បាងកក,ប្រទេសថៃ ៖ ក្រុមហ៊ុន Huawei សម្ពោធកំពូលស្មាតហ្វូនស៊េរីថ្មីបំផុតពីរម៉ូដែល គឺ Huawei Mate 8 និង Huawei GR5 នៅក្នុងតំបន់អាស៊ីអាគ្នេយ៍ ។ កម្មវិធីសម្ពោធនេះ ប្រារព្ធឡើងនៅទីក្រុងបាងកក
បាងកក,ប្រទេសថៃ ៖ ក្រុមហ៊ុន Huawei សម្ពោធកំពូលស្មាតហ្វូនស៊េរីថ្មីបំផុតពីរម៉ូដែល គឺ Huawei Mate 8 និង Huawei GR5 នៅក្នុងតំបន់អាស៊ីអាគ្នេយ៍ ។ កម្មវិធីសម្ពោធនេះ ប្រារព្ធឡើងនៅទីក្រុងបាងកក កាលពីថ្ងៃទី២៨ មករា ២០១៦ ដោយមានការចូលរូមពីភ្ញៀវកិត្តិយសប្រមាណ៥០០នាក់ មកពី១១ ប្រទេស និងឯកអគ្គរាជទូតសុឆន្ទៈរបស់ស្មាតហ្វូន Huawei ដូចជា តារាភាពយន្តដ៏ល្បីប្រចាំប្រទេសមីយ៉ាន់ម៉ា កញ្ញា Wutt Hmone Shwe Yi តារាភាពយន្តស្រស់សង្ហាប្រចាំប្រទេសថៃ លោក Teeradetch Metawarayut ហៅអាឡិច កំពូលតារាភាពយន្ត លោក Ananda Everingham និងពីប្រទេសកម្ពុជារួមមានពិធីករល្បីឈ្មោះបោះសំឡេងក្មេងស្អាត ខៀវ សានសានា កំពូលតារាបង្ហាញម៉ូដ Cambodia Next Top Model កញ្ញា ចាន់ គង្ការ ដើម្បីទទួលបទពិសោធន៍ផ្នែកបច្ចេកវិទ្យាដ៏អស្ចារ្យចុងក្រោយបំផុតរបស់ Huawei។
លោក Thomas Liu នាយកប្រតិបត្តិជាន់ខ្ពស់ផ្នែកអាជីវកម្មស្មាតហ្វូន Huawei ប្រចាំតំបន់អាស៊ីអាគ្នេយ៍មានប្រសាសន៍ថា Huawei បានបំបែកឯតទគ្គកម្មក្នុងឆ្នាំ២០១៥ ជាមួយនឹងការកើនឡើងប្រាក់ចំណូល ៧០% ធៀបនឹងឆ្នាំមុន ដែលធ្វើឲ្យទីផ្សារតំបន់អាស៊ីអាគ្នេយ៍មានសក្ដានុពលយ៉ាងខ្លាំងក្នុងការរីកចម្រើន។ ប្រាក់ចំណេញសរុបរបស់យើងទទួលបានជាង២០ពាន់លានដុល្លារក្នុងឆ្នាំ២០១៥ ស្របពេលដែលយើងបាននាំចេញស្មាតហ្វូនប្រមាណ១០៨លានដើមទូទាំងសកលលោក ។ បច្ចុប្បន្ន Huawei គឺស្មាតហ្វូនលំដាប់លេខ៣ ក្នុងពិភពលោក ។
ជាមួយនឹងការកើនឡើងយ៉ាងឆាប់រហ័សនៅក្នុងពិភពលោក ក្រុមហ៊ុន Huawei កំពុងបន្តការផ្ដល់ជូននូវផលិតផលប្រកបដោយគុណភាពខ្ពស់ និងជម្រើសល្អបំផុតសម្រាប់ទីផ្សារនីមួយៗ។ ដើម្បីបំពេញតម្រូវការអតិថិជន Huawei Mate 8 ស្មាតហ្វូនទំនើបស៊េរីថ្មី ដំណើរការបានលឿន និងមានថាមពលថ្មកាន់បានយូរ ផ្ដល់នូវសមត្ថភាពកំពូលដល់អ្នកប្រើប្រាស់សម័យថ្មី ។ កំពូលស្មាតហ្វូនមួយម៉ូដែលទៀត គឺ Huawei GR5 ដែលស្មាតហ្វូន G ស៊េរី ភ្ជាប់មកនូវជាមួយបច្ចេកវិទ្យាស្គេនក្រយ៉ៅដៃ កាមេរ៉ាដែលមានសមត្ថភាពខ្ពស់ និងអេក្រង់ដែលមានការរចនាពិសេសសម្រាប់យុវវ័យសម័យថ្មី។
Huawei Mate 8 បំពាក់បច្ចេកវិទ្យាទំនើបៗចុងក្រោយ ទំហំកាមេរ៉ាមុខ 16MP ទំហំកាមេរ៉ាក្រោយ 8MP បន្ថែមនូវបច្ចេកវិទ្យា Focus បានលឿន (Fast and All-focus) ថតច្បាស់ក្នុងទីងងឹតជាមួយនឹងបច្ចេកវិទ្យាថ្មី កំរិតអាជីពថតបានលឿន មុខងារថតវីដេអូយឺតៗ និងបំពាក់នូវមុខងារជាកាមេរ៉ាអាជីព ដូចជា ការជ្រើសរើស ISO, S, EV, AF, WB… ស្មើនឹងលោកអ្នកមានកាមេរ៉ាអាជីពនៅជាប់ខ្លួន ។ Huawei Mate 8 ជាស្មាតហ្វូនដំបូងគេបំផុត ដែលបំពាក់ដោយអង្គប្រតិបត្តិការ Kirin 950 ជាមួយ CPU ដែលអានបង្កើនថាមពលរហូតដល់១០០% និង GPU ដំណើរការបានរហូតដល់១២៥% ព្រមទាំងមានថាមពលខ្លាំងជាង Kirin 925 រហូតដល់ ៧០%។
Huawei Mate 8 បំពាក់ដោយថ្មដែលមានថាមពលខ្ពស់ទំហំ 4000 mAh នាំមុខគេខាងសំចៃថ្ម ដោយប្រើធម្មតាបានរយៈពេល២ ថ្ងៃពេញ។ ជាមួយនឹងបច្ចេកវិទ្យាសាកថ្មបានរហ័ស Mate 8 មានលទ្ធភាពបញ្ចូលថាមពលថ្មដែលប្រើបាន១ថ្ងៃពេញ ប្រើពេលវេលាត្រឹមតែ៣០នាទី ។ ជាក់ស្ដែងសម្រាប់អ្នកប្រើប្រាស់ធម្មតាអាចប្រើដោយមិនបាច់សាកថ្មបានរយៈពេល២ថ្ងៃ ចំណែកអ្នកដែលប្រើច្រើនអាចប្រើដោយមិនចាំបាច់សាកថ្មក្នុងរយៈពេល1.65 ថ្ងៃ។ Huawei Mate 8 ក៏បំពាក់ផងដែរ នូវមេកានិច៦ស្រទាប់ដែលការពារការឡើងកម្ដៅបានល្អ ងាយស្រួលបំផុតក្នុងការចាប់កាន់ និងស៊ីថ្មតិច។
ការរចនាល្អឥតខ្ចោះជាមួយរូបរាងយ៉ាងប្រណីត Huawei Mate 8 ត្រូវបានរចនាឡើងជាមួយរូបរាងយ៉ាងល្អឥតខ្ចោះ បំពាក់ដោយអេក្រង់ទំហំ៦អ៊ីញ។ ជាមួយនឹងទំហំប្រើបានសរុប៨៣% ធៀបនឹងតួខ្លួនទាំងមូល Mate 8 មានសភាពរលោង និងហាប់ណែនល្អ និងមិនប៉ះពាល់ដល់ទំហំផ្ទៃអេក្រង់។ កញ្ចក់កែវថ្លា ដូចពេជ្ររាងកោង 2.5D និងអាលុយមីញ៉ូមប្រើសម្រាប់ផលិតយន្តហោះ រួមបញ្ចូលគ្នាយ៉ាងស្វាហាប់ បង្កើតបានជាស្មាតហ្វូនដែលមានរាង ស្តើង ស្អាត គួរឱ្យចង់ប្រើជាទីបំផុត ៕
ចែករំលែកព័តមាននេះ