ទីក្រុងស្អាត សណ្តាប់ធ្នាប់ល្អ ទាក់ទាញភ្លៀវទេសចរ នៅខេត្តជាប់មាត់សមុទ្រ !
- ភ្នំពេញ
ក្រុងព្រះសីហនុ៖ នៅរសៀលថ្ងៃទី៦ ខែកញ្ញា ឆ្នាំ២០២១ លោក គង់ សោភា អភិបាលរង ក្រុងព្រះសីហនុ ដឹកនាំកំលាំងគណៈបញ្ជាការឯកភាពក្រុងព្រះសីហនុ…
ក្រុងព្រះសីហនុ៖ នៅរសៀលថ្ងៃទី៦ ខែកញ្ញា ឆ្នាំ២០២១ លោក គង់ សោភា អភិបាលរង ក្រុងព្រះសីហនុ ដឹកនាំកំលាំងគណៈបញ្ជាការឯកភាពក្រុងព្រះសីហនុ ចុះរៀបចំសណ្តាប់ធ្នាប់ តាមបណ្តោយផ្លូវ ២ធ្នូ ចាប់ពីចំណុចកែងវិថីតេជោ រហូតដល់ចំណុចម្តុំរង្វង់មូលតោពីរ ដែលស្ថិតនៅក្នុងភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។
លោក គង់ សោភា អភិបាលរងក្រុងព្រះសីហនុ បានថ្លែងថា ក្នុងចុះរៀបចំសណ្តាប់ធ្នាប់នេះ គឺយើងធ្វើឡើងជាប្រចាំ ដើម្បីឲ្យមានរបៀបរៀបរយសណ្តាប់ធ្នាប់ល្អ ក្នុងក្រុងព្រះសីហនុ។ យើងដឹងហើយថា ក្រុង/ខេត្តព្រះសីហនុ ជាខេត្តមួយ មានសក្តានុពលខ្លាំងផ្នែកទេសចណ៍ មានឆ្នេរខ្សាច់ស្រស់ស្អាត ជាតារារះទីសនិរតី។ កាលណាទីក្រុងយើងស្អាត ហើយមានសណ្តាប់ធ្នាប់ល្អនោះ កាន់តែទាក់ទាញភ្ញៀវទេសចរជាតិ និងអន្តរជាតិ មកលេងកំសាន្ត កាន់តែច្រើនឡើងពុំខាន។
គួរបញ្ជាក់ផងដែរថា កន្លងមកនេះ អាជ្ញាធរក្រុង បានចុះណែនាំអប់រំ ដូចជា អ្នកលក់ដូរតាមចិញ្ចើមផ្លូវ ក៏ដូចជាអ្នករំលោភលើការ៉ូឡា យកធ្វើជាចំណតកម្មសិទ្ធិរបស់ក្រុមហ៊ុន ជាច្រើនដង។
ក្រោយការណែនាំជាច្រើនលើកច្រើនសារ មិនស្តាប់តាម លោកគង់ សោភា អភិបាលរងក្រុងព្រះសីហនុ ដឹកនាំកំលាំងគណៈបញ្ជាការឯកភាពក្រុង បញ្ជាកំលាំងឲ្យស្ទួចយករ៉ឺម៉ក់ និងម៉ូតូមួយចំនួន ដែលចតលើការ៉ូឡា និងចតលើចិញ្ចើមផ្លូវផងដែរ៕
ចែករំលែកព័តមាននេះ