រាជធានីភ្នំពេញ ៖ ស្រាបៀរសិង្ហា ជាផលិតផលឈានមុខមួយក្នុងចំណោមផលិតផលល្បីៗជាច្រើនដែលនឹងចូលរួមក្នុងពិព័រណ៍ពាណិជ្ជថៃ ថប់ថៃប្រន២០១៦ ដែលនឹងធ្វើឡើងនៅមជ្ឈមណ្ឌលពិព័រណ៍កោះពេជ្រ ពីថ្ងៃទី៣ដល់ថ្ងៃទី៧ ខែកុម្ភៈ។ ពិព័រណ៍ប្រចាំឆ្នាំនេះ គឺជាការផ្ដួចផ្ដើមធ្វើឡើងដោយសភាពាណិជ្ជកម្មថៃ ហើយត្រូវបានរៀបចំដោយ Inter Trade Fairs ។
ការចូលរួមរបស់ក្រុមហ៊ុនសាជីវកម្មសិង្ហា នឹងបង្ហាញជូននូវស្ដង់ពិព័រណ៍លំដាប់ខ្ពស់លើផ្ទៃបរិវេណ៥៤ម៉ែត្រការ៉េ ដែលនឹងបង្ហាញគ្រឿងស្រវឹង (ស្រាបៀរសិង្ហា ស្រាបៀរលីអូ Syder Bay) ភេសជ្ជៈមិនមែនគ្រឿងស្រវឹង (B-ing, Sanvo) អាហារសម្រន់ (Max Snax, Coco Jazz, Yuki, Masita Seaweed) និងអាហារ (Asia and Star Chefs under the Fine Food Capital Company, Pun Dee Rice) របស់ក្រុមហ៊ុន Boon Rawd ។
ចាប់ពីថ្ងៃទី៣ដល់ថ្ងៃទី៤ កម្ភៈ ពិព័រណ៍ នឹងបើកជូនសម្រាប់ដៃគូពាណិជ្ជកម្ម អ្នកលក់រាយ អ្នកលក់ដុំ និងអ្នកចែកចាយដ៏មានសក្ដានុពលនានា។ ម្យ៉ាងវិញទៀតពិព័រណ៍ក៏នឹងបើកជូនសម្រាប់សាធារណជនចាប់ពីថ្ងៃទី៥ដល់ថ្ងៃទី៧ កុម្ភៈ នេះផងដែរ។ ស្ដង់ពិព័រណ៍របស់ក្រុមហ៊ុនសាជីវកម្មសិង្ហា នឹងនាំមកនូវការផ្ដល់ជូនពិសេសៗជាមួយហ្គេមកម្សាន្ត និងរង្វាន់ជាច្រើនសម្រាប់ការចំណាយចាប់ពីUS$5 ឡើងទៅ។
ចែករំលែកព័តមាននេះ