រាជធានីភ្នំពេញ ៖ បុរសជនជាតិអាមេរិកម្នាក់ត្រូវបានគេប្រទះឃើញដេកស្លាប់នៅលើឥដ្ឋក្នុងបន្ទប់ជួលជាន់ទី២ នៃហាងហ្គេរ៉ាហ្ស ដែលមានទីតាំងស្ថិតនៅផ្ទះលេខ៩Eo ផ្លូវលេខ១១០ សង្កាត់វត្ដភ្នំ ខណ្ឌដូនពេញ កាលពីវេលាម៉ោង៧និង៣០នាទីយប់ថ្ងៃទី ២៩ មីនា ឆ្នាំ២០១០ ។ ការស្លាប់របស់បុរសជនជាតិអាមេរិករូបនោះ ត្រូវបានសមត្ថកិច្ចសង្ស័យថា អាចមកពីប្រើប្រាស់គ្រឿងញៀនហួសកំរិត ពីព្រោះរកឃើញមានម្សៅពណ៌សមួយដុំដាក់ក្នុងថង់បា្លស្ទិក។
សមត្ថកិច្ចមូលដ្ឋានបានឱ្យដឹងថា ជនដែលស្លាប់ ដោយសារការសង្ស័យប្រើប្រាស់គ្រឿងញៀនហួសកំរិតនេះឈ្មោះ JOST BYBON HUDSON អាយុ៣៦ឆ្នាំ ជនជាតិអាមេរិកជាអ្នកទេសចរកាន់លិខិតឆ្លងដែនលេខ២០៥២៧០៦៦០ មកកម្ពុជាស្នាក់នៅជាន់ទី២ នៃហាងហ្គេរ៉ាហ្ស (ផ្ទះកើតហេតុ) ។
តាមការបំភ្លឺពីម្ចាស់ហាងខាងលើឈ្មោះ កែវ កន្និដ្ឋា ភេទស្រី អាយុ២៨ឆ្នាំ ជនជាតិខ្មែរ បានឱ្យសមត្ថកិច្ចដឹងថា កាលពីថ្ងៃទី២៦ មីនា ឆ្នាំ២០១០ ជនរងគ្រោះឈ្មោះ JOST BYBON HUDSON បានមកជួលបន្ទប់ជាន់ទី២ ស្នាក់នៅរយៈពេលមួយខែតម្លៃ២០០ដុល្លារ ហើយក្នុងការស្នាក់នៅនោះ បុរសរងគ្រោះតែងតែចេញចូលជាធម្មតា ។ លុះមកដល់ថ្ងៃកើតហេតុវេលាម៉ោង៧និង៣០នាទីយប់ក៏មានក្លិនស្អុយចេញពីបន្ទប់ដែលជនជាតិអាមេរិកស្នាក់នៅនោះ។ ទើបឈានទៅប្រទះឃើញសពបែបនេះ ។
ចែករំលែកព័តមាននេះ