រាជធានីភ្នំពេញ ៖ បន្ទាប់ពីបាននាំចូលរថយន្ត Ford Ranger មកកាន់ទីផ្សាររថយន្តកម្ពុជា ឃើញថា មានការស្វាគមន៍យ៉ាងខ្លាំងពីសំណាក់អតិថិជន ដោយឃើញមានកំណើនចំនួនរថយន្តច្រើនគួរឲ្យកត់សម្គាល់ចរាចរលើដងវិថីនានា ក្នុងទីក្រុងភ្នំពេញ ។ មូលហេតុមួយចំនួនដែលធ្វើឲ្យរថយន្ត Ford Ranger Pickup (ភីកអាប់) មានការពេញនិយមនៅកម្ពុជា ព្រោះតែប្រទេសកម្ពុជាជាប្រទេសកំពុងអភិវឌ្ឍន៍ ស្ថានភាពផ្លូវនៅមានការលំបាកច្រើន ជាហេតុដែលនាំឲ្យមានតម្រូវការរថយន្តដែលមានភាពធន់និងរឹងមាំសម្រាប់ការបើកបរនៅលើផ្លូវលំបាក ។ ម្យ៉ាងទៀត រថយន្តប្រភេទនេះស៊ីប្រេងតិច សន្សំសំចៃខ្ពស់ ផ្តល់សុវត្ថិភាពខ្ពស់ ថែមទាំងជួយកាត់បន្ថយការប៉ះពាល់ដល់បរិស្ថានបានច្រើន ខុសពីរថយន្តភីកអាប់ដទៃទៀត ។ ទាំង១០ចំណុចខាងក្រោមធ្វើឱ្យរថយន្ត Ford Ranger វ៉ាដាច់រថយន្ត Pickup ដទៃទៀត ។
១.ប្រព័ន្ធផ្តល់ដំណឹងនៅពេលបើកបរចេញពីគន្លង និងឧបករណ៍ផ្តល់ដំណឹងពេលចេញពីគន្លង ជាប្រព័ន្ធមួយដែលអាចផ្តល់ជូនអ្នកបើកបរសម្រាប់ការពារ ចំពោះការចាកចេញពីគន្លងផ្លូវរបស់ខ្លួនដោយចៃដន្យនៅពេលដែលកំពុងបើកបរក្នុងល្បឿនលឿន ។
២.ប្រព័ន្ធបន្ថយល្បឿននិងរក្សាគម្លាតសុវត្ថិភាពដោយស្វ័យប្រវត្តិ បានផ្តល់នូវភាពរំញោច ដើម្បីកំណត់ទៅលើល្បឿនក៏ដូចជាចម្ងាយចំពោះរថយន្តដែលបើកនៅពីខាងមុខ ដែលបង្កើតឡើងក្នុងគោលបំណងធ្វើយ៉ាងណាបញ្ចៀសអ្នកបើកបរឱ្យចៀសផុតពីការបើកបរលើសល្បឿនដែលបានកំណត់ ។
៣.ប្រព័ន្ធផ្តល់សញ្ញាគ្រោះថ្នាក់ដែលអាចកើតមាននៅខាងមុខ ឧបករណ៍នេះមានទំនាក់ទំនងផ្សារភ្ជាប់ទៅនឹងប្រព័ន្ធកំណត់ល្បឿនរថយន្តដែលអាចផ្តល់ឱ្យអ្នកបើកបរអាចពិនិត្យ ពីចន្លោះសុវត្ថិភាពនៃរថយន្តរបស់គាត់នៅក្នុងចម្ងាយសុវត្ថិភាពមួយ ។
៤.ប្រព័ន្ធជំនួយចូលចតផ្នែកខាងមុខ និងកាមេរ៉ាសុវត្ថិភាពផ្នែកខាងក្រោយនៃរថយន្ត ការប្រើប្រាស់នូវប្រព័ន្ធរំញោចសម្រាប់ការពារនូវឧបសគ្គផ្សេងៗ ព្រមទាំងផ្តល់ជូនអ្នកបើកបរនូវការផ្តល់នូវដំណឹងនៅពេលដែលរថយន្តបានជួបនូវឧបសគ្គផ្សេងៗ ដូចជាពេលកំពុងចូលចតជាដើម ។ កាមេរ៉ាផ្នែកខាងក្រោយនៃរថយន្តបានផ្តល់នូវរូបភាពច្បាស់ រេទៅតាមចង្កូតដែលអាចផ្តល់ភាពទុកចិត្តខ្ពស់សម្រាប់អ្នកបើកបរនៅពេលចូលចត ។
៥.ប្រព័ន្ធទប់លំនឹងរថយន្តពេលបើកបរក្នុងផ្លូវកោង និងរអិល អាចធ្វើការទប់លំនឹងរបស់រថយន្តនៅពេលដែលរថយន្តចង់ឈានទៅរកការក្រឡាប់បាន ។
៦.ជាមួយនឹងបច្ចេកវិទ្យាផ្សេងទៀតដែលមាននៅលើរថយន្ត Ford Ranger ស៊េរីថ្មីនោះគឺប្រព័ន្ធទប់លំនឹងពេលឡើងចំណោត និងចុះចំណោត អាចជួយឱ្យអ្នកបើកបរមានទំនុកចិត្តក្នុងការបើករថយន្តឡើងចំណោត និងកាត់បន្ថយនូវស្ថានភាពរអិលមិនឱ្យរថយន្តរអិលទៅមុខលឿនពេកនៅពេលដែលចុះពីចំណោត ។
៧.ប្រព័ន្ធជំនួយក្នុងការចាប់ហ្វ្រាំងបន្ទាន់ ដែលផ្តល់នូវសំពាធខ្ពស់សម្រាប់ប្រព័ន្ធហ្វ្រាំងរបស់រថយន្តក្នុងការបង្កើននូវកម្លាំងរបស់ហ្វ្រាំងឱ្យមានប្រសិទ្ធភាពជាងមុននៅពេលដែលអ្នកបើកបរចាប់ហ្វ្រាំងនៅក្នុងករណីបន្ទាន់ ។
៨.ប្រព័ន្ធទប់នូវទម្ងន់របស់រថយន្តនេះវិញ ក៏មានសមត្ថភាពខ្ពស់ផងដែរពោលគឺអូស ឬសណ្តោងបានរហូតដល់៣.៥០០គីឡូក្រាម ជាមួយនឹងទំហំនៃផ្នែកខាងក្រោយនៃរថយន្តអាចផ្ទុកទម្ងន់បានរហូតដល់១.១៧៥គីឡូក្រាមផងដែរ ។ គួរបញ្ជាក់ផងដែរថា ប្រភេទរថយន្តដែលមាននូវលក្ខណៈបែបនេះ ក៏កម្រមានចំពោះស៊េរីរថយន្តភីកអាប់ណាស់ ពោលគឺមានតែចំពោះប្រភេទរថយន្ត Ranger នេះតែប៉ុណ្ណោះ ។
៩.ការរចនាស្រស់ស្អាតទាំងផ្នែកខាងក្រៅនិងផ្នែកខាងក្នុងរថយន្ត ដែលចង្កៀងផ្នែកខាងមុខមានប្រព័ន្ធបិទបើកភ្លើងដោយស្វ័យប្រវត្តិ រួមជាមួយការរចនាដ៏ទាក់ទាញជាមួយនឹងចង្កៀងគជ់ ។ ផ្នែកខាងក្នុងត្រូវបានរចនាឡើងយ៉ាងយកចិត្តទុកដាក់ជាពិសេសតាប្លូស្បែកយ៉ាងស្រស់ស្អាត ។
១០.ប្រព័ន្ធសម្រាប់សាកថ្មឧបករណ៍អេឡិចត្រូនិកផ្សេងៗរបស់រថយន្តនេះគឺមានសមត្ថភាពរហូតដល់២៣០វុល ដែលអាចផ្តល់ថាមពលសម្រាប់សាកថ្មទៅលើឧបករណ៍អេឡិចត្រូនិកផ្សេងៗដូចជា កុំព្យូទ័រយួរដៃជាដើម ៕
ចែករំលែកព័តមាននេះ