ខេត្ព្រះសីហនុ ៖ ក្រុមប្រជាពលរដ្ឋមួយចំនួននៅលើសង្កាត់កោះរ៉ុងសន្លឹមហាក់បង្ហាញ អារម្មណ៏ លាយលំនិងក្តីព្រួយបារម្ភយ៉ាងខ្លាំងទៅនឹងការបាត់បង់ធនធានធម្មជាតិដ៏មហាសាល នៅលើដែនកោះមួយនេះ ដោយសារតែមួយរយះចុងក្រោយនេះមាត់ឆ្នេរដ៏ស្រស់ស្អាតនិងដីព្រៃរបស់រដ្ឋ រាប់ពាន់ហិកតាកំពុងរងនូវការកាប់បំផ្លាញ-ទន្ទ្រានយកធ្វើជាកម្មសិទ្ធិផ្ទាល់ខ្លួន យ៉ាងអណាធិបតេយ្យពីសំណាក់ បុគ្គលអាងអំណាចប្រាក់តាមលំដាប់ថ្នាក់ ដល់នាយឧត្ដមសេនីយ៍ម្នាក់ទៀតផង មានតួនាទីជាអគ្គស្នងការរងនគរបាលជាតិ ។ ប៉ុន្តែហាក់គ្មានចំណាត់ការណាមួយពីស្ថាប័នពាក់ព័ន្ឋ គ្រាដែលរដ្ឋបាលខេត្តព្រះសីហនុ តែងតែអំពាវនាវអោយបងប្អូនប្រជាពលរដ្ឋរួមគ្នាការពារនូវធនធានធម្មជាតិ ដើម្បីជាប្រយោជន៏រួម ក៏មានក្រុមហ៊ុនវិរៈប៊ុនថាន់ផងដែរ សាងសង់រីស៊តអត់ច្បាប់ ។
ជុំវិញការចាក់ដីលុបយកឆ្នេរខ្សាច់ លុបថ្មប៉ប្រះទឹក ការកាប់បំផ្លាញ-ទន្ទ្រានយកធ្វើជាកម្មសិទ្ធិផ្ទាល់ខ្លួន ដោយធ្វើការសាងសង់ជាបឹងហ្គាឡូ រីស៊ត ឯកជន នេះ ត្រូវបានបងប្អូនប្រជាពលរដ្ឋរាយការណ៏មកថាមួយរយះចុងក្រោយនេះ ស្របពេលដែលរាជរដ្ឋាភិបាលជាប់ដៃប្រយុទ្ឋប្រឆាំងនឹងជំងឺកូវិត១៩ មានពួកជនឆ្លៀតឱកាស ជាមន្ត្រីគ្រាក់ៗ នៅក្នុងជួររាជរដ្ឋាភិបាល ពាក់សុទ្ធតែថ្នាក់ ផ្កាយធំៗ កំពុងដឹកនាំ កេណ្ឌជនខិលខូច គៀងគរ នាំគ្នាទៅបង្កភាពអាណាធិបតេយ្យ ចាប់យកដីព្រៃរបស់រដ្ឋ ក្នុងម្នាក់ៗ រាប់សិបហិកតាខណ:ហាងឆេងដីធ្លីតំបន់នោះហក់ឡើងថ្លៃ ដោយសារ ឮដំណឹងថា ៖ មានក្រុមហ៊ុន ចុះទៅវិនិ យោគ អភិវឌ្ឍន៍នៅតំបន់នោះក្នុងពេលឆាប់ៗនេះ ។
ជាក់ស្ដែង ដីនៅតាមមាត់ឆ្នេរជុំវិញកោះរ៉ុងសន្លឹម និងដីព្រៃឈើនៅលើកោះដ៏ខៀវស្រងាត់ ពីមុនមកបច្ចុប្បន្នបានប្រែក្លាយមកជាដីវាលដុំៗ ដូចក្បាលទំពេកអញ្ចឹង ព្រោះក្នុងរយ:ពេល ប៉ុន្មានឆ្នាំចុងក្រោយនេះ ពួកអស់លោកដែលជា អ្នកមានប្រាក់ មានអំណាច បុណ្យស័ក្ដិខ្ពង់ខ្ពស់រហូតដល់ផ្កាយ៤ម្នាក់បាននាំគ្នាទៅធ្វើសកម្មភាព បំផុសឱ្យប្រជាពលរដ្ឋ រស់នៅលើកោះ និងអ្នកចំណាកស្រុក ឱ្យទៅកាប់គាស់ រុករាន ទន្ទ្រានយក ដីព្រៃរបស់រដ្ឋ បន្ទាប់មកក៏បានចាត់ចែង រៀបចំឯកសារ(ទិញ-លក់) ក្រៅផ្លូវច្បាប់ រួចហើយក៏ដាក់គ្រឿងចក្រឈូសឆាយរំលោភយកដីព្រៃរបស់រដ្ធ និង លុបឆ្នេរសមុទ្រ យកធ្វើជាកម្មសិទ្ធិរៀងៗខ្លួន យ៉ាងរង្គាល គ្មានសមត្ថកិច្ចណា ហ៊ានចុះបង្ក្រាប ឬក្អកនោះឡើយ ។ ដោយបានសាងសង់រីស៊តជាច្រើនកន្លែងផងដែរ ហើយការសាងសង់នោះ ពុំមានច្បាប់ត្រឹមត្រូវនោះទេ មិនត្រឹមតែប៉ុណ្ណោះ ទីតាំងរីស៊តទាំងនោះបានបង្ហៀរ-បង្ហូរទឹកកក្វក់ៗស្អុយចូលទៅក្នុងសមុទ្រ បានបង្ករអោយទឹកសមុទ្រប្រែ ពណ៌ទៅជាខៀវ ដុះស្លែពាសពេញផ្ទៃឆ្នេរ នៅតំបន់ជុំវិញ កោះរ៉ុងសន្លឹមទាំងមូលផងដែរ ។
តាមប្រភពប្រជាពលរដ្ឋដ៏ដែលបន្តថា ផ្ទុយទៅវិញ ប្រសិនបើពួកគាត់កាប់ឆ្កាព្រៃបន្តិចបន្តួច ដើម្បីបង្ករបង្កើន ផលជាលក្ខណ:គ្រួសារ នៅតំបន់ឆ្នេនេះគឺមានមុខចេញមុខមន្ត្រីជំនាញ និង អាជ្ញាធរមានសមត្ថកិច្ចមកដល់ភ្លាម ដោយបានសូត្រច្បាប់អោយប្រជាពលរដ្ឋស្តាប់ រត់មាត់ដូចព្រះសង្ឃសូត្រធម៏ ដល់ពេលក្រុមអ្នកមានអំណាចស្ងាត់ឈឹងដូចចោលួចសេះ។វាពិតណាស់ឆ្លងតាមរយះសកម្មភាព នាពេលបច្ចុប្បន្ន វាពិតជាបង្ហាញអំពីភាពអយុត្តិធម៏រវាងក្រុមអ្នកមានអំណាច និង ប្រជាពលរដ្ឋក្រីក្រ ហើយវាក៏ជាគំរូដ៏អាក្រក់សម្រាប់ពលរដ្ឋខ្មែរ នឹងក្រុមហ៊ុនវិនិយោគដ៏ទៃ ក្នុងការយកគំរូតាម ព្រោះថាការហាមបានត្រឹមតែហាមឯអ្នកធ្វើគឺនៅតែធ្វើ ចុងក្រោយអ្នកហិនហោចគឺប្រទេសជាតិ។
ជុំវិញភាពមិនប្រក្រតីនេះ លោក ឈិន ចន្ថា ចៅសង្កាត់កោះរ៉ុងសន្លឹម បានអះអាងថា នៅលើសង្កាត់កោះរ៉ុងសន្លឹមពិតជាមានការទន្ទ្រានឈូសឆាយដីព្រៃសាងសង់ រីស៊តពិតមែន ប៉ុន្តែមិនមែនជាទូទៅនោះទេ លោកក៏ធ្លាប់ចុះហាមឃាត់ដែរ តែក្រុមឆ្លៀតឪកាសទាំងនោះនៅតែលបលួចធ្វើសកម្មភាពដ៏ដែល ។ដោយឡែកចំនុចអាវ២៣ដែលជាប្រជាពលរដ្ឋរិះគន់នោះ គឺម្ចាស់ដីគាត់បានទិញពីភាគីមួយទៀត ដោយមានការទិញលក់តៗគ្នា ប៉ុន្តែបើទោះបីជាយ៉ាងក៏ដោយការឈូសឆាយ និងសាងសង់រីស៊តនេះគឺនៅពុំទាន់មានច្បាប់នៅឡើយទេ គឺចេះតែសាងសង់តាមគ្នាតែប៉ុណ្ណោះ។
ដោយឡែក នួន ប៊ុនថុល អភិបាលក្រុងកោះរ៉ុង ក៏បានថ្លែងបញ្ជាក់ផងដែរថា ចំពោះការកាន់កាប់នៅលើកោះរ៉ុងសន្លឹមនេះ គឺមានច្រើនក្រុមហ៊ុន និង ច្រើនម្ចាស់ ហើយរាល់ការធ្វើសកម្មភាពផ្សេងៗក៏ដូចជាការសាងសង់រីស៊តនេះ គឺសុទ្ឋតែពុំមានច្បាប់ទាំងអស់ ដោយសារអាជ្ញាធរមិនទាន់អាចចេញច្បាប់អនុញ្ញាត្តិនៅឡើយ ព្រោះដីនៅលើកោះរ៉ុងនេះ វាស្ថិតក្នុងឧទ្យានជាតិកោះរ៉ុង ដូចនេះពុំមាននណាម្នាក់មានសិទ្ឋចុះហត្ថលេខាច្បាប់អនុញ្ញាត្តិឡើយ។
បើទោះបីជាមានការបញ្ចាក់ពីអាជ្ញាធរយ៉ាងដូចដូចនេះក្តី ក្រុមប្រជាពលរដ្ឋ និងភ្ញៀវទេសចរណ៏ដែលបានធ្វើដំណើរកំសាន្ត ហើយបានឃើញទិដ្ឋភាពជាក់ស្តែងបានសំណូមពរដល់ប្រមុខរដ្ឋាភិបាលកម្ពុជាដែលមានសម្តេច អគ្គមហាសេនាបតីតេជោ ហ៊ុន សែនជានាយករដ្ឋមន្ត្រី សូមមេត្តាចាត់ឱ្យមន្ត្រីជំនាញឱ្យចុះស៊ើបអង្កេតស្រាវជ្រាវដើម្បីនាំខ្លួនពួកអស់លោកផ្កាយៗ ដែលកំពុងតែធ្វើអប្បគមន៍បង្ករព្យុះ-ភ្លៀង នៅតំបន់ ទឹកដីកោះរ៉ុងសន្លឹមទាំងមូល ដើម្បីកសាងសំណុំរឿង ផ្ដន្ទាទោសតាមផ្លូវច្បាប់ជាធរមាន កុំឱ្យអ្នកមានអំណាច ផ្សេងៗទៀត យកគំរូតាម។
សូមបញ្ជាក់ថា សង្កាត់កោះរ៉ុងសន្លឹម គឺជាសង្កាត់មួយក្នុងចំណោមសង្កាត់ចំនួន២ នៃក្រុងកោះរ៉ុង ដែលជាក្រុងកំពុងមានការអភិវឌ្ឌ្យន៍ យ៉ាងគំហ៊ុក។ ព័ត៌មានបន្ថែមមានផ្សាយនៅលើកាសែតកោះសន្តិភាព ៕
ទិដ្ឋភាពនៅលើកោះរ៉ុងសន្លឹមកំពុងមានសំណង់អត់ច្បាប់ពេញបន្ទុក ៖
ចែករំលែកព័តមាននេះ