រាជធានីភ្នំពេញ ៖ មុនឱកាសបុណ្យចូលឆ្នាំចិននេះ ស្រាបៀរBlack Catទឹកខ្មៅបានរកឃើញម៉ូតូScoopy ស៊េរីទំនើបយ៉ាងថ្មីសន្លាង បន្ទាប់ពីមានអតិថិជនកាន់តែច្រើនបានរកឃើញរង្វាន់ម៉ូតូពីក្នុងក្រវិលកំប៉ុងរបស់ស្រាបៀរBlack Cat។ ពិធីប្រគល់រង្វាន់នេះ ត្រូវបានធ្វើឡើងនៅក្នុងព្រឹត្តិការណ៍ប្រដាល់«កំពូលអ្នកប្រដាល់ស្រាបៀរBlack Cat»នៅស្ថានីយទូរទស្សន៍អាស៊ីអាគ្នេយ៍ក្រោមក្រសែភ្នែកមហាជនទាំងនៅស្ទីឌីយោ និងនៅតាមកញ្ចក់ទូរទស្សន៍ជាច្រើនម៉ឺននាក់ កាលពីយប់ថ្ងៃទី៣១ មករា ។ អតិថិជនដែលឈ្នះរង្វាន់ម៉ូតូពីការគាស់ក្រវិលកំប៉ុងរបស់ស្រាបៀរ Black Cat ទឹកខ្មៅនោះ គឺលោក ក្រិត ហឿន ជាកសិកររស់នៅភូមិកែស្រែង តាមបណ្ដោយផ្លូវជាតិលេខ៣ ឃុំទួលអំពិល ស្រុកបសេដ្ឋ ខេត្តកំពង់ស្ពឺ ជាប់ព្រំប្រទល់ខេត្តតាកែវ។ លោកមានសំណាងត្រូវបានម៉ូតូ១គ្រឿងនេះ បន្ទាប់ពីបានជាវស្រាបៀរBlack Catចំនួន៤កំប៉ុងយកមកទទួលទានតាមទម្លាប់ក្រោយពេលបាយ ហើយក៏គាស់ត្រូវរង្វាន់ម៉ូតូនៅក្នុងកំប៉ុងទី៤ ដោយនឹកស្មានមិនដល់ ។
លោក ទេព សុខឃាង ប្រធានផ្នែកទីផ្សារក្រុមហ៊ុន Black Cat បានអះអាងថា នេះជាការផ្ដល់រង្វាន់ម៉ូតូទី៣ហើយក្នុងឱកាសបើកឆាកចូលឆ្នាំ២០១៦ បន្ទាប់ពីឆ្នាំ២០១៥កន្លងទៅ គឺមានអតិថិជនជាច្រើនបានត្រូវរង្វាន់ម៉ូតូScoopyពីស្រាបៀរBlack Cat ដែលបានផ្ដល់ជូននៅក្នុងក្រវិលកំប៉ុង ។ ក្រោយការប្រគល់រង្វាន់នៅលើឆាកទូរទស្សន៍អាស៊ីអាគ្នេយ៍នេះ លោកថា ក្រុមហ៊ុននឹងដឹកម៉ូតូទៅប្រគល់ជូនលោក ក្រិត ហឿន ដល់ផ្ទះម្ដងទៀតដើម្បីបញ្ជាក់ថា ក្រុមហ៊ុនស្រាបៀរBlack Cat ពិតជាបានផ្ដល់រង្វាន់ម៉ូតូដោយមិនកំណត់មុខសញ្ញាឬជាសែស្រឡាយរបស់ក្រុមហ៊ុន ។ លោកថា ស្រាបៀរBlack Cat ទាំងប្រភេទទឹកខ្មៅ និងទឹកស នៅមានរង្វាន់ម៉ូតូScoopyជាច្រើនគ្រឿងទៀត ដើម្បីផ្ដល់ជូនដល់អតិថិជនក្នុងឱកាសអាពាហ៍ពិពាហ៍នេះ ។ លោកទទូចឱ្យអតិថិជនដែលមានចំណូលចិត្តពិសាស្រាបៀរ ជាពិសេស គឺអ្នករៀបអាពាហ៍ពិពាហ៍ ជ្រើសរើសស្រាបៀរBlack Cat ដោយសារស្រាបៀរនេះក្រៅពីមានឱជារសឆ្ងាញ់ ក៏មានផ្ដល់រង្វាន់សន្ធឹកសន្ធាប់ទុកជាចំណងដៃ និងមានបង្កប់នូវរង្វាន់ជាច្រើននៅក្នុងក្រវិលកំប៉ុង ដោយមិនមែនគ្រាន់តែរង្វាន់ម៉ូតូតែមួយមុខនោះទេ ៕
ចែករំលែកព័តមាននេះ