ខេត្តសៀមរាប ៖ មន្ត្រីកាំកុងត្រូលសាខាខេត្ត បានធ្វើការចុះត្រួតពិនិត្យលើចំណីអាហារនៅផ្សារទំនើបឡាក់គី ម៉ល មុនថ្ងៃចូលឆ្នាំចិន ដែលប្រតិបត្តិការនេះ ដឹកនាំដោយក្រុមដោយលោកជុំ ឌីវ៉ឺរីស អនុប្រធានសាខាកាំកុងត្រូលខេត្តសៀមរាប កាលពីថ្ងៃទី០៥ កុម្ភៈ ២០១៦ នេះ ស្ថិតនៅតាមបណ្តោយផ្លូវស៊ីវត្ថា ក្នុងសង្កាត់ស្វាយដង្គំ ក្រុង-ខេត្តសៀមរាប ។
លោកជុំ ឌីវ៉ឺរីស ប្រតិបត្តិការនេះត្រូវធ្វើឡើងតាំងពីថ្ងៃទី០៣ កុម្ភៈ រហូតមក នៅតាមបណ្តាទីតាំងលក់ទំនិញចំណីអាហារនានាក្នុងក្រុងសៀមរាប រួមទាំងផ្សាទំនើបផងដែរ ។ ហើយគោលដៅសំខាន់ គឺការឆែកឆេរកញ្ចប់កាដូនំចំណី ភេសជ្ជៈ ដែលគេនិយមទិញយកទៅជូនចាស់ទុំ ញាតិមិត្ត បងប្អូន ក្នុងឱកាសបុណ្យចូលឆ្នាំថ្មី ចូលឆ្នាំចិន-វៀតណាម ។
លោកបន្តថា ក្រោយពីការត្រួតពិនិត្យរបស់ក្រុមការងារ ដូច្នេះបងប្អូនត្រូវមានការប្រុងប្រយ័ត្នពីព្រោះថា នៅក្នុងកញ្ចប់ការដូរនោះ គឺវាងាយស្រួលយ៉ាងខ្លាំងណាស់ ក្នុងការបន្លំយកទំនិញហួសកាលបរិច្ឆេទប្រើប្រាស់ បង្កប់លក់ទៅឱ្យអ្នកដែលបានមកទិញទំនិញទាំងអស់នោះ ។
ចែករំលែកព័តមាននេះ