រាជធានីភ្នំពេញ ៖ Pedroកម្ពុជា បានប្រារព្ធខួប៥ឆ្នាំរបស់ខ្លួនកាលពីថ្ងៃសៅរ៍ទី៣០ មករា ឆ្នាំ២០១៦ នៅសួនខាងក្រោយរបស់សណ្ឋាគារ សូហ្វីតែល ដោយក្រុមការងារបានកែប្រែវាលស្មៅដ៏ធំមួយនេះឱ្យក្លាយទៅជាទីតាំងដែលឡូយ និងមានភាពទាក់ទាញសម្រាប់ការចាប់ផ្តើមបង្ហាញម៉ូដដ៏ធំមួយរបស់Pedroនារដូវកាល និទាឃរដូវ ឆ្នាំ២០១៦នេះ ។
ព្រឹត្តិការណ៍ផ្តាច់មុខមួយនេះ ត្រូវបានគេស្គាល់ថា ជាព្រឹត្តិការណ៍បង្ហាញម៉ូដដ៏ធំនៅដើមឆ្នាំ និងមានភ្ញៀវកិត្តិយសជាង៨០០នាក់ចូលរួម ។ មិនធ្លាប់មានពីមុនមកទេដែលព្រះរាជាណាចក្រកម្ពុជាបានធ្វើជាសាក្សីនៅក្នុងកម្មវិធីបង្ហាញម៉ូដមួយដែលមានផ្លូវដើរម៉ូដប្រវែង៤០ម៉ែត្រ មានសសរស្តម្ភកណ្តាល ជាមួយនឹងការតុបតែងដោយដើមឈើ និងបូមខ្សាច់បំពេញប្រធានបទវាលខ្សាច់នៃជួរនិទាឃរដូវនេះ ។
នៅពេលដែលការបង្ហាញនេះចាប់ផ្តើម តារាបង្ហាញម៉ូដអន្តរជាតិចំនួន២៦រូបដែលមកពីគ្រប់ផ្នែកទាំងអស់នៃតំបន់អាស៊ី បានអួតបង្ហាញអំពី ខូឡិកសិនថ្មីរបស់Pedro នារដូវកាលនិទាឃរដូវដល់ទស្សនិកជន ។
ខូឡិកសិនរបស់សុភាពបុរស នាំមកនូវស្បៃទន់រលោងប្រកបដោយភាពថ្លៃថ្នូរផ្តល់ជម្រើស៌ជាច្រើនពណ៌ដូចជាពណ៌ទឹកដោះគោ ពណ៌ត្នោត និងពណ៌ក្រហមក្រមៅ ជាមួយនឹងកំណត់សម្គាល់ពិសេសនៃសាច់ក្រណាត់និងផ្កាសម្រាប់រដូវកាលនេះ។ ចំណុចប្រសព្វបង្ហាញយ៉ាងលំអិតជាមួយនឹងស្បែកជើងប៊ូរំលេចជាមួយពណ៌មាសភ្លឺៗ និងផ្ទៃពណ៌ឈើ ។ ការទាក់ទាញចំណាប់អារម្មណ៍នៃចំណុចលេចធ្លោដូចជាការរចនាស្បែកជើងផ្ទៃផ្កាស្របនឹងស្រមោលនៃរដូវកាលនេះ ។ សាច់ក្រណាត់ត្រូវបានបន្ថែមការយកចិត្តទុកដាក់សម្រាប់បុរសនាសម័យទំនើប ។
ខូឡិកសិនរបស់សុភាពនារីបង្ហាញពីការប្រមូលផ្តុំបំណែកតូចៗនៃភាពទាន់សម័យនាំមកនូវការលាយពណ៌មួយដែលដិតខ្មៅ និងខៀវលាយជាមួយពណ៌សាច់និងស ដែលបង្ហាញនូវភាពជឿជាក់ ។ ស្បែកជើងកែងត្រូវបានរំលេចដោយមានការរចនាម៉ូដ និងពណ៌នៃស្បែកពស់ដែលគ្របដណ្តប់ស្ទើរគ្រប់ផ្នែកភាពឆើតឆាយ និងការទប់លំនឹងនៅគ្រប់ទម្រង់បែបបទ ។ នៅក្នុងរដូវកាលនេះ ស្បែកជើងរាបត្រូវបានរចនាឡើងដោយមានចំណុចពិសេសៗ ដោយមានភាពងាយស្រួលក្នុងការពាក់ ។ ជាមួយនឹងពណ៌ភ្លឺៗនិងស្ទីលក្លាស៊ីក ត្រូវបានរចនាសម្រាប់ស្បែកជើងសង្រែក ។
ជាថ្មីម្តងទៀត Pedroកម្ពុជាបានលើសពីការរំពឹងទុកទាំងអស់ជាមួយនឹងការបង្ហាញចុងក្រោយនេះ ។ ព្រឹត្តិការណ៍នេះធំជាងមុនល្អប្រសើរជាងមុន ទំនើបជាងមុន និងការហ៊ានជាងមុន គួបផ្សំជាមួយផលិតផលថ្មីៗដែលនឹងយកមកដាក់លក់នៅលើទីផ្សារ ។ មិនបាច់ឆ្ងល់ទេថា ហាងPedro បានកើនឡើងដល់៤នៅក្នុងរយៈពេលដ៏ខ្លីមួយ និងបានបង្កើតខ្លួនយ៉ាងរឹងមាំដែលជាការពេញចិត្តរបស់អតិថិជន ៕
ចែករំលែកព័តមាននេះ