក្លិបការិយាល័យទី៥កងទ័ពជើងគោក បានត្រឹមចំណាត់ថ្នាក់លេខ៤ប៉ុណ្ណោះ។ គេទទួលបានទឹកប្រាក់៤០០ដុល្លារ និងពានកិត្តិយសមួយ ខណៈដែលចំណាត់ថ្នាក់លេខ៣គឺបានទៅកីឡាករ ឌុម កែវដា មកពីក្លិបមកុដរាជសីហ៍ ដោយទទួលបានទឹកប្រាក់៧០០ដុល្លារ និងពានកិត្តិយសមួយ ។ ចំណាត់ថ្នាក់លេខ២ បានទៅលើកីឡាករសេក គឹមរួន ដោយទទួលបានទឹកប្រាក់១៥០០ដុល្លារ និងពានកិត្តិយសមួយ ក្នុងពេលដែលចំណាត់ថ្នាក់លេខ១ទទួលបានទឹកប្រាក់៤ពាន់ដុល្លារ និងពានជើងឯកមួយ ៕
ចែករំលែកព័តមាននេះ