អាជ្ញាធរខេត្តកែប មានគម្រោងរុះរើរបងព្រំដីព្រៃលិចទឹក តែត្រូវផ្អាកទៅវិញ
- កំពត
ខេត្តកែប៖ អាជ្ញាធរខេត្តកែប មាននគរបាលខេត្ត និងស្រុកដំណាក់ចង្អើរ រួមទាំងមន្ត្រីពាក់ព័ន្ធ ប្រមាណ ៣០នាក់ កាលពីព្រឹកថ្ងៃទី៧ ខែកញ្ញា ឆ្នាំ២០២១…
ខេត្តកែប៖ អាជ្ញាធរខេត្តកែប មាននគរបាលខេត្ត និងស្រុកដំណាក់ចង្អើរ រួមទាំងមន្ត្រីពាក់ព័ន្ធ ប្រមាណ ៣០នាក់ កាលពីព្រឹកថ្ងៃទី៧ ខែកញ្ញា ឆ្នាំ២០២១…
ខេត្តកែប៖ អាជ្ញាធរខេត្តកែប មាននគរបាលខេត្ត និងស្រុកដំណាក់ចង្អើរ រួមទាំងមន្ត្រីពាក់ព័ន្ធ ប្រមាណ ៣០នាក់ កាលពីព្រឹកថ្ងៃទី៧ ខែកញ្ញា ឆ្នាំ២០២១ បានទៅដល់មាត់ព្រែកមួយ ដែលសំបូរទៅដោយដើមចាក និងដើមកោងកាង ជាព្រៃលិចទឹក ស្ថិតនៅក្នុងភូមិអំពេង ឃុំអង្កោល ស្រុកដំណាក់ចង្អើរ ខេត្តកែប។ ការដាក់កម្លាំងនគរបាល និងអាជ្ញាធរពាក់ព័ន្ធនោះ គឺគ្រោងនឹងដកបង្គោលរបងជាព្រំដី នៅជាប់មាត់ព្រែក ដែលស្ថិតនៅក្នុងភូមិអំពេងនោះ។
ប៉ុន្តែកម្លាំងមន្ត្រីទាំងអស់ បានចាកចេញពីមាត់ព្រែកនោះវិញ ដោយមើលឃើញប្រជាពលរដ្ឋ នៅភូមិអំពេងជាច្រើននាក់ បានចេញមកគាំទ្រលោកយាយ យិត ញ៉ អាយុ ៧៩ឆ្នាំ ជាម្ចាស់ដី ធ្លាប់អាស្រ័យផល។
ពាក់ព័ន្ធករណីចម្រូងចម្រាស់នេះ លោកយាយ យិត ញ៉ ដែលអះអាងថា ជាម្ចាស់ដី បានអោយដឹងថា ដីនៅមាត់ព្រែកនេះ គាត់កាន់កាប់ តាំងពីឆ្នាំ១៩៧៩ មកម្លេះ កាលណោះ ប្ដីគាត់បានថែរក្សា តាំងពីព្រៃលិចទឹក ជាពិសេសដើមចាក គឺគាត់រកចំណូលបានពីលក់ស្លឹកចាក់មួយចំណែក គ្រាន់ដោះដូរក្នុងជីវភាពគ្រួសារ រហូតប្ដីរបស់គាត់ បានស្លាប់ទៅ ក៏គាត់ និងកូនៗ បន្តថែមើលជាប្រចាំ។
លោកយាយបន្តថា ប៉ុន្តែនៅពេលថ្មីៗនេះ ស្រាប់តែមានគេលួចកាប់ដើមចាកគាត់ចោលជាប់ ៤០គុម្ព នៅតាមបណ្ដោយព្រែក ហើយរកមុខមិនឃើញអ្នកណាកាប់ ទើបកូនៗគាត់ បានធ្វើរបងព្រំដីរបស់គាត់ មិនអោយគេលួចកាប់ បន្តបានទៀត។
លោកយាយ យិត ញ៉ និយាយថា កាលពីព្រឹកថ្ងៃទី៧ ខែកញ្ញា មាននគរបាល មកជាច្រើននាក់ មានគម្រោង មកដកបង្គោលព្រំដីគាត់ចេញ។ប៉ុន្តែគាត់បាននិយាយប្រាប់ថា ដីរបស់គាត់ នៅមាត់ព្រែកពិតជាមិនទាន់មានប័ណ្ណកម្មសិទ្ធិកាន់កាប់មែន។ ប៉ុន្តែបើរដ្ឋ ត្រូវការគាត់មិនជំទាស់ទេ គឺប្រគល់ដីមាត់ព្រែកអោយទៅរដ្ឋវិញ។
លោកយាយ យិត ញ៉ និយាយថា ដកដីរបស់គាត់ទុកជាសម្បត្តិរដ្ឋ ក៏ត្រូវដកដីអ្នកផ្សេងៗ នៅជិតដីគាត់ដែរ ព្រោះអ្នកខ្លះ គេលក់បានលុយរាប់ម៉ឺនដុល្លារទៅហើយ ក៏ត្រូវដកដែរ។ មកដកអី តែដីគាត់ ព្រោះនៅជិតនោះដែរ គេដាំដូងរាប់ពាន់គុម្ព គេដាំបានសុទ្ធតែអត់បណ្ណ ដូចតែគ្នា។
លោកឧត្តមសេនីយ៍ត្រី ង៉ែត ទូច ស្នងការរងខេត្តកែប កាលពីព្រឹកថ្ងៃទី៨ ខែកញ្ញា បានឲ្យដឹងថា អាជ្ញាធរ មកទីនេះ គឺតាមគោលការណ៍ការពារសណ្ដាប់ធ្នាប់ ជូនប្រជាពលរដ្ឋ។
លោកឧត្តមសេនីយ៍ត្រី ង៉ែត ទូច បន្តថា ការដាំបង្គោលរបង ធ្វើជាព្រំដីបែបនេះ ប៉ះពាល់ដីសាធារណៈរបស់រដ្ឋ ហើយអាជ្ញាធរខេត្ត កំពុងដាក់ផែនការអន្តរាគមន៍ ទៅលើដីកន្លែងផ្សេងៗទៀត អ្នកដែលធ្វើរំលោភយកដីរដ្ឋ។
លោកឧត្តមសេនីយ៍ត្រី និយាយថា ករណីដីធ្វើរបងព្រំដីមាត់ព្រែកនេះ ខាងអាជ្ញាធរ មានគម្រោងដករបងចេញ ហើយគាត់ធ្លាប់កាប់ស្លឹកចាកលក់អី ក៏លក់ចុះ គ្មានអ្នកណាជំទាស់ទេ។
យ៉ាងណាក៏ដោយ ក្រុមគ្រួសារលោកយាយ យិត ញ៉ នៅតែមិនទុកចិត្ត ព្រោះគាត់អះអាងថា ដីនោះ មានទំនាស់រវាងប្អូនថ្លៃ និងបងថ្លៃដណ្ដើមគ្នាកាន់កាប់លើដីព្រៃលិចទឹកនោះ៕ កែវ ឆាត
ចែករំលែកព័តមាននេះ