ក្រុមតាលីបង់ ប្រកាសដណ្ដើមយកបានតំបន់ជ្រលងភ្នំប៉ានសៀរទាំងស្រុង
ពួកតាលីបង់ប្រកាសនាថ្ងៃទី៦កញ្ញាថា ដណ្ដើមយកបានទាំងស្រុងតំបន់ជ្រលងភ្នំប៉ានសៀរ ដែលទីនោះមានការតស៊ូប្រឆាំងពួកគេ ចាប់តាំងពីពួកគេដណ្ដើមអំណាចបាន នៅ
ប្រទេសអាហ្វហ្គានីស្ដាន ៖ ពួកតាលីបង់ប្រកាសនាថ្ងៃទី៦កញ្ញាថា ដណ្ដើមយកបានទាំងស្រុងតំបន់ជ្រលងភ្នំប៉ានសៀរ ដែលទីនោះមានការតស៊ូប្រឆាំងពួកគេ ចាប់តាំងពីពួកគេដណ្ដើមអំណាចបាន នៅអាហ្វហ្គានីស្ថានពីពាក់កណ្ដាលខែសីហាមក។
ក្នុងសេចក្ដីប្រកាសមួយអ្នកនាំពាក្យ សំខាន់របស់តាលីបង់ លោកZABIHULLAH MAJAHIDថ្លែងថា ជាមួយជ័យជម្នះនោះ ប្រទេសរបស់យើង ចាប៉ពីពេលនេះតទៅ ចាកចេញផុតស្រឡះហើយពីសង្គ្រាមដ៏អប្រិយ។ បណ្ដាពួកបះបោរបានត្រូវសម្លា.ប់ និងក្រៅពីនេះរត់គេចខ្លួន។ ប្រជាជនគួរឲ្យគោរពនៅប៉ានសៀរត្រូវបានជួយសង្គ្រោះ ពីការជាប់ជាចំណាប់ខ្មាំង។ យើងសូមធានាដល់ប្រជាជនទីនោះថា គ្មានមនុស្សណាម្នាក់ជាកម្មវត្ថុនៃការរើសអើងឡើយ។ ពួកគេសុទ្ធតែជាបងប្អូនហើយយើងនឹងធ្វើការជាមួយគ្នា ដើម្បីប្រទេសមួយ និងទិសដៅមួយ។
តំបន់ជ្រលងភ្នំប៉ានសៀរជាតំបន់ពិបាកចេញចូល ស្ថិតនៅចម្ងាយតែ៨០គីឡូម៉ែត្រខាងជើងក្រុងកាប៊ុល ជាទីតាំងចុងក្រោយរបស់ពួកប្រឆាំងប្រដាប់អាវុធ ចំពោះពួកតាលីបង់ដែលដណ្ដើមអំណាចបាន កាលពីថ្ងៃទី១៥សីហា និងទទួលបានការចាកចេញ របស់កងទាហានបរទេសចុងក្រោយ ២សប្ដាហ៍បន្ទាប់ពីនោះមក។
ជាទីតាំងប្រឆាំងតាលីបង់ចាប់តាំងពីយូរមកហើយ ជ្រលងភ្នំប៉ានសៀរគ្រប់គ្រងដោយមេបញ្ជាការអាម៉េដសាម៉ាស៊ូដ ដែលជាមនុស្សមានឈ្មោះល្បីល្បាញ កាលពីដំណាច់់ទសវត្សឆ្នាំ១៩៩០ មុនពេលត្រូវសម្លា.ប់ដោយពួកអាល់កៃដាកាលពីឆ្នាំ២០០១។ ទីនោះជាទីតាំងរបស់ចលនាតស៊ូមួយមានឈ្មោះថា រណសិរ្សជាតិតស៊ូ។ ដឹកនាំដោយលោកអាហ៍ម៉ាដម៉ាស៊ូដ កូនប្រុសរបស់មេបញ្ជាការម៉ាស៊ូដ រណសិរ្សតស៊ូនេះមានបណ្ដាសមាជិកជាពួកជីវពលមូលដ្ឋានព្រមទាំងបណ្ដាអតីតសមាជិក កងកម្លាំងសន្តិសុខអាហ្វហ្គានីស្ថាន ដែលមកកាន់តំបន់ជ្រលងភ្នំនេះ ពេលដែលពួកគេបាក់ទ័ពពីកន្លែងនានាមក។
តំបន់ជ្រលងភ្នំនោះពីមុនរៀងមកមិនដែលធ្លាក់ក្នុងដៃសត្រូវណាមួយឡើយ ទោះបីក្នុងសម័យកាលសូវៀតកាន់កាប់ កាលពីទសវត្សឆ្នាំ១៩៨០ ឬក្រោមការកាន់អំណាច លើកដំបូងរបស់ពួកតាលីបង់១ទសវត្សក្រោយពីនេះមក។
រណសិរ្សនេះបានស្នើកាលពីយប់ថ្ងៃទី៥មកទី៦កញ្ញា ឲ្យមានបទឈប់បាញ់គ្នាមួយ ក្រោយពេលហាក់ដូចជារងការបាត់បង់ធ្ងន់ធ្ងរកាលពីចុងសប្ដាហ៍កន្លងទៅ។ ក្រុមតស៊ូនេះគូសបញ្ជាក់ថា បានស្នើដល់ពួកតាលីបង់នូវបទឈប់បាញ់គ្នានៅប៉ានសៀរ និងពីការដកទ័ពរបស់ខ្លួនចេញ និងស្នើដល់កងកម្លាំងរបស់គេឲ្យបញ្ឈប់រាល់សកម្មភាពយោធា៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ