កោះសន្តិភាពសូមបង្ហាញជូនវិមានប្រធានាធិបតីចំនួន១០ដែលស្រស់ស្អាតជាងគេក្នុងលោកយោងតាមគេហទំព័របរទេស theestle ៖
១-សេតវិមានអាមេរិក
សេតវិមានអាមេរិក «The White House» ចាប់ផ្តើមសាងសង់ក្នុងឆ្នាំ១៧៩២ ហើយបើកប្រើប្រាស់ជាផ្លូវការនៅឆ្នាំ១៨០០ ។ វិមាននេះមានទំហំ៥.១០០ម៉ែត្រការ៉េ ។ ស្ថាបត្យកររួមមានលោក James Hoban, Benjamin Henry Latrobe, Charles Follen McKim និងលោក Nathan C. Wyeth។
២-វិមានតាហ្ស៊ីគីស្ថាន
ប្រធានាធិបតីប្រទេសតាហ្ស៊ីគីស្ថាន គឺជាប្រមុខរដ្ឋ និងមានតំណែងខ្ពស់ក្នុងរដ្ឋាភិបាលតាហ្ស៊ីគីស្ថាន ។ ប្រធានាធិបតីរស់នៅក្នុងវិមានតាហ្ស៊ី ។ វិមាននេះត្រូវបានគេស្គាល់ថា ជាវិមានរួបរួមជាតិស្ថិតក្នុងរាជធានីឌូហ្សាន់បេ ។
៣-វិមានអាកូដាប្រទេសកាហ្សាក់ស្ថាន
វិមានអាកូដាដែលពាក្យអាកូដាមានន័យថា «ក្រុមមនុស្សស្បែកស» គឺជាវិមានរបស់ប្រធានាធិបតីកាហ្សាក់ស្ថាន ស្ថិតនៅក្នុងរាជធានីអាស្តាណា ។ វិមាននេះសាងសង់ឡើងក្នុងរយៈពេល៣ឆ្នាំ ហើយបានបើកប្រើប្រាស់ជាផ្លូវការនៅឆ្នាំ២០០៤ ។ វិមានអាកូដា សាងស់ឡើងដោយក្រុមស្ថាបត្យករឈ្មោះថា Mabetex ដែលបង្កើតឡើងដោយអតីតប្រធានាធិបតីកូសូ Behgjet Pacolli និងឧបនាយករដ្ឋមន្ត្រីទី ១ផងដែរ ។
៤-វិមានអាប៊ុយដាប៊ី
វិមានអាប៊ុយដាប៊ីប្រទេសអារ៉ាប់រួមដែលចាយប្រាក់ជិត៥០០លានដុល្លាររបស់ប្រទេសអេមីរ៉ាតអារ៉ាប់រួម ។ សំណង់វិមាននេះសាងសង់ឡើងដោយក្រុមហ៊ុនក្នុងប្រទេស និងសហការជាមួយក្រុមហ៊ុនប្រទេសក្រិក ។ យោងតាមអ្នកជំនាញក្នុងការសាងសង់ឱ្យដឹងថា សេតវិមានអាប៊ុយដាប៊ីគឺជាវិមានដែលចំណាយច្រើនជាងគេក្នុងលោក ។
៥-ប្រាសាទប្រាកសាធារណរដ្ឋឆែក
ប្រាកដែលជាប្រាសាទស្មុគស្មាញក្នុងរាជធានីប្រាករបស់សាធារណរដ្ឋឆែក គឺជាវិមានផ្លូវការរបស់ប្រធានាធិបតីសាធារណរដ្ឋឆែក។ ប្រាសាទនេះគឺជាកន្លែងរបស់ស្តេចនៃតំបន់ Bohemia ព្រះចៅអធិរាជបរិសុទ្ធ ។ ប្រាសាទ និងជាវិមានប្រាកបានចុះបញ្ជីកំណត់ត្រាពិភពលោកជាប្រាសាទបុរាណធំជាងគេក្នុងលោកដែលមានប្រវែងបណ្តោយ៥៧០ម៉ែត្រ និងទទឹង១៣០ម៉ែត្រ ។
៦-វិមានក្រឹមឡាំង
វិមានក្រឹមឡាំងស្ថិតក្នុងក្រុងម៉ូស្គូប្រទេសរុស្ស៊ី សាងសង់ឡើងចាប់ពីឆ្នាំ១៨៣៧ ដល់ឆ្នាំ១៨៤៩ ។ វិមានក្រឹមឡាំងរចនាឡើងដោយក្រុមស្ថាបត្យករគ្រប់គ្រងដោយកំពូលស្ថាបត្យករ Konstantin Thon ។
៧-វិមានអ៊ូហ្គូខាន់
វិមានអ៊ូហ្គូខាន់ ស្ថិតក្នុងរាជធានីអាសហ្គាបាតប្រទេសតួកមេ៉នីស្ថាន ។ លោកប្រធានាធិបតី Saparmurat Niyazov បានស្នាក់នៅកន្លែងនោះអំឡុងឆ្នាំ១៩៩៧ ដល់ឆ្នាំ២០០៦ ។
៨-វិមានរួបរួមជាតិ
Unity Palace ឬវិមានរួបរួមជាតិគឺជាវិមានរបស់ប្រធានាធិបតីស្ថិតក្នុងតំបន់ Etoudi រាជធានីយ៉ុនដេ ប្រទេសកាមេរូន ។ ប្រធានាធិបតីកាមេរូន បានចូលក្នុងវិមានតាំងពីថ្ងៃទី៦ វិច្ឆិកា ១៩៨២ ។
៩-វិមានតៃប៉ិ
វិមានតៃប៉ិគឺជាវិមានរបស់ប្រធានាធិបតីសាធារណរដ្ឋចិនស្ថិតក្នុងទីក្រុងតៃប៉ិ ។ វិមានអគារត្រូវបានរចនាឡើងដោយក្រុមស្ថាបត្យករ Uheiji Nagano ពោលគឺអំឡុងពេលដែលជប៉ុនកាន់កាប់តៃវ៉ាន់ក្នុងអំឡុងឆ្នាំ១៨៩៥ដល់ឆ្នាំ១៩៤៥ ។ វាបានក្លាយជាវិមានប្រធានាធិបតីក្នុងឆ្នាំ១៩៥០ ។
១០-វិមាន Flagstaff
Flagstaff House គឺជាវិមានរបស់ប្រធានាធិបតីប្រទេសហ្គាណា ។ វិមាននេះបានសាងសង់ និងសម្ពោធឡើងវិញដោយរដ្ឋាភិបាលចន អាហ្គីយ៉េគុន គូហ្ល្វ័រ ក្នុងឆ្នាំ២០០៨ ហើយការចំណាយប្រមាណជាពី៤៥ទៅ៥០លានដុល្លារ ៕
Like our Page
