នាវេលាចុងក្រោយ ម៉ែបានផ្តាំកូនទាំងឡាយថា ជាងប្រាំបីទសវត្សមកនេះជីវិតម៉ែបានឆ្លងកាត់ព្យុះភ្លៀងច្រើនណាស់ តែម៉ែមិនចុះចាញ់ទេ ម៉ែនៅទ្រាំ នៅតែតស៊ូរហូតដល់ដង្ហើមចុងក្រោយ ជីវិតគឺវាអញ្ចឹង ត្រូវតែតស៊ូ និងជម្នះរាល់ឧបសគ្គទាំងអស់ទើបជោគជ័យណាកូន ។
កូនត្រូវចាំថា ជីវិតត្រូវតែរឹងមាំជានិច្ចណាកូន ដួលហើយត្រូវតែក្រោកឡើង ហើយដើរទៅមុខទៀត ជីវិតរបស់កូននៅវែងឆ្ងាយណាស់ កូនមិនត្រូវបញ្ឈប់ដំណើរជីវិតរបស់កូនត្រឹមតែប៉ុណ្ណឹងទេ នាវាជីវិតរបស់កូនត្រូវតែទៅមុខជានិច្ច ទោះបីជាត្រូវឆ្លងកាត់ព្យុះភ្លៀង រលកសមុទ្របក់បោកយ៉ាងណា ក៏កូនកុំចុះចាញ់ឲ្យសោះ ។
កូនអើយ! ធម្មតាទេ ជីវិតតែងតែជួបឧបសគ្គអ៊ីចឹងឯង គ្មានអ្នកណាគេចផុតបានឡើយ តែសំខាន់កូនត្រូវតែរឹងមាំ ដើម្បីឆ្លងកាត់វា ម៉ែជឿជាក់ថាកូនអាចធ្វើបាន កូនរបស់ម៉ែពូកែណាស់ គឺកូនពូកែតស៊ូ ពុះពារ ដោះស្រាយបញ្ហាគ្រប់យ៉ាង កូនរបស់ម៉ែពូកែទ្រាំ គឺទ្រាំដល់ទីបំផុត ទ្រាំដោយភាពរឹងមាំ និងក្នុងសេចក្តីថ្លៃថ្នូរជានិច្ច ៕ សាន សារិន
ចែករំលែកព័តមាននេះ